Matewu 6:14 - Bhibhiliya Nya Guage

¹⁴ “Kholu mwa gu divalela vathu sihoso sawe va nga mi hoselago, Babe wanu a guromo Ndzadzini a na mi divalela nenu.

Matewu 6:14 Iomraidhean Croise

Mavingu 21:13

Uye a si yingisigo huwa nya gisiwana gya gulila, uye nuye kha na yingiswa litshigu a na gu lombago giphaso.

Matewu 5:7

Va kategide va nya wuhindzi, kholu va na giredwa wuhindzi.

Matewu 6:12

Hi pwele sihoso sathu, kha nga ethu hi va pwelago avo va hi hoselago.

Matewu 7:2

Kholu, idzo mu na lamulago khidzo vakwanu, mu na lamudwa nenu khidzo. Ndronga mu na pimago khiyo vakwanu, khiyo mu na pimwago nenu khiyo.

Marko 11:25

Mwa gu vbweta gu gira nombelo wanu, mwa gu bani na mu hoselane, phelani khu gu tsetselela ava va gu ni sihoso gwanu, gasi Babe wanu a guromo Ndzadzini a mi tsetselelani nenu sihoso sanu.

Luka 6:37

“Mu nga lamuli, gasi mu si lamudwi nenu. Mu nga ningi nandru muthu, gasi mu si ningwi nenu. Tsetselelani, mu na tsetseledwa nenu.

Vaefeso 4:32

Khalani vathu nya ndruda, mu pwelana wusiwana, mu tsetselelana khu gyanu, kha nga Nungungulu a mi tsetseledego khu ga Kristo.

Vakolosi 3:13

Phasedzanani mu tsetselelana khu gyanu, tsetselelanani kha nga Pfhumu a mi tsetseledego.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.

Josuwa 22:15

Avbo va nga vbohago ga va na Rubheni, va na Gadhi ni gipandre nya lihundzu la na Manasi, tigoni ga Gileyadhi, va diya va embela, khavo:

1 Johane 3:10

Ogu khugo guhambana nya lisine nya sanana sa Nungungulu ni sanana sa Sathane. Oyu a si girigo esi nya gululame, ni gumba haladza ndriyaye, khandri gyanana gya Nungungulu.