Mavingu 1:24 - Bhibhiliya Nya Guage

²⁴ Kholu nyi mi ranide, aholu mwalo a nyi hakhidego, nyi thawuludzide mandza yangu, aholu mwalo a nga khathalago.

Mavingu 1:24 Iomraidhean Croise

2 Dzikoronika 33:10

Pfhumu Nungungulu a di ganela ni Manasi gumogo ni vathu vaye, aholu avo gima kha va nga mu yingisa.

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Joba 33:14

Aholu, Nungungulu a gu ganela nyondro mbili, gambe mwalo a thelago kota khuye.

Dzindzimo 31:20

Uwe u na va siha sihaloni nya khovbe yago, hwindzo nya mayunga nya vathu u gu va siha tshatshani gwago, hwindzo nya malimi ma fakazago malipha.

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Isaya 50:2

Khu ginani avbo nyi dzudego gwanu, a ngamba manega ni moyo nya gute dzi wonegisa? Avbo nyi nga rana, mwalo a nga thana? Ina mwa gu pimisa gukhenu libogo langu li rode ngudzu nyamba kodza gu mi dzegisa, gani? Mwendro nyi mwalo gambe tshivba nya gu mi dwanele, gani? Wonani nya gukhenu khu tshivba yangu nyi ngu vbwisa yiphwa, nyi vbindrugedza mitsongo yi khala giwula, dzindzandzi dzifa, dzi nunga khu gu hamuga mati.

Isaya 65:12

nyi na mi resela nenu libango, mwatshavbo mu na songwa khu matshari nyamba vbuluga ni moyo. Kholu nyi mi ranide gambe kha mwa nyi ninga phindrulo, nyi ganede, gambe kha mwa yingisa magana yangu; aholu mu di gira silo nya guvivbe mbeli gwangu, mu hathani gu gira ugo gu gumba nyi nengedzisa.”

Isaya 65:2

Litshigu latshavbo nyi khusedzide mandza yangu, gasi gu rana vathu vava nya guyeyise, va gimbilago khu ndzila nya guwegele, va landrisela silo si godwago khu myonyo yawe.

Isaya 66:4

Khu guralo, eni neni nyi na va girela sigaradzo nya sikhongolo, nyi na resa vbatshani gwawe iso si na gu va thelago hwanga; kholu nyi ranide, gambe mwalo a nga nyi hakhago, nyi ganede, gima kha va yingisa; aholu va di gira ugo gu nyenyezidego mbeli gwangu ni gu hatha gu gira iso nyi si si goligo.

Jeremiya 35:17

Khu guralo, Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “Nyi na resa ga va na Judha ni ga vatshavbo vavbanyi va Jerusalema libango nyi va tivisidego; kholu nyi va embede, aholu kha va nyi yingisa; nyi va ranide, kha va nyi hakha.”

Jeremiya 44:16

“Magana u hi embelago nya gukhuwe ma guta khu ga Pfhumu Nungungulu, ethu gima kha hi na gu yingisa!

Jeremiya 7:13

Kha nga olu mu giridego silo satshavbo sesi, a ngu ganela Pfhumu Nungungulu, khuye: Dzinyondro nya dzingi na nyi gu mi kawukani, mu tshikani dzindzeve mu si nyi yingisi, nyi mi ranide mu si nyi hakhi,

Jeremiya 9:6

Va gu vbanya vbakari nya guvivbe; khu kotani nya isoso, kha va khathali khu Eni; a ngu ganela Pfhumu Nungungulu.

Ezekiyeli 8:18

Khu guralo, nyi na va lamula khu likhulo; kha nyi na va pwela gisiro, gambe kha nyi na va tsetsa. Ambari va gu womba huwa dzindzeveni gwangu, kha nyi na va yingisa.”

Zakariya 7:13

Avbo nyi nga va ranago, avo kha va nyi yingisa, avo navo va di nyi rana, Eni neni nyi si va yingisi; a ngu ganela Pfhumu Nungungulu nya Tshivba Yatshavbo.

Mithumo 4:30

Handzega mandza yago gu gumanege siwonegiso ni siliwugiso ni gu hawulugisa madwali khu lina la Jesu, githumi Gyago nya gukatege.”

Varoma 10:21

Aholu na gu thula Israyeli, Isaya, a di khuye: “Matshigu yatshavbo Eni nyi thawuludzide libogo langu, ga vathu nyamba khodwa ni gumba yingela.”

1 Samuweli 28:6

Sawule a di wudzisa Pfhumu Nungungulu, aholu Pfhumu Nungungulu, kha nga mu ninga phindrulo ambari khu ndroro, dzisolo mwendro khu vaprofeti.