Matewu 7:7 - Bhibhiliya Nya Guage

⁷ “Lombani, mu na ningwa; vbwetani, mu na si mana; khokhothani, mu na tuledwa.

Matewu 7:7 Iomraidhean Croise

Genesi 26:32

Litshigu lolo furi, sithumi sa Isaki si di ya mu embela makungo nya yadi nya gutshambe nya nambo va nga bani va gu pola, va di mu embela, khavo: “Hi mane mati!”

1 Dzipfhumu 3:5

Nari Gibheyoni, Pfhumu Nungungulu a di dzi wonegisa ga Solomoni, khu ndroroni ni wutshigu; Nungungulu a mu embela, khuye: “Lomba igyo u gi vbwetago gasi nyi gu ninga.”

Dzindzimo 10:17

Pfhumu Nungungulu, yingisa nombelo wa gisiwana, va tiyise myonyo yawe, u va hakhe,

Dzindzimo 10:4

Muthu nya guvivbedwe khu monyo, khu kotani nya matshandza yaye; kha khathali khu gu vbweta Nungungulu, uye a gu pimisa, a ganela, khuye: “Mwalo Nungungulu!”

Dzindzimo 119:12

U na rungudzwe uwe Pfhumu Nungungulu! Nyi hevbudze guti milayo yago!

Dzindzimo 27:8

Monyo wangu wu ngu nyi embela, khuwo: “Vbweta khovbe yaye.” Khu guralo, nyi na vbweta khovbe yago Pfhumu Nungungulu.

Dzindzimo 34:4

Nyi vbwetide Pfhumu Nungungulu, uye a nyi hathide; a nyi tshula guthavani gwangu gatshavbo.

Dzindzimo 37:4

Vega ga Pfhumu Nungungulu gutsaka gwago, uye a na gu ninga gugola nya monyo wago.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 69:32

Avo va sanisekago va na si wone va nengela khiso; gasi enu mu vbwetago Nungungulu, myonyo yanu yi na tsake

Dzindzimo 70:4

Avo va golago guvbanyiswa gwago ni gu gu vbweta; va na tale khu gunengela gikhati gyatshavbo va na ganele, khavo: “A na khusedzwe Nungungulu!”

Dzindzimo 86:5

Kholu uwe Pfhumu, u wadi u ngu tsetselela; u ngu hakha khu mandza mavili vatshavbo va gu khozelago.

Mavingu 8:17

Nyi ngu gola vale va nyi golago, avo va nyi vbwetago, va na nyi mana.

Gizimba 3:2

Olu nyi na wuga nyi dzundrulugela ni lidhoropa, nyi gimbila mudzindzilani ni malangani nya mitshangano; nyi vbweta wule a godwago khu hefemulo wangu; Nyi mu vbwetide, aholu kha nya mu mana.

Isaya 30:19

Kholu vathu va na vbanya Siyoni ni Jerusalema, gima kha va na lila gambe; mwa gu lilani avbo gwaye, khu lisine uye a na mi pwela gisiro, a mi yingisa a vbiredza gu mi ningani phindrulo.

Jeremiya 33:3

Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Amosi 5:4

Kholu Pfhumu Nungungulu a ngu ganela kharati ga nyumba ya Israyeli, khuye: Nyi vbweteni gasi mu mane guvbanya!

Matewu 18:19

Nyi ngu mi embelani gambe, kheni: Va gu tshangana vavili vanu, mafuni, gasi gu lomba gilogyo, va na ningwa khu Babe wangu a guromo Ndzadzini.

Matewu 21:22

Kholu satshavbo mu si lombago khu gukhodwa gwanu, umo nya nombelo, mu na ningwani.”

Matewu 6:33

Aholu, guphela dwanelani Mufumo wa Nungungulu ni gugola gwaye; gasi simbe mu na ningwa khu gu engedzedwa.

Matewu 7:11

Nga wonani: Ambari enu nya gukhenu mu vivbedwe khu myonyo mu dzi kodzago gu ninga silo nya sadi sanana sanu, ahati Babe wanu a guromo Ndzadzini kha na nga ninga silo nya sadi vale va mu lombago, gani?

Matewu 7:8

Kholu muthu watshavbo a lombago, a ngu ningwa; uye a vbwetago a ngu si mana, ni uye a khokhothago, a ngu tuledwa.

Marko 11:24

Khu magirelo yoyo, nyi ngu mi embelani gukheni satshavbo esi mu lombago umo nya nombelo wanu, khodwani gukhenu mu na si mana.

Luka 13:25

A gu kala mune ndranga a khuga a sega lidimba, mu na khalani vbavbandze, mu khokhotha lidimba, na mu gukhenu: ‘Hi tulele, pfhumu!’ Aholu uye a na mi hakhani, khuye: ‘Kha nyi mi tini; mwa guta khu hayi?’

Luka 18:1

Khavbo avbo, a di va embela gipimaniso gi yeyedzago giguruvedzo nya gulombelele nyamba garala, khuye:

Johane 15:16

Khandrenu mu nga nyi hathago, kheni nyi mi hathidego nyi mi rumela, gasi muya ninga mihandro nya yingi ni gu mihandro yanu yi simame. Khu kharato, ni gevbini mu na lombago ga Babe wangu khu lina langu, uye a na mi ningani

Johane 15:7

Mwa gu khala ni eni, ni gu landrisani magana yangu, satshavbo iso mu na lombago mu na ningwa.

Johane 4:10

Jesu a di mu hakha, khuye: “Nari pwani u ngu wuti wuhigo wa Nungungulu ni oyu a gukhuye: ‘Nyivbe mati nyi sele’, uwe khuwe u nga vbweta gu mu lomba, uye na gu ninga mati nya guvbanye.”

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

Varoma 3:11

Mwalo muthu a gu ni mapimo nya yadi. Mwalo a vbwetago Nungungulu.

Vahebheru 11:6

Khu guralo, muthu nyamba khodwa kha dzi kodzi gutsakisa Nungungulu, kholu, oyu a hidzimelago ga Nungungulu fanede gukhodwa gukhuye Nungungulu womo, ni gukhuye a ngu tshatshazela avo va mu vbwetago.

Jakobe 5:15

Nombelo wu girwago khu gukhodwa wu na vbanyisa mudwali. Pfhumu yi na mu ninga womi, yi mu tsetselela siwono saye esi a giridego.

1 Johane 3:22

Ethu hi ngu hakha gwaye satshavbo esi hi lombago, kholu hi ngu yingisa milayo yaye, ni gu gira esi si mu tsakisago.