Matewu 9:16 - Bhibhiliya Nya Guage

¹⁶ “Mwalo a thelago giziva nya giphya vbamwendratunu wa gale, kholu giziva gi na pferula mwendra wa gale. Khu kharato, mwendra wu na engedzelana gu pferuga.

Matewu 9:16 Iomraidhean Croise

Genesi 33:14

Uwe mune wangu, nyi ngu gu lomba u bani u thanga mbeli. Eni githumi gyago nyi na landra khu hwane, na nyi gu ghula sifuyo nyi gimbila khu vbadugwana ni vbadugwana, pfhuka wu kodzwago khu sifuyo ni sanana sesi nyi gu naso, kala nyi ta patana nago uwe mune wangu, tigoni ga Seyiri.”

Dzindzimo 125:3

Avo va girago guvivba, kha va na fuma kala gupindruga tigoni ga vathu nya gululame, gasi va nya gululama va si khusedzi mandza va gira guvivba.

Isaya 40:11

Kha nga muhavisi a havisago tshambi waye, khu mawogoni gwaye a na wugarela sinvutana a si vega vbakhanatunu, vamayi vakone a na va hetedza, a va havisa gwadi.

Matewu 9:15

Jesu a di va hakha, khuye: “Ina gu ngu kodzega gu dziphelegedzi dza mwane dzi swihala na dziri naye, gani? Ma nguta matshigu va na gu dzegedwago mwane. Gikhati gyogyo va na hala!”

Matewu 9:17

Kha nga gambe, mwalo a thelago wadwa nya wuphya malowoni ya gale. Wa gu gira kharato, wadwa nya givhayi wu na pola malowo, wu vbalaga wadwa ni gu luzega malowo. Aholu wadwa nya wuphya wa gu thedwa malowoni nya maphya, gasi satshavbo si pindruge.”

Marko 2:21

Mwalo a thelago giziva nya giphya vbamwendratunu wa gale, kholu giziva nya giphya gi na pferula mwendra wa gale, khu kharato mwendra wu na engedzelana gu pferuga.

Luka 5:36

A di va embela gambe gipimaniso gegi: “Mwalo a pferulago mwendra nya muphya gasi gu gira giziva vbamwendratunu wa gale. Wa gu gira kharato, u na luza mwendra nya muphya, gambe giziva gyakone kha gi na yelana ni mwendra wa gale.

Johane 16:12

“Nyi ngari ni silo nya singi nya gu mi embeleni, aholu, kha mu dzi kodzi gu si hakha olu.

1 Vakorinto 13:13

Olu gu nga emide esi sa siraru: Gukhodwa, Gutumba ni Lihaladzo. Ga esi sa siraru gikhongolo khu lihaladzo.

2 Vakorinto 9:12

Kholu oyu a hengelago thumoni momu nya giphaso, kha phasi vakhodwa basi, a gu andrisa gambe wuzundzo wa Nungungulu.