Matewu 7:2 - Bhibhiliya Nya Guage

² Kholu, idzo mu na lamulago khidzo vakwanu, mu na lamudwa nenu khidzo. Ndronga mu na pimago khiyo vakwanu, khiyo mu na pimwago nenu khiyo.

Matewu 7:2 Iomraidhean Croise

2 Samuweli 21:5

Va di embela mufumeli, khavo: “Muthu a nga hi saselago ni uye a hungidego gikungo nya gu hi mbembise, gasi hi si vbanyi omu mayigoni gwatshavbo ga va na Israyeli,

Dzindzimo 109:17

Uye a di gu gola gu vala vathu vakwawe, olu givalo nya vathu gi na mu thegele uye; a di si goli gu kategisa, olu gima a nga kategiswi.

Ekisodha 21:24

liso khu liso, likhwaha khu likhwaha, gyandza khu gyandza, ngondro khu ngondro,

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Jeremiya 34:17

Khu guralo, Pfhumu Nungungulu a ngu ganela kharati, khuye: “Enu kha mwa nyi yingisani gu tshula vandriyanu muwugumbini. Olu eni Pfhumu Nungungulu, nyi ngu mi embelani gukheni nyi na mi tulelani dzinyimbi dzi ta mi sasela khu matshari, mitungu ni dzindzala; mu na khala gihegiso vbakari nya mifumo yatshavbo ya mafuni.

Jeremiya 51:24

Nyi na bweledzela Bhabhiloni ni vavbanyi vatshavbo va Kalidhiya guvivba gwatshavbo va giredego Siyoni na mu gu si wona khu maho yanu, a ngu ganela Pfhumu Nungungulu.

Obhadhiya 1:15

Kholu litshigu la Pfhumu lomo vbafuvbi, ga mayigo yatshavbo, a nata gu gira kha nga idzo u nga girago khidzo vakwanu; wuvivbi wago wu na thegela hungoni gwago.

Matewu 6:14

“Kholu mwa gu divalela vathu sihoso sawe va nga mi hoselago, Babe wanu a guromo Ndzadzini a na mi divalela nenu.

Marko 4:24

A di engedza gambe, khuye: “Gengelani gwadi khu iso mu si pwago: Ndrengo mu na gu pimago khiyo mu na pimedwa nenu khiyo khu Nungungulu bwelo khavbo mu gu tadzisedwa.

Luka 6:38

Ningani, mu na ningwani nenu; mu na ningwa gipimo nya gyadi, nya gutale, gi gonyeledwa, bwelo khavbo gi phathamela. Kholu Nungungulu a na mi pimela khu gipimo mu na pimago khigyo vakwanu.”

2 Vakorinto 9:6

Khu guralo, oyu a yalago mbewu yidugwana a na vbwera gambe sidugwana. Aholu, oyu a yalago nya yingi a na vbwera gambe nya singi.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.

Gutuledwa 18:6

Mu bweledzeleni guvbindrisa guvili, gukhedza khu guvivba a nga mi girelago. Omu nya gikombe a nga mi sedza khigyo, thelani sipimo sivili.

Valamuli 1:7

Khavbo avbo, Adhoni-Bhezeki a di ganela, khuye: “Livbandre na mavili magumi vafumeli va nga pidwago dzinyala nya vanyaghonwe va mandzani ni migondroni, va di gu roledzela dzitsheta dzi nga bani dzi thega khu vbamezatunu gwangu; iso nyi nga girago ga vambe, Nungungulu a nyi bweledzede esi nyi giridego.” Va di mu dzega va hongola naye Jerusalema, aya fela iyoyo.

Valamuli 5:27

Sisera, a di khidzima, a thega vbavbatshi huye navanava migondroni gwaye, a fisa guralo idzo a thegidego khidzo.

1 Samuweli 15:33

Samuweli a di mu embela, khuye: “Kha nga olu litshari lago li nga songetela sanana sa vanyamayi nya vangi, Olu mayi wago nuye, a na tshala nyambana uwe.” Samuweli a di dzegela gu mu songa mbeli ga Pfhumu Nungungulu, dhoropani ga Giligali.