Matewu 6:2 - Bhibhiliya Nya Guage

² Khu kharato, wa gu ningela zomola, u nga wombi pundru, kha nga idzo va girago va nya matshandza mudzinyumbani nya nombelo ni mudzindzilani, na va gufela gu zundzwa khu vathu. Khu lisine, nyi ngu mi embelani nya gukheni, va hakhide tshatshazelo yawe.

Matewu 6:2 Iomraidhean Croise

Dzindzimo 112:9

A ngu kabana silo saye ni sisiwana; gululama gwaye gu ngu simama kala gupindruga, tshivba yaye yi na khusedzwa khu wudhumo.

Dzindzimo 37:21

Muthu nya guvivbe a gu lomba kha bweledzi; gasi muthu nya gululame a gu pwela wuhindzi a ningela.

Mavingu 19:17

Uye a phasago gisiwana a gu fiyarisa Pfhumu Nungungulu, Uye a na mu bweledzela wuwadi waye.

Mavingu 20:6

Vathu nya vangi va gu dzi zundza gukhavo khavo nya vadi, aholu khu mani a na manago muthu nya gutumbege?

Muhevbudzi 11:2

Kabana iso u gu naso ni livbandre na vavili mwendro livbandre na vararu vathu, kholu khu liti libango muni li na gu dugelelago mafuni momu.

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 58:7

Ni gu kabana guhodza gwago ni oyu a gu mwalo gilo nya guhodze, ni gu hakha sisiwana si gu mwalo gaya, ni gu ambagisa uye a gu mwalo guambala, u nga gikheli marundra ndriyago.

Isaya 9:17

Khu guralo, Pfhumu kha na nengedziswa khu madzaha yawe, ambari gu pwela gisiro dzikhulungu ni dzinoni dzawe, kholu vatshavbo vakanganyisi ni sighohi, magana yawe yatshavbo ma gu ganela wupumbu. Khu satshavbo sesi, likhulo laye kha li bosi, ni libogo laye li nga thawulugide.

Hoseya 8:1

Thela pundru kanani gwago! Kholu nala a nguta khu guvbuvba kha nga lighama, guta dhumela Nyumba ya Pfhumu Nungungulu, kholu mu hambanide ni gidzumeledzwano gyangu, mu wugela nayo wangu.

Matewu 15:7

Vapfhadzi! Khidzo kharati a nga profetago khidzo Isaya na gu thula enu, khuye:

Matewu 16:3

Na gu ngari dzimindru dzikhongolo, mu ngu, khenu: ‘Muhuno gu na bani guri ni phuvbo, kholu idzo gu fuvidego khidzo damboni gwa gu patedzela ni gusivbala.’ Vapfhadzinu, mu ngu kodza gu tshamusela makhalelo ya damboni, aholu kha mu kodzi gu tshamusela siyeyedzo nya dzinango!

Matewu 22:18

Jesu, na gu guti guvivba nya mahingigedzo yawe, a di va hakha, khuye: “Vapfhadzi! Mwa gu nyi lingela ginani?

Matewu 23:5

Satshavbo va girago, va gufela gu wonwa khu vathu. Khu kharato va gu gudzisela mikeka nya milayo va hungago vbagiwombotunu ni mawogoni va laphisa matshakafula nya dzingandzu dzawe.

Matewu 23:6

Va gola gu khala malangani nya guphele umo nya sipfhitsha numo nya dzinyumba nya nombelo.

Matewu 24:51

Githumi gile gi nata tsayiswa khu tshivba, bwelo khavbo, gi valedwa kha nga muthu nyamba tumbega; avbovbo gi na lila ni gu ketsa magwaha.

Matewu 5:18

Kholu, khu lisine nyi ngu mi embelani, kheni: Kala yi gu vbindra ndzadzi ni mafu, mwalo ni thumo moyo wu na gu duswago Nayo nyamba tadzisega.

Matewu 6:16

“Mwa gu halani, mu nga hungi giswedzo, kha nga va nya matshandza, na va gufela gu wonwa khu vathu gupwani va ngu hala. Nyi ngu mi embelani lisine nya gukheni va hakhide tshatshazelo yawe.

Matewu 6:3

Aholu, wa gu ningela zomola, zama gu gyandza gyago gya nyambade gisi giti igyo gi girwago khu gyandza gya nyamudye,

Matewu 6:5

“Mwa gu lombelela, mu nga giri kha nga va nya matshandza, va golago gu lombelela na va emide dzinyumbani nya nombelo ni mahandzakanyani nya dzindzila, na va gufela gu wonwa khu vathu. Khu lisine nyi ngu mi embelani nya gukheni va hakhide tshatshazelo yawe.

Matewu 7:5

Nyamaliphawe! Dusa guphela vhambala wu guromo lisoni gwago, khavbo u na dzi kodzago gu dusa gitoti gi guromo lisoni ga ndriyago.

Marko 12:39

ni gu khala malangani nya guhegule dzinyumbani nya nombelo ni omu nya sipfhitsha.

Marko 7:6

Jesu a di va hakha, khuye: “Khidzo muprofeti Isaya a nga ganelago na gu thula enu vapfhadzi nenu, khuye: ‘Ava vathu va gu nyi rungudza khu magana aholu myonyo yawe yomo hwindzo ni eni.

Luka 11:41

Phelani khu gu ningela sisiwana iso mu gu naso, khavbo satshavbo si na mi dugela gwadi.

Luka 11:43

Libango lanu, Vafarisi, mu tutumelago malanga nya guthange mudzinyumbani nya milombelo, mu dwanelago gu loswa vbakari nya vathu.

Luka 12:33

Rengisani dzithomba dzanu, mu kabanisela sisiwana. Sonani sikhwama nyamba hagala, mu wungedzela Ndzadzini thomba nyamba vbela, iyo yi si dzi kodzigo gu phangwa khu dzimbafa ni gu hodzwa khu muhwa,

Luka 12:56

Vapembinu, mu kodzago gu tshamusela siyeyedzo sa mafuni ni Ndzadzini, khu ginani mu hangwago khu gu tshamusela gikhati gegi?

Luka 13:15

Pfhumu a di mu hakha, khuye: “Vanyamaliphanu! Ina kha mu ngu tula liphandro mu dusa dzimombe mwendro dziburu dzanu gasi guya dzi sedza mati khu litshigu nya Sabhadho, gani?

Luka 20:46

“Dzi woneleni ni vahevbudzi nya Nayo. Avo va gu gola gu ambala dzingandzu nya gulaphe ni gu loswa khu githawo mu vathuni, ni gu khala malangani nya guthange dzinyumbani nya nombelo numo nya sipfhitsha.

Luka 6:24

Aholu, libango lanu, enu sitetema; kholu mu hakhide tshatshazelo yanu;

Luka 6:42

U na dzi kodza kharini gu embela ndriyago, khuwe: ‘Wandruye, nga hidzimela nyi gu dusa gitoti gi guromo lisoni gwago’, uwe u si wonigo vhambala wu guromo lisoni gwago? Nya maliphawe, dusa guphela vhambala lisoni gwago, khavbo u na dzi kodzago gu dusa gitoti lisoni ga ndriyago.

Johane 13:29

kholu, kha nga olu Judha a nga bani ari muphari nya gikhwama nya dzitsapawu, vambe va di pimisa nya gukhavo Jesu a di mu ruma guya renga iso si nga bani si vbwetega vbabuzotunu, ni gukhavo mwendro a di mu ruma guya ninga zomola sisiwana.

Johane 5:41

“Kha nyi dhumiswi khu vathu;

Johane 5:44

Mu na khodwa kharini enu mu girelanago lidiwo khu gyanu, mu si thembigo wuzundzo wutago basi khu ga Nungungulu?

Johane 7:18

Uye a dzi fakazelago abune a gu vbweta gidhumo gyaye, aholu oyu a vbwetago gu dhumisa uye a nga mu rumelago, muthu nya lisine, a gu mwalo malipha.

Mithumo 10:2

Mwama yoyo a diri mukhongeli nya githawo ga Nungungulu, uye ni ndranga yaye yatshavbo. A di phasedzela vathu khu silo, ni gu lombelela Nungungulu nyamba garala.

Mithumo 10:31

a nga ta nyi embela, khuye: ‘Korineliyo, nombelo wago wu pwidwe, ni wuhindzi wago wu wonidwe khu Nungungulu.

Mithumo 10:4

Uye a di khala hwanga a khusa maho a khedza, a hakha, khuye: “Ginani, Pfhumu?” Ngilozi ya Nungungulu yi di mu embela, khiyo: “Milombelo yago ni wuhindzi wago yi pwidwe khu Nungungulu, khu kharato, a gu alakanyide.

Mithumo 11:29

Vapizane va di pwanana gu rumela silo nya guphasedzele vandruye va nga bani va gu khala Judheya, muthu ni muthu a di ninga kha nga gu manela gwaye.

Mithumo 24:17

Khu hwane nya myaga, nyi dita tigoni gwangu nyi resa siningwa gumogo ni guta luva.

Mithumo 9:36

Tigoni ga Jope a di romo, vbakari nya vapizane, nyamayi moyo nya gupwani Tabhita, gu tshamusago gupwani “Yisya!” Adiri muthu nya mithumo ya yadi, a di phasedzela sisiwana.

Varoma 12:8

oyu a ningidwego wusingalagadzi, a na laye; oyu a ningidwego gukabanisela silo, a na kabanisele khu wuhindzi; oyu a rumago, a na rume khu mapimo; ni oyu a ningidwego sisiwana, a na thume na tsakide.

1 Vakorinto 13:3

Ambari nya gu ninga sisiwana silo sangu satshavbo, nyi wuya nyi ningela ni givili gyangu gi vbiswa, aholu na nyiri mwalo lihaladzo, kha nyi phasi gilo.

Vagalatiya 2:10

Gileletelo va nga hi ningago gimwegyo basi khegi: Nya gukhavo hi si divaledwi khu sisiwana. Egi gileletelo eni nyi ngu gi landrisa khu mapimo yangu yatshavbo.

Vaefeso 4:28

Oyu a nga bani a guba, a ngabi gambe, a na thume afela guvbanya khu mihandro nya lithonga laye, ni gu mana esi nya guphasedzele khiso sisiwana.

1 Vatesalonika 2:6

Gima kha ha vbweta gu zundzwa khu muthu, ambari khu enu ni vambe.

1 Thimoti 6:18

Va na thume silo nya sadi, va khale sitetema khu magirelo nya yadi, va yeyedza lihaladzo ni gu ninga sisiwana.

Filemoni 1:7

Nyi nengede ngudzu nyi salala khu kotani nya lihaladzo lago, kholu myonyo nya sihathwa yi rude khu kotani yago, wandruye.

Vahebheru 13:16

Mu nga digi gu gira ndruda ni gu phasanani khu gyanu kholu khiyo mhamba yi tsakisago Nungungulu.

1 Pedro 4:11

Oyu a tivisago, a na tivise Mahungu ya Nungungulu. Oyu a thumago, a na thume khu tshivba a ningwago khu Nungungulu. Girani kharati gasi mithumoni yanu yatshavbo a rungudzwe Nungungulu khu ga Jesu Kristo, a gu na ni wudhumo ni tshivba kala gupindruga! Amen.

1 Samuweli 15:30

Sawule a di hakha, khuye: “Nyi ghohide; nyi ngu lomba u nyi zundza, vbakari nya vasingalagadzi nya vathu vangu ni mbeli ga va na Israyeli; bwelela gumogo ni eni, gasi hi ya khozela Pfhumu Nungungulu wago.”