Matewu 6:10 - Bhibhiliya Nya Guage

¹⁰ Mufumo wago wu nate; Gudzina gwago gu na girege mafuni kha nga Ndzadzini.

Matewu 6:10 Iomraidhean Croise

Nehemiya 9:6

Uwe Pfhumu khuwe basi, u giride gupindruga gwa ndzadzini gu khusegidego ngudzu, ni mabutho yatshavbo nya sivangwa saye, mafu ni satshavbo si guromo umo, yiphwa ni satshavbo si manegago umo; khuwe u vbanyisago sivangwa satshavbo, ni sivangwa sa ndzadzini si ngu gu khozela.

Dzindzimo 2:6

“Kheni nyi nga emisa mufumeli wangu vbatshani nya gigomo gyangu nya gukatege gya Siyoni.”

Dzindzimo 40:8

Nyi ngu tsaka khu gu gira guhaladza gwago, Nungungulu wangu; ndrani nya monyo wangu womo nayo wago.

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Jeremiya 23:5

Pfhumu Nungungulu a ngu ganela, khuye: “Wonani, ma nguta matshigu nyi na bugiselago Dhavhidhe pfhundre nya gululame; uye a na khala mufumeli, a na fumelago khu wugengeli ni guti, gambe a na lamula vathu khu nongameto.”

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Dhaniyeli 7:13

Umo nya siwoniso sangu nya wutshigu, nyi di wona na guta khu mapfhini ya ndzadzini, moyo nya gufanane ni mwamana wa muthu. Ata ga wule a nga bani ari lidhota khu gale, va mu hidzimisa vbafuvbi gwaye.

Dhaniyeli 7:27

Khu guralo, mufumo, tshivba ni wugulu nya mifumo yatshavbo ya mafuni, yi na ningedwa ga lihundzu nya sihathwa sa oyu a Khusegidego ngudzu. Mufumo waye khwa kala gupindruga, vafumeli vatshavbo va na mu khozela ni gu mu yingisa.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Matewu 12:50

Kholu, watshavbo uye a girago guhaladza ga Babe wangu a guromo Ndzadzini, khuye a gu ndriyangu ni mayi wangu.”

Matewu 16:28

Khu lisine nyi ngu mi embelani nya gukheni: Vomo hi gu navo avba va na gumba linga lufu, kala va gu wona Mwamana wa Muthu na guta ni mufumo waye.”

Matewu 26:42

A di hongola nyaluphye aya lombelela, khuye: “Baba, gwa gu kodzega, nyi vbulugise ga gikombe gegi. Aholu, gu na girege guhaladza gwago!”

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Matewu 4:17

Khavbo avbo, Jesu a di phela gu hevbudza, na gu ganela, khuye: “Vbindrugedzani mavbanyelo, kholu Mufumo wa Ndzadzini womo vbafuvbi.”

Matewu 7:21

“Khandri watshavbo wule a gukhuye: Pfhumu, Pfhumu, a na belago Mufumoni wa Ndzadzini. Aholu a na bela basi uye a girago gugola ga Babe wangu a guromo Ndzadzini.

Marko 11:10

Wu na rungudzwe wufumu wa babe wathu Dhavhidhe wu vbohago. Hosana vbatshani Ndzadzini!”

Marko 3:35

Kholu muthu watshavbo a girago gugola gwa Nungungulu khuye a gu ndriyangu nya mwama, nuye nya nyamayi ni mayi wangu.”

Luka 19:11

Na va gu pwa esi, Jesu a di engedzela gimbe gipimaniso, kholu a nga bani a romo vbafuvbi ni Jerusalema, nulo vathu va nga bani va gu hingigedza gukhavo Mufumo wa Nungungulu wu di guvbweta gu vboha khu guvbiredza.

Luka 19:38

khavo: “A na rungudzwe Mufumeli atago khu lina la Pfhumu! Gurula Ndzadzini, ni gidhumo ga Nungungulu!”

Luka 22:42

“Baba, wa gu dzina nyi leyisele gikombe gegi nya wuvi. Ambari ulo, gu nga giregi guhaladza gwangu; aholu, ugo gwago.”

Johane 4:34

Jesu a di va embela, khuye: “Guhodza gwangu khu gu gira guhaladza ga wule a nga nyi rumelago ni gu gira mithumo yaye.

Johane 6:40

Gugola ga Babe wangu khogu: Muthu watshavbo a wonago Mwamana, a gu khodwa gwaye, a na mana guvbanya nya gupindruge; gasi eni nyi na mu wusa litshigu nya mahegiso.”

Johane 7:17

Uye a vbwetago gu gira gugola gwa Nungungulu a na dzi wudzisa gukhuye gihevbudzo gyangu gya guta khu ga Nungungulu, mwendro nya gu gi khugela.

Mithumo 13:22

Nungungulu, na duside Sawule vbagikhalotunu nya wufumu, a di va tulela gu hatha Dhavhidhe kha nga mufumeli wawe. Khuye a nga mu thulago, khuye: ‘Nyi mane Dhavhidhe, mwamana wa Jese, mwamana a tsakisago monyo wangu, a nga londrowodzago guhaladza gwangu gwatshavbo.’

Mithumo 21:14

Khu gumba mu kodza gu mu thindregisa, hi di mu diga khethu: “Gu na girege guhaladza gwa Pfhumu!”

Mithumo 22:14

Uye a di khuye: ‘Nungungulu wa vababe vathu a gu hathide gasi u fela guti gwadi guhaladza gwaye, u wona Wululamo waye ni gupwa lito li dugago khu kanani gwaye.

Varoma 12:2

Mu nga landriselini mikhuwo nya mavbanyelo nya litigo leli, aholu vbindrugedzani mapimo yanu ni mavbanyelo yanu yatshavbo, gasi mu kodze gupima gugola gwa Nungungulu; ni gu pima esi nya sadi, nya gutsakise, si vbeledego mahoni gwa Nungungulu.

Vaefeso 6:6

Mu nga va thumelini basi khu gu va thava, nga khwatshi mwa gudwanela gu tsakisa vathu, aholu thumani nga sithumi sa Kristo, mu gira guhaladza gwa Nungungulu khu monyo wanu watshavbo.

Vakolosi 1:13

A hi vbulugiside tshivbani nya gidema a gu hi bedza mufumoni wa Mwanaye nya gigodwa.

Vakolosi 1:9

Khu Kharato, gukhugela litshigu hi pwidego mahungu yaya nya gutsakise, kha hi garali khu gu lombelela khu enu. Ha gu lomba gukhethu Nungungulu a mi tadzisele khu gu mi tulela guti guhaladza gwaye, a mi ninga gugengela ni gupima khu Liphuvbo Laye.

1 Vatesalonika 4:3

Nungungulu a gu vbweta mu vbanye khu ndruda, mu gimbilele hwindzo ni wubhayi,

1 Vatesalonika 5:18

Bongani Nungungulu ga silo satshavbo. Aya khayo mavbanyelo a ma vbwetago Nungungulu vbakari gwanu, ni wuhengeli ga Jesu Kristo.

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Vahebheru 10:36

Timiselani gasi mu gira guhaladza ga Nungungulu, mu mane guya hakha esi a mi tumbisago.

Vahebheru 10:7

Khavbo avbo, eni nyi di, kheni: Nyi womo avba, uwe Nungungulu, nyi dzude guta gira guhaladza gwag, (nga edzi gu lovidwego khidzo libhukuni nya Nayo khu mahungu yangu).”

Vahebheru 13:21

Nungungulu nya gurule a na mi ninge satshavbo esi si gu sadi, gasi mu girani guhaladza gwaye. Khu Kristo Jesu, a na thume gwathu satshavbo esi a si golago. A na rungudzwe Kristo kala gupindruga! Amen.

1 Pedro 2:15

Kholu Nungungulu a gu vbweta gukhuye enu mu gire esi nya sadi, gasi sipumbu ni mapemi va si mani gilo nya guganele khu enu.

1 Pedro 4:2

Khu guralo, gukhugela ga matshigu yanu ma nga tshadego nya guvbanye mafuni momu, vbanyani khu gu landrisa guhaladza ga Nungungulu, nasiri gu landrisa gudogolela nya wuthu.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 12:10

Khu hwane nya iso nyi dipwa lito nya gute khu ndzadzini li huwelela khu tshivba ni tshivba, khilo: “Gi vbohile gikhati nya guvbanyiswe, nya tshivba ni Wufumu wa Nungungulu wathu ni Mufumo wa Kristo waye. Kholu va mu pade muthuledzi wa vandriyathu, uye a nga bani a gu va poyila wutshigu ni mihani mbeli ga Nungungulu wathu.

Gutuledwa 19:6

Nyi dipwa gambe nga lito nya likhongolo nya talo nya vathu, nga gudzuma nya talo nya mati, nga gudzuma nya libara, na va gukhavo: “Aleluya! Kholu Pfhumu, Nungungulu wathu nya Tshivba Yatshavbo a ngu fuma!

Gutuledwa 20:4

Nyi di wona gambe mihefemulo ya vale va nga songwago kholu va nga tumbegago khu gu fakaza Jesu ni Mahungu ya Nungungulu. Avo kha va nga khozela girengo ambari gifananiso gyaye, gambe kha va dzumela gu vegwa gifungo gyaye vbagiwombotunu ambari mandzani. Avovo va wugide va vbanya, va gu fuma gumogo ni Kristo gipimo nya likhumi mazana (1.000) myaga.