Matewu 7:24 - Bhibhiliya Nya Guage

²⁴ “Wule a pwago mahungu yangu a ma landrisa, a gu fanana ni mwama nya mapimo a nga vbaha nyumba yaye mugiwindrini.

Matewu 7:24 Iomraidhean Croise

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Dzindzimo 111:10

Guti nya gukhongolo khu gu thava Pfhumu Nungungulu; avo va mu rungudzago va na ni mapimo. Rungudzo waye wu ngu simama kala gupindruga.

Dzindzimo 119:130

Tshamuselo nya mahungu yago wu ngu tula maho, wu ngu ninga gupima va nya gusolega.

Dzindzimo 119:99

Nyi ngu pimisa gwadi guvbindra vahevbudzi vangu, kholu nyi ngu alakanyela sileletelo sago.

Mavingu 10:25

Va nya guvivbedwa khu monyo va guvbindra kha nga gipupwane, aholu muthu nya gululame, a na simama a tiya kala gupindruga.

Mavingu 10:8

Muthu a gu ni monyo nya guti, a gu yingisa milayo, aholu uye nya mapongowongo, a gu thegela gumbembani.

Mavingu 12:7

Va nya guvivbedwa khu myonyo va na mbembiswa va fuva, aholu nyumba ya avo va lulamidego yi na simama yi tiya.

Mavingu 14:8

Guti gwa muthu nya mapimo gwa gu mu layedza ndzila; gasi wupemi nya gipumbu wa gu mu kanganyisa.

Matewu 12:50

Kholu, watshavbo uye a girago guhaladza ga Babe wangu a guromo Ndzadzini, khuye a gu ndriyangu ni mayi wangu.”

Matewu 16:18

Eni neni nyi ngu gu embela, kheni: Uwe khuwe Pedro; vbatshani nya giwindri gegi nyi na vbaha libandla langu. Ni tshivba nya mufumo nya lufu kha yi na li gira gilo.

Matewu 24:45

“Khu gevbini githumi nya guthembege, nya gugengele, gile gi na gu vegwago mbeli nya sithumi sikwawe khu pfhumu, gasi gu si ninga guhodza khu gikhati gi vbwetegago?

Matewu 25:2

Vbakari gwawe livbandre si diri sipumbu, livbandre si di gengede.

Matewu 25:4

gasi esi nya gugengele si di dzega dzikandriya ni sigasi nya mafura.

Matewu 25:9

Aholu esi nya gugengele si di hakha, khiso: ‘Ahihi, ma nga hi kenelela nethu. Gwadi khu gu tutumani muya renga.’

Matewu 7:25

Yi diwa ndzadzi nya yingi, yi gugumugisa mati nya mitsongo, gu manega talo; gumogo ni gu vetwa khu phuvbo nya gingulu nyumba yile; aholu kha ya thega, kholu yi tsitsidwe gwadi mugiwindrini.

Matewu 7:26

Gasi uye a pwago mahungu yangu a si ma landrisi, a gu fanana ni gipumbu gi nga vbaha nyumba yaye mulipfuleni.

Luka 11:28

Aholu Jesu a di hakha, khuye: “Indra, khuwe: Va kategide avo va pwago magana ya Nungungulu, va ma landrisa.”

Johane 13:17

Kha nga olu mu sitigo silo sesi, mu na bani mu kategile mwa gu si landrisa.

Johane 14:15

“Mwa gu nyi gola, mu na vegedza milayo yangu.

Johane 15:10

Mwa gu vegedza milayo yangu, mu na simama lihaladzoni gwangu, kha nga eni nyi simamago lihaladzoni ga Babe wangu, kholu nyi nga vegedza milayo yaye.

Johane 15:14

Enu mu dzipari dzangu mwa gu girani iso nyi mi rumago.

Varoma 2:13

Kholu muthu kha khali wa guluma mahoni ga Nungungulu khu guti Nayo basi. Aholu khu gu landrisa esi wu rumago Nayo.

1 Johane 2:3

Gasi gu hi khodwa gukhethu hi ngu muti Nungungulu, khu gu hi landrisa milayo yaye.