Matewu 6:5 - Bhibhiliya Nya Guage

⁵ “Mwa gu lombelela, mu nga giri kha nga va nya matshandza, va golago gu lombelela na va emide dzinyumbani nya nombelo ni mahandzakanyani nya dzindzila, na va gufela gu wonwa khu vathu. Khu lisine nyi ngu mi embelani nya gukheni va hakhide tshatshazelo yawe.

Matewu 6:5 Iomraidhean Croise

Dzindzimo 5:2

Hakha lito nya gulile gwangu, uwe Pfhumu ni Nungungulu wangu. Nya gu lomba gwago.

Dzindzimo 55:17

Vbasilambotunu, vbadzimindrutunu ni vbamihanitunu, nyi na lila nyi dilela; Uye a napwa lito langu.

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Mavingu 16:5

Pfhumu Nungungulu a ngu vengana ni va nya matshandza, vathu vovo gima kha va na vbuluga.

Isaya 1:15

Avbo mu khusedzago mandza yanu mu lombelela, eni nya gu siha khovbe yangu; ambari mwa gu engedzela milombelo yanu, eni kha nyi na mi yingisa, kholu mandza yanu ma tade khu novba.

Jeremiya 29:12

Mwa gu nyi rana ni gu nyi khozela, eni nyi na mi yingisa.

Dhaniyeli 6:10

Avbo Dhaniyeli a ngapwago gupwani gu hungidwe nayo yoyu, a di hongola gaya gwaye, aya bela makhuvini gwaye, nyumbani ga gitezi, na gu tudwe sihogo si nga bani si khedzide phuvbo ga Jerusalema, a di lombelela nyondro tharu khu litshigu na khidzimide khu dzikhungumudzi, a bonga Nungungulu waye, nga idzo a nga bani na gu gira khu gale.

Matewu 21:22

Kholu satshavbo mu si lombago khu gukhodwa gwanu, umo nya nombelo, mu na ningwani.”

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Matewu 23:5

Satshavbo va girago, va gufela gu wonwa khu vathu. Khu kharato va gu gudzisela mikeka nya milayo va hungago vbagiwombotunu ni mawogoni va laphisa matshakafula nya dzingandzu dzawe.

Matewu 23:6

Va gola gu khala malangani nya guphele umo nya sipfhitsha numo nya dzinyumba nya nombelo.

Matewu 6:1

“Dzi woneleni mwa gu gira thumo nya wadi mu nga dwaneli gu wonwa khu vathu. Mwa gu gira kharato kha mu na ningwa tshatshazelo khu Babe wanu a guromo Ndzadzini.

Matewu 6:16

“Mwa gu halani, mu nga hungi giswedzo, kha nga va nya matshandza, na va gufela gu wonwa khu vathu gupwani va ngu hala. Nyi ngu mi embelani lisine nya gukheni va hakhide tshatshazelo yawe.

Matewu 6:2

Khu kharato, wa gu ningela zomola, u nga wombi pundru, kha nga idzo va girago va nya matshandza mudzinyumbani nya nombelo ni mudzindzilani, na va gufela gu zundzwa khu vathu. Khu lisine, nyi ngu mi embelani nya gukheni, va hakhide tshatshazelo yawe.

Matewu 9:38

Khu kharato, lombani ga mune lithembwe a rumele vavbweri nya dzimbewu dzaye.”

Marko 11:25

Mwa gu vbweta gu gira nombelo wanu, mwa gu bani na mu hoselane, phelani khu gu tsetselela ava va gu ni sihoso gwanu, gasi Babe wanu a guromo Ndzadzini a mi tsetselelani nenu sihoso sanu.

Marko 12:38

Jesu na gu hevbudza a di va embela gambe, khuye: “Dzi woneleni ni vahevbudzi nya Nayo. Va golago gu ambala dzingandzu nya gulaphe, ni gu loswa khu githawo khu vathu mitendrelani;

Luka 11:43

Libango lanu, Vafarisi, mu tutumelago malanga nya guthange mudzinyumbani nya milombelo, mu dwanelago gu loswa vbakari nya vathu.

Luka 18:1

Khavbo avbo, a di va embela gipimaniso gi yeyedzago giguruvedzo nya gulombelele nyamba garala, khuye:

Luka 18:13

Gasi muhengisi nya khupho, a di ema khu hwindzo, nyamba tiyela ni gu khusedza thamo, a di dzipwa nandru, a veta khana na gu khuye: ‘Nungungulu, nyi tsetselele, kholu nyi gighohi.’

Luka 20:47

Avo va gu phanga dzinyumbani nya dzinoni, na va pfhadza gu gira nombelo nya gulaphe. Va na hakha tsayiso nya guvbindrise.”

Luka 6:24

Aholu, libango lanu, enu sitetema; kholu mu hakhide tshatshazelo yanu;

Johane 16:24

Gima mu si gu lombi gilo khu lina langu. Lombani, mu na ningwa, gasi gutsaka gwanu gu tadzisege.

Vaefeso 6:18

Lombelelani gikhati gyatshavbo nyamba garala khu tshivba nya Liphuvbo nya Guage; mu lindrela khu gutimisela ni gutumbega. Lombelelani vakhodwa vatshavbo nya libandla la Nungungulu.

1 Vatesalonika 5:17

Mu nga garali khu gu gira milombelo.

Jakobe 4:6

Uye a ngu ninga giphaso; kholu, Milowo nya Guage yari, khiyo: “Nungungulu a ngu wugela va nya matshandza, a phasedzela va nya gu dzi nogisa.”