Matewu 6:22 - Bhibhiliya Nya Guage

²² “Kandriya nya givili khu maho. Maho yago ma gu bani ma wona gwadi, givili gyago gyatshavbo gi na wenengedzwa.

Matewu 6:22 Iomraidhean Croise

Isaya 5:20

Libango ga vale va wonago guvivba khavo khwadi, wuwadi khavo wu vivbide; gidema khavo guwonegela, guwonegela, khavo gidema; esi si vavago, khavo si ngu lombela, iso nya gulombele, khavo si ngu vava!

Matewu 5:15

Kha yi rothwi kandriya yi fenengedzwa khu gitundru, aholu ya gu vegwa avbo yi kodzago gu wenengedza khavbo vatshavbo va guromo nyumbani.

Mithumo 2:46

Khu litshigu ni litshigu va di hengela monyo moyo, va hongola Nyumbani ga Nungungulu, va kabana gibaba, va hodza guhodza gwawe khu gutsaka ni gu nengela, myonyo yawe na yi tangade.

2 Vakorinto 11:3

Aholu, nyi na ni hwanga nya gukheni mapimo yanu ma na ghoheka mu diga lisine, ni gukhodwa ga Kristo, kha nga olu Evha a nga sengwa khu malipha ni wugengeli nya nyoga.

Vaefeso 6:5

Enu sithumi, yingelani khu monyo wanu watshavbo ava mu va thumelago mafuni momu, khu githawo ni gu dzi sodzisa nga khwatshi mwa gu thumelani Kristo.

Vakolosi 3:22

Sithumi, yingelani siloni gwatshavbo vale mu va thumelago mafuni momu, nasiri basi gikhati va mi ghadhago, nga khwatshi mwa gu dwanela basi gu va tsakisa, aholu khu gutshulega nya myonyo yanu ni gu thava Pfhumu.