Matewu 6:13 - Bhibhiliya Nya Guage

¹³ U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

Matewu 6:13 Iomraidhean Croise

Genesi 22:1

Hwane nya gugirege satshavbo sesi, Nungungulu a di linga Abrahama. A di mu rana, khuye: “Abrahama!” Abrahama a di hakha, khuye: “Nyi womo avba.”

1 Dzipfhumu 1:36

Khavbo avbo, Bhenaya, mwamana wa Joyadha, a di hakha, khuye: “Si na girege kharato! Pfhumu Nungungulu wa mufumeli, mune wangu, a na si tiyise.

1 Dzikoronika 16:36

A na bongwe Pfhumu Nungungulu wa Israyeli, khu gupindruga ni gupindruga!” Khavbo avbo, vathu vatshavbo va di khavo: Amen! Va dhumisa Pfhumu Nungungulu.

1 Dzikoronika 29:11

Wugulu, tshivba, wuzundzo, gupala ni wufumu, sa gu lumba Uwe, kholu satshavbo si guromo ndzadzini ni mafuni, sa gu lumba Uwe; wufumu khwago Uwe Pfhumu Nungungulu, U khusegidego ngudzu, U fumago silo satshavbo.

1 Dzikoronika 4:10

Jabhesi a di lombelela ga Nungungulu wa na Israyeli, khuye: “Oh! Naripwani U ngu nyi kategisa U engedzela mivbingano nya litigo langu, gyandza gyago na giri gumogo ni eni, U nyi vhikela ga silo nya guvivbe, gasi nyi si mani sigaradzo!” Nungungulu a di mu ninga iso a nga si lomba.

Dzindzimo 10:16

Pfhumu Nungungulu, a ngu fuma kala gupindruga; va nya mayigo va na tutumiswa tigoni gwaye.

Dzindzimo 106:48

A na rungudzwe Pfhumu Nungungulu wa Israyeli, olu kala gupindruga, vathu vatshavbo va na ganele, khavo: “Ameni!” Dhumisani Pfhumu Nungungulu!

Dzindzimo 22:28

Kholu Pfhumu Nungungulu a ngu fuma, khuye a fumago vathu vatshavbo.

Dzindzimo 41:13

A na bongwe Pfhumu Nungungulu wa Israyeli, gukhugela olu kala gupindruga! Amen ni amen!

Dzindzimo 47:2

Kholu Pfhumu Nungungulu khongolo ngudzu, khuye Mufumeli nya khongolo nya litigo latshavbo.

Dzindzimo 47:7

Kholu Mufumeli nya litigo latshavbo khu Nungungulu; embelelani ndzimo nya gutsakise, mu mu rungudza.

Dzindzimo 72:19

Lina laye nya wudhumo, li na simame kala gupindruga, wudhumo waye wu na tadze litigo latshavbo! Amen! Amen!

Dzindzimo 89:52

A na rungudzwe Pfhumu Nungungulu kala gupindruga! Amen ni Amen.

Ekisodha 15:18

Pfhumu Nungungulu a na fuma gikhati gyatshavbo kala gupindruga.”

Mavingu 30:8

Gusengedzela ni malipha, si na gimbilele hwindzo ni eni, u nga nyi ningi wusiwana mwendro gughanya, nyi ninge guhodza gu nyi enelelago.

Jeremiya 15:21

Nyi gu vbulugisa mandzani ga va nya guvivbedwa khu monyo, ni gu gu vbulugisa mandzani ga va nya tshivba.”

Jeremiya 28:6

Khu guralo, muprofeti Jeremiya a di khuye: Amen! Si na girege; Pfhumu Nungungulu a na gire kha nga idzo a ganedego khidzo; a na tiyise Pfhumu Nungungulu magana yago, ayo u ma ganedego, Uye a na bweledze sombo satshavbo si phangidwego Nyumbani ga Pfhumu Nungungulu gumogo ni vathu vatshavbo va vbagedwego va yiswa wugumbini tigoni ga Bhabhiloni.

Dhaniyeli 4:25

Silo sesi satshavbo si dugelede ga mufumeli Nabhukodhonosori.

Dhaniyeli 7:18

Aholu, sihathwa sa wule a Khusegidego ngudzu, khavo va na gu ningwago mufumo wu khala wawe kala gupindruga ni gupindruga.

Mitengo 5:22

Mati yaya nya givalo ma na bele rumbuni gwago, ma simbisa girumbu gyago, u khala gyumba. Khavbo avbo, nyamayi a na hakha, khuye: Amen! Amen!

Matewu 26:41

Lirelani na mu gu lombelela, gasi mu si thegeli gusengwani. Hefemulo tade khu tshivba, aholu givili gi mwalo tshivba.”

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Matewu 5:37

Guganela gwanu gu na khale ina nya gutiye, a gu bani ari ina; ahihi nya gutiye, a gu bani ari ahihi. Kholu iso si hambanago nesi sa gu vangwa khu liphuvbo nya guvivbe.

Matewu 6:10

Mufumo wago wu nate; Gudzina gwago gu na girege mafuni kha nga Ndzadzini.

Johane 17:15

Kha nyi lombi gukheni u va dusa tigoni, aholu kheni va vbulugise guvivbani.

1 Vakorinto 10:13

Sigaradzo mu si wonago khiso si pimedwego gu padwa khu muthu. Kholu Nungungulu tumbegide, kha na nga dzumedzisa gukhuye mu mane silingo nya guvbindre tshivba yanu. A gu mi rumela gilingo, a na mi tulela gambe dzindzila nya gu gi pale.

1 Vakorinto 14:16

Wa gu gira nombelo khu liphuvbo basi, oyu a guromo a gu yingisela a na kodza kharini gu hakha, khuye “Amen” guhegisani nya gubonge gwago, olu a ngamba si mana esi u nga ganelago.

2 Vakorinto 1:20

Kholu ambari situmbiso sa Nungungulu si manide “Ina,” khu guralo hi ngu ganela khu Uye khethu, “Amen” hi dhumisa Nungungulu.

Vagalatiya 1:4

Uye a dzi ningede a gu songwa khu kotani nya sighoho sathu, gasi a hi tshule ga litigo leli nya guvivbe hi vbanyago ga ilo, gu tadzisega kharati guhaladza gwa Nungungulu Babe wathu.

Dhewuteronome 8:16

Khuye a nga gu ninga manaha mugiwulani u hodza ayo ma nga bani ma si tidwi khu vababe vanu; gasi gu gu tsayisa ni gu gu linga, gasi u kodze gu mu girela iso nya sadi.

Dhewuteronome 8:2

U na alakanya ndzila yatshavbo eyi Pfhumu Nungungulu wago, a gu gimbidzisidego khiyo giwulani gipimo nya magumana myaga, gasi gu gu vbwasamisa ni gu gu linga, ni guti igyo gi guromo monyoni gwago, gukhuye u na vegedza mwendro khu na vegedza milayo yaye.

1 Vatesalonika 1:10

Olu, na mu gu lindrela guwuya ga Mwanaye, Jesu, khu Ndzadzini, oyu a mu wusidego khu ga vafudego, a na hi vbulugisa ga libango li na gutago.

2 Vatesalonika 3:3

Gasi, Pfhumu khwadi. Uye a na mi ningani tshivba, a mi vbulugisani muguvivbani.

1 Thimoti 1:17

Khu guralo, ga uye Pfhumu nya gupindruge, rungudzo ni gidhumo si na vegwe gwaye Nungungulu nyamba fa nyamba wonwa khu maho khu gupindruga ni gupindruga Amen.

Vahebheru 11:36

Vambe va di poyidwa, va khinyedwa. Vambe va di hungeledwa va thedwa mapasoni.

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.

2 Pedro 2:9

Pfhumu a ngu mati mano nya guvbulugise khayo ava va khodwago gwaye, a ngu kodza gambe gu vega tsayisoni ava nya guvivbedwe khu myonyo, kala litshigu nya gulamudwe.

1 Johane 3:8

Oyu a simamago gu ghoha a gu lumba Sathane. Kholu Sathane ghohide gukhugela guhegulani. Mwamana wa Nungungulu a dzi wonegiside khu kotani nya isoso; guta pfhungumula mithumo ya Sathane.

Gutuledwa 1:18

Kheni wule a vbanyago. Nyi di fude, aholu olu nyi ngu vbanya kala gupindruga. Nyi na ni dzipfhungulo nya lufu nedzi nya litigo nya vafi.”

Gutuledwa 19:1

Khu hwane nya satshavbo sesi, nyi dipwa nga lito nya lidhuma nya vathu na li gu tshiga khu ndzadzini, khilo: “Aleluya! Guvbanyisa, ni gidhumo, ni tshivba sa gu tumbuluga khu ga Pfhumu, Nungungulu wathu.

Gutuledwa 19:4

Vale nya magumavili na mana madhota, ni sivangwa sile nya sina nya guvbanye, va di khidzima va khozela Nungungulu a khadego vbagikhalotunu nya wufumu, khavo: “Amen! Aleluya!”

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.

Gutuledwa 21:4

Uye a na va bavbula marongo mahoni gwawe, kholu gima kha gu na manega gambe gufa, gulila gu na vbela, ni gudilela ni wuvi, kholu dzitshanisa dza gale dzi vbindride.”

Gutuledwa 3:10

Kha nga ulo u nga landrisago magana nya gutimisele gwangu, eni neni nyi na gu vhikela gikhati litigo latshavbo li na lingwago gasi gu wona khu mani a tiyidego mafuni.

Gutuledwa 3:14

Lovela ngilozi ya libandla la Lawodhikeya, khuwe: “Wule a gu uye, Amen, a gu fakazi nya guthembege nya lisine a gu uye guphela nya sivangwa sa Nungungulu, wari, khuye:

Gutuledwa 5:13

Sivangwa satshavbo sa ndzadzini, sa mafuni, ni vbavbatshi nya mafu niso sa matini nyi di sipwa satshavbo na si gu khiso: “Wuzundzo ni rungudzo, ni wufumu ni tshivba kala gupindruga ga wule a khadego vbagikhalotunu nya wufumu ni ga Nvutana.”