Matewu 8:6 - Bhibhiliya Nya Guage

⁶ “Pfhumu, ndrangani gwangu nyi na ni githumi gi sanisekago ngudzu. Gi khwenyede sivbango.”

Matewu 8:6 Iomraidhean Croise

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Matewu 8:7

Jesu a di mu hakha, khuye: “Nyi nata mu hawulugisa.”

Matewu 9:2

Va di mu yisela gilima khu lithatho. Jesu, khu gu wona gukhodwa gwawe, a di embela gilima, khuye: “Mwanangu, tiya. Sighoho sago si tsetseledwe.”

Mithumo 10:7

Ngilozi ya Nungungulu, na yi vbedzide gu ganela esi, yi di mwalalega. Khavbo avbo, Korineliyo a di rana sithumi saye sivili ni musotshwa moyo nya githawo ni Nungungulu, a gu avo a nga bani a gu va tumba.

Mithumo 8:7

Khu lisine, vathu nya vangi va nga bani vari ni maphuvbo nya guvivbe, va di vbanyiswa, ma duga na ma gu womba dzihuwa. Ni va nya gufa sivbango, ni sigoha va di hawulugiswa.

Mithumo 9:33

Iyo a ngaya mana mwama moyo nya gupwani Eneya, nya gigoha, a nga bani ari ni livbandre na miraru myaga na ladzisidwe vbadawutunu.

Vakolosi 3:11

Gukhugela olu, gu mwalo gambe guhambana nya va nya mayigo ni Vajudha, va nya gu hana wugwera ni ava nyamba hana wugwera, va dhoropani ni va vbavbandze, khumbi ni muthu nya gutshulege. Kristo khuye satshavbo, gambe womo ga satshavbo.

Vakolosi 4:1

Enu mu thumedwago, ningani sithumi sanu ogu gu fanedego ni gu ningana, na mu gu dziti gukhenu enu nenu mu na ni Pfhumu Ndzadzini.

1 Thimoti 6:2

Ava vafumeli vawe va gu vakhodwa, va nga va kanyisi khu gukhavo vandriyawe, khavbo gu vbwetegago gu thuma khu lihaladzo kholu va gu thumela mukhodwa a godwago khu Nungungulu. Khiso esi u yelago gu va hevbudza ni gu va embela.

Filemoni 1:16

Nasiri gambe gu mu gira kha nga khumbi; aholu mu hakhe kha nga ndriyago, nyi mu golago ngudzu eni, aholu ngudzungudzu uwe, a gu ndriyago khu wuthu ni ga Pfhumu.