Matewu 6:21 - Bhibhiliya Nya Guage

²¹ Kholu avbo yi guromo thomba yago, khavbo wu na bani wu romo nuwo monyo wago.

Matewu 6:21 Iomraidhean Croise

Mavingu 4:23

Guvbindra silo satshavbo, vegedza monyo wago, kholu khumo gu guromo guvbanya gwago.

Isaya 33:6

Siyoni, matshiguni gwago, gu na manega gukhadzisega, guvbanyisa nya gutale, guti ni mapimo; thomba yago, khu gu ninga githawo Pfhumu Nungungulu.

Jeremiya 22:17

Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.

Jeremiya 4:14

Handza monyo wago uwe Jerusalema, diga gu gira guvivba, gasi u kodze gu mana guvbanya! Kala lini nu gu fundrela makungo nya guvivbe monyoni gwago?

Matewu 12:34

Enu livelego nya dzinyoga, mu na dzi kodza kharini gu ganela silo nya sadi, olu mu vivbedwego khu myonyo? Kholu likana la gu dusa iso si tadego monyoni.

Matewu 6:22

“Kandriya nya givili khu maho. Maho yago ma gu bani ma wona gwadi, givili gyago gyatshavbo gi na wenengedzwa.

Luka 12:34

kholu avbo yi na bani yiromo thomba yanu, khavbo yi na manegago myonyo yanu.

Mithumo 8:21

Uwe u mwalo wulanga nya gu hengele nago thumoni momu, kholu monyo wago kha wa lulama mahoni gwa Nungungulu.

2 Vakorinto 4:18

Ethu kha hi vegi mapimo yathu ga silo nya guwonege, aholu ga esi nyamba wonega, kholu esi nya guwonege si na vbindra, gasi esi nyamba wonega khya gupindruga.

Filemoni 1:19

Eni Pawulo, khu gyandza gyangu nyi ngu lova gukheni nyi na livba satshavbo. Kha nyi ganeli gukheni u na ni nandru gwangu, nandru wakone khuwe wurumba wago.

Filemoni 1:3

Wuhigo ni gurula mu na ningwe khu Nungungulu Babe wathu ni Pfhumu Jesu Kristo.

Vahebheru 3:12

Vandriyangu, dzi woneleni gasi a si manegi ni moyo vbakari gwanu, nya monyo nya guvivbe ni gumba khodwa a ndreya a diga Nungungulu a vbanyago.