Matewu 6:19 - Bhibhiliya Nya Guage

¹⁹ “Mu nga hengeledzeli thomba mafuni momu, umo yi dzi kodzago gu pfhurela, ni gu hodzwa khu muhwa ni gu phangwa khu dzimbafa.

Matewu 6:19 Iomraidhean Croise

Joba 24:16

Wutshigu wule, dzimbafa dza gu phanga dzindranga va dzi holeledego vbamihanitunu, gwa gugya dzi sihala.

Joba 31:24

Nya gu bani nyi vegide gitumbo gyangu ga ndralama yangu, mwendro gu ganela ga ndralama yangu nya guhutwe, kheni: Uwe khuwe giseketelo gyangu;

Dzindzimo 39:6

Muthu a gimbilago a gu fanana ni mwedzi, dzithomba a wungedzelago gambe kha dziti khu mani a na dzi hodzago.

Dzindzimo 62:10

Mu nga tumbini tshivba, mu nga dzi gugumugisi khu gu gira guvivba; mwa gu fuma dzithomba nya gutale, mu nga vegini avbo myonyo yanu.

Ekisodha 22:2

Mbafa ya gu manwa na yi gu pandra nyumba yiba, ya gu songwa avbovbo, mwalo nandru wule a yi songidego.

Mavingu 11:4

Dzithomba kha dzi gu phasi khu litshigu nya likhulo la Nungungulu, aholu gululama gu ngu guvbulugisa lufuni.

Mavingu 16:16

Gu mana guti guvbindra gu mana ndralama, ni gu mana mapimo, guvbindra gu mana parata.

Muhevbudzi 2:26

Wule a Mu golago, Nungungulu a ngu mu ninga wugengeli, guti ni gunengela; aholu, gighohi, a gu gi rwega thumo nya guwungedzele silo, gasi khu hwane a si tshiya ni wule Nungungulu a na golago gu mu ninga. Esi gambe nyi si wone gukheni gu dzi pfhadza, ni gututuma hwane nya phuvbo yi vbindrago.

Sofoniya 1:18

Ambari parata ni ndralama yawe, kha si na kodza gu va vbulugisa, litshiguni nya likhulo la Pfhumu Nungungulu. Litigo latshavbo li na dagarela khu nilo nya likhulo laye. Ina, kholu a na mbembisa muphelo vatshavbo va vbanyago mafuni, mwalo a na vbulugago.

Matewu 19:21

Jesu a di mu embela, khuye: “Wa guvbweta gu khala muthu a vbeledego, indra u ya rengisa satshavbo u gu naso, u ninga sisiwana, gasi u mane thomba ya Ndzadzini. Hwane nya isoso, delu uta nyi landrela.”

Matewu 6:20

Aholu, hengeledzelani thomba Ndzadzini, umo yi si dzi kodzigo gu pfhurela, ni gu hodzwa khu muhwa, mwendro gu phangwa khu dzimbafa.

Luka 12:21

Khidzo kharati gu na giregago ga wule a dwanelago gu fuma thomba nya yingi, aholu nasiri gitetema ga Nungungulu.”

Luka 12:33

Rengisani dzithomba dzanu, mu kabanisela sisiwana. Sonani sikhwama nyamba hagala, mu wungedzela Ndzadzini thomba nyamba vbela, iyo yi si dzi kodzigo gu phangwa khu dzimbafa ni gu hodzwa khu muhwa,

Luka 12:39

Yingisani gwadi: Nari pwani mune ndranga a di gi tide gikhati yi nga vbweta guta mbafa, na sa diga ndranga yaye yi phangwa.

Luka 18:22

Na pwide esi, Jesu a di mu embela, khuye: “Gimwegyo basi gi nga tshadego. Rengisa satshavbo u gu naso, u kabanisela dzitsapawu dzakone sisiwana, gasi u mane thomba ya Ndzadzini. Nu giride isoso, delu uta nyi landrela.”

Luka 18:24

Na mu wonide kharati, Jesu a di khusa lito, khuye: “Gu ngu garadza ngudzu gu bela Mufumoni wa Ndzadzini avo va gu ni dzithomba!

1 Thimoti 6:17

Tivisa ava va gu sitetema nya dzithomba nya mafu yaya, va nga giri matshandza ambari gu tumba thomba nyamba tiya. Va na tumbe Nungungulu, oyu a hi ningago silo satshavbo hi si thumisa.

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”