Matewu 6:31 - Bhibhiliya Nya Guage

³¹ Mu nga garadzegi, khenu, hi na hodza ginani? Hi na sela ginani? ‘Hi na ambala ginani?’

Matewu 6:31 Iomraidhean Croise

2 Dzikoronika 25:9

Amaziya a di embela muthu wa Nungungulu, khuye: “Olu dzi na thuma ginani dzitaleta nya parata nyi ningedego masotshwa ya na Israyeli?” Muthu wa Nungungulu a di phindrula, khuye: “Pfhumu Nungungulu a naso nya singi nya gu gu ninge nya guvbindre isoso.”

Dzindzimo 111:5

A ngu hodzisa avo va mu ningago githawo; gikhati gyatshavbo a na alakanya gidzumeledzwano gyaye!

Dzindzimo 37:3

Uwe tumba Pfhumu Nungungulu, gira nya sadi; u na vbaha tigoni u vbanya khu gukhadzisega.

Dzindzimo 55:22

“Vega womi wago ga Pfhumu Nungungulu, uye a na gu sayisa; gima kha na dzumedzisa muthu nya gululame gu a thega vbavbatshi.”

Matewu 15:33

Vapizane va di mu phindrula, khavo: “Hi na va ninga ginani va hodza giwulani momu nyambana ndranga, olu a gu vathu va tadego kharati?”

Matewu 4:4

Jesu a di mu hakha, khuye: “Gu lovidwe gupwani: Muthu kha vbanyi khu guhodza basi, aholu, khu mahungu yatshavbo ma dugago khu ga Nungungulu.”

Matewu 6:25

“Khu kharato nyi ngu mi embelani, kheni: Mu nga garadzegi khu guvbanya gwanu, na mu gu pimisa, khenu: Ginani hi na hodzago, mwendro ginani hi na selago mwendro sanu gu sanisekani khu givili gyanu, na mu gu pimisa, khenu: Ginani hi na ambalago. Ina givili kha gi phasi guvbindra guambala, gani? Ni guvbanya kha gu vbindri guhodza, gani?

Matewu 6:27

Khu mani, vbakari gwanu, a dzi kodzago gu dzi engedzela matshigu nya guvbanye, khu kotani nya gu dzi garadze gwaye?

Luka 10:41

Pfhumu a di mu hakha, khuye: “Marta, Marta, wa gu garadzega ni gu dzi hita khu silo nya singi,

Luka 12:11

Mwa gu yiswa dzinyumbani nya milombelo ni ga vafumeli, nya mayigo, mu nga garadzegi khu phindrulo mu na guya dzi vhikelago khiyo,

Luka 12:22

Khavbo avbo, Jesu a di embela vapizane vaye, khuye: “Khidzo kharato nyi mi embelago, kheni: Mu nga garadzegi khu guvbanya gwanu, na mu pimisa, khenu: Ginani hi na hodzago? Mwendro sanu khu givili gyanu, na mu pimisa, khenu: Ginani hi na gu ambalago?

Luka 12:29

Mu nga garadzegi khu gilo mu na hodzago nigyo mu na selago; mu nga vbwetini gu siti soso.

Vafilipi 4:6

Mu nga garadzegi khu gilo. Omu nya milombelo yanu lombani esi mu si vbwetago ga Nungungulu, khu monyo nya gubonge.

1 Pedro 5:7

Vegani avbo gwaye sigaradzo sanu satshavbo, kholu uye a ngu mi khathalela.