Matewu 9:20 - Bhibhiliya Nya Guage

²⁰ Khavbo avbo, nyamayi moyo a nga bani a dwala khu gu dugelela novba gipimo nya likhumi na mivili myaga, a di hidzimela khu hwane gwaye aya kuha tshoka nya mwendra waye.

Matewu 9:20 Iomraidhean Croise

Matewu 14:36

Vata mu lomba gukhavo a va dzumedzise gu kuha tshoka nya libhadzi laye. Vatshavbo avo va nga yi kuhago, va di hawulugiswa madwali yawe yatshavbo.

Matewu 23:5

Satshavbo va girago, va gufela gu wonwa khu vathu. Khu kharato va gu gudzisela mikeka nya milayo va hungago vbagiwombotunu ni mawogoni va laphisa matshakafula nya dzingandzu dzawe.

Matewu 9:19

Jesu a di khuga a hongola naye gumogo ni vapizane vaye.

Marko 6:56

Ni evbini a nga bani a gu bela, mitalalani, madhoropani ni dzindrangani, va di vega vadwali dzindzilani, gasi a va hawulugise, va mu lomba gu va dzumedzisa gu kuha tshoka nya ngandzu yaye. Ava va nga mu kuha, vatshavbo va di hawuluga.

Marko 8:22

Khavbo avbo, va di vboha Bhetisayidha; Va di mu resela mwama nya gikhumu, va gu mu lomba gu a mu khuhe.

Mithumo 19:12

gu di vboha avbo vathu va nga dzega sikhongelo va gu kuha khiso mili waye, va gu si yisa ga vadwali va gu hawuluga, ni maphuvbo nya guvivbe ma gu duga ma hongola.

Mithumo 5:15

Va di dzega vadwali va gu va rwala khu mathatho mu dzindzilani, gasi gikhati Pedro a vbindrago va kuhwe khu mwedzi waye.

Dhewuteronome 22:12

U na lugelela matshakafula umo nya dzitshoka dza dzina nya gifenengelo u na fenengelago.