Mavingu 1:23 - Bhibhiliya Nya Guage

²³ Vbindrugedzani mu yingisa gu kawuka gwangu, nyi na mi thela liphuvbo langu ndrani gwanu, nyi na mi gira muti magana yangu.

Mavingu 1:23 Iomraidhean Croise

Dzindzimo 145:1

Nyi na gu dhumisa uwe, Nungungulu Pfhumu yangu; nyi ngu gu bonga kala gupindruga.

Mavingu 1:25

Kha nga olu, mu bombidego sileletelo sangu, mu si yingisi gukawuka gwangu,

Mavingu 1:30

mu di nyenya gu landrisa sileletelo sangu satshavbo, mu kanyisa gukawuka gwangu gwatshavbo.

Mavingu 10:17

Uye a dzumelago gu kawukwa, a gu bela khu ndzila nya guvbanyise, aholu uye a bombago gu kawukwa, a gu ndreya ndzilani, a ghoha.

Mavingu 12:1

Uye a golago gu kawukwa, a gu gola guti, aholu uye a si dzumeligo gu kawukwa, mwalo mapimo.

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Mavingu 6:23

Kholu milayo kandriya, sihevbudzo i safa nya guwonegele, ni gukawukwa nya gululame, ndzila yi yisago guvbanyani;

Isaya 32:15

kala li gu tshiga avbo gwathu Liphuvbo la gupindruga; khavbo avbo, giwula gi na vbindrugedza gi khala lithembwe nya gunone, ni lithembwe nya gunone li na khala likhabi.

Isaya 45:8

Khu vbatshani ndzadzini gu na thege mati, ni mapfhi ma na wise gululama; ma na tulege mafu, gu buga guvbanyisa, gumogo nago, gu duge gululama; kheni Pfhumu Nungungulu nyi vangidego isoso.

Jeremiya 3:14

Wuyani gwangu enu sanana nya gukanyise, a ngu ganela Pfhumu Nungungulu; kholu eni kheni Pfhumu yanu, nyi na mi dzegani, moyo ni moyo khu madhoropani ni vavili-vavili khu lihundzu ni lihundzu nyi mi hetedza kala Siyoni.

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Joyele 2:27

Khavbo mu na dzitigo gukhenu, eni nyi womo vbakari gwa va na Israyeli, a gu eni Pfhumu Nungungulu wanu, mwalo mumbe; vathu vangu gima kha va na thega dzitshoni kala gupindruga.

Joyele 2:28

Khu hwane nya isoso, Eni nyi na guhula Liphuvbo langu vbatshani ga vathu vatshavbo. Sanana sanu nya sikhwathana niso nya sagadzyana si na profeta, sikhosane sanu si na lora dzindroro, madzaha yanu ma na wona siwoniso.

Joyele 3:1

Dzitini gukhenu khu matshigu yoyo ni gikhati gyogyo, avbo nyi na wuyisago Judha ni Jerusalema khu wugumbitunu,

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Luka 11:13

Nga wonani: Ambari enu nya gukhenu mu vivbedwe khu myonyo mu kodzago gu ninga silo nya sadi sanana sanu, ahati Babe wanu a guromo Ndzadzini a na gira kharini? A na ninga Liphuvbo nya Guage ga vale va mu lombago!”

Johane 7:39

Jesu a di gu thula Liphuvbo, lile li nga bani li vbweta guhakhwa khu vale va khodwago gwaye; Liphuvbo li di si gu tshigi, kholu Jesu a disi gukhusedzwi wudhumoni gwaye.

Mithumo 26:20

Guphela nyi di tshumayela dhoropani ga Dhamasiko, nyi bela Jerusalema ni litigo latshavbo la Judheya nyi vbindrela mayigoni ya vbavbandze. Ga vatshavbo nyi tivisa gukheni gu vbwetega gu vbindrugedza mavbanyelo, va diga sighoho sawe, va wuya ga Nungungulu, va yeyedze gu vbindrugedza gwawe khu mithumo ya yadi.

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;