Matewu 9:15 - Bhibhiliya Nya Guage

¹⁵ Jesu a di va hakha, khuye: “Ina gu ngu kodzega gu dziphelegedzi dza mwane dzi swihala na dziri naye, gani? Ma nguta matshigu va na gu dzegedwago mwane. Gikhati gyogyo va na hala!”

Matewu 9:15 Iomraidhean Croise

Isaya 22:12

Ga litshigu lolo, Mune, Pfhumu Nungungulu nya Tshivba Yatshavbo, a ngu mi ramba gu muta lila, ni gutsikwila, mu vbalula ndzudzu hungoni ni gu ambala myendra nya silendra.

Matewu 9:14

Khavbo avbo, vapizane va Johane va di mu yela vaya mu wudzisa, khavo: “Khu ginani ethu ni Vafarisi hi halago dzinyondro nya dzingi, vapizane vago va si hali?”

Matewu 9:16

“Mwalo a thelago giziva nya giphya vbamwendratunu wa gale, kholu giziva gi na pferula mwendra wa gale. Khu kharato, mwendra wu na engedzelana gu pferuga.

Marko 2:19

Jesu a di va hakha, khuye: “Ina gu ngu kodzega sithiva gu hala si ngari ni mudzegi, gani? Na va ngari naye mudzegi, sithiva kha si dzi kodzi gu hala.

Marko 2:20

Aholu, ma nguta matshigu va na gu wandredwago mudzegi. Gikhati gyogyo va na hala.

Luka 17:22

Khavbo avbo, a di embela vapizane vaye, khuye: “Gi na vboha gikhati mu no vbwetago gu wona limwedo basi nya matshigu la Mwamana wa Muthu, gambe kha mu na li wona.

Luka 5:34

Jesu a di va hakha, khuye: “Ina gu ngu kodzega vabangaladzi va mwane va hala mwane na ngari navo, gani?

Luka 5:35

Ma nguta matshigu va na gu dzegedwago mwane. Gikhati gyogyo va na hala!”

Johane 16:6

Myonyo yanu yi swihade, kholu nyi mi embelago silo sesi.

Johane 3:29

Buzoni nya dzegano mudzegi khuye a gu ni mwangadzi gasi phelegedzi ya mudzegi, a gu iyo yi mu bangaladzago ni gu mu yingisa, ya gupwa lito la mudzegi ya gu tsaka ngudzu. Khilo eli litsako langu nya guvbelele.

Mithumo 14:23

Na va giride milombelo ni gu hala, va di hatha madhota khu libandla ni libandla va gu ma vega mandzani ga Pfhumu va khodwego gwaye.

1 Vakorinto 7:5

Mwama ni ngadzi mu nga bombelani, vbavbandze nya gupwananeni gumba tshangana matshigu nya gukari, khu gufela gu dzi ningela milombeloni. Na ma vbede matshigu yoyo, tshanganani gambe, gasi mu si sengwi khu Sathane khu kotani nya gumba dzi phara gwanu.

2 Vakorinto 11:27

Nyi diri ni thumo nya wungi, gu ganela, nyi di pila wutshigu nya wungi, nyamba lala, ni ndzala, ni lidora, matshigu nya mangi nyamba hodza, girame, wuhagadzo.

Gutuledwa 19:9

Khavbo avbo, ngilozi yi di nyi embela, khigyo: “Lova, khuwe: Va kategide vale va ranidwego guta hodza buzo nya mutshadho wa Nvutana.” Yi di engedza yi nyi embela, khiyo: “Aya khu magana nya lisine ya Nungungulu.”

Gutuledwa 21:2

Eni Johane, nyi di wona gambe na gu tshiga khu ndzadzini, khiyo ga Nungungulu, Lidhoropa nya gukatege, Jerusalema guphya, gu dzi dongisedego nga nyamayi a dzi mburisedego gasi guya hakha mwama waye.