Matewu 9:6 - Bhibhiliya Nya Guage

⁶ Kha nga ulo, gasi gu enu mu dziti nya gukhenu Mwamana wa Muthu a na ni tshivba nya gutsetselele sighoho mafuni momu; a di embela gilima, khuye: Khuga u eme, dzega lithatho lago u hongola gaya.”

Matewu 9:6 Iomraidhean Croise

Isaya 43:25

Eni kamwe, kheni nyi futago sighoho sago, khu gugola gwangu, sighoho sago gima kha nyi na si alakanya gambe.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Matewu 8:20

Jesu a di mu hakha, khuye: “Migehe yi na ni mavbala yawe; sinyoni sa damboni si na ni sihaga sawe. Aholu Mwamana wa Muthu mwalo avbo nya gukhihimele hungo waye.”

Matewu 9:2

Va di mu yisela gilima khu lithatho. Jesu, khu gu wona gukhodwa gwawe, a di embela gilima, khuye: “Mwanangu, tiya. Sighoho sago si tsetseledwe.”

Matewu 9:5

Khu gevbini gi vbevbugidego gu ganela gukheni: ‘Sighoho sago si tsetseledwe’, mwendro gukheni, ‘Khuga u gimbile?’

Matewu 9:7

Khavbo avbo, gilima gi di dzegela gu khuga gi hongola gaya.

Marko 2:10

Gasi mufela gu dziti nya gukhenu Mwamana wa Muthu a na ni tshivba nya gutsetselele sighoho mafuni.”

Marko 2:7

“Khu ginani a ganela kharati? A gu vala Nungungulu. Khu mani a dzi kodzago gu tsetselela sighoho vbavbandze ga Nungungulu basi?”

Luka 5:21

Vahevbudzi nya Nayo ni vaphasi nya mhamba va di phela gu ngurangura, khavo: “Khu mani oyu a hembululago Nungungulu? Khu mani a dzi kodzago gu tsetselela sighoho vbavbandze ga Nungungulu basi?”

Johane 10:28

Nyi ngu dzi ninga guvbanya nya gupindruge, gima kha dzi na mbemba; mwalo a na gu nyi wandrelago.

Johane 17:2

kholu u mu ningide tshivba nya gufumele sivangwa satshavbo, gasi a ninge guvbanya nya gupindruge vatshavbo vale u nga mu ningago.

Johane 5:27

A mu ningide tshivba nya gulamule, kholu a gu Mwamana wa Muthu.

Johane 5:8

Jesu a di khuye: “Khuga u ema, dzega lidawu lago u hongola gaya.”

Mithumo 5:31

Nungungulu rungudzile Jesu a mu gira Pfhumu ni Muvbanyisi, afela gu ninga gu vbindrugedza mavbanyelo ni gutsetseledwa sighoho sanana sa na Israyeli.

Mithumo 9:34

Pedro a di mu embela, khuye: “Eneya, Jesu Kristo a ngu gu hawulugisa; khuga u peta lidawu lago.” Uye a di dzegela gu khuga.

2 Vakorinto 2:10

Oyu mu mu tsetselelago eni neni nyi na mu tsetselela, nya gu bani nyi tsetselede gilo nya gukari, nyi giride khu lihaladzo ga enu, khu lina la Kristo;

2 Vakorinto 5:20

Khu guralo, ethu hi sirumwa sa Kristo, Nungungulu khuye a ganelago gwanu khu eni. Hi ngu mi khongotelani khu lina la Kristo: Tshanganani ni Nungungulu.

Vaefeso 4:32

Khalani vathu nya ndruda, mu pwelana wusiwana, mu tsetselelana khu gyanu, kha nga Nungungulu a mi tsetseledego khu ga Kristo.

Vakolosi 3:13

Phasedzanani mu tsetselelana khu gyanu, tsetselelanani kha nga Pfhumu a mi tsetseledego.