Matewu 6:1 - Bhibhiliya Nya Guage

¹ “Dzi woneleni mwa gu gira thumo nya wadi mu nga dwaneli gu wonwa khu vathu. Mwa gu gira kharato kha mu na ningwa tshatshazelo khu Babe wanu a guromo Ndzadzini.

Matewu 6:1 Iomraidhean Croise

2 Dzipfhumu 10:16

A mu embela, khuye: “Hongole hatshavbo u na wona idzo eni nyi ningago khidzo githawo Pfhumu Nungungulu.” Va di mu bedza karetani gwaye.

2 Dzipfhumu 10:31

Aholu, Jewu kha nga khathala gilo khu gu gimbila khu nayo wa Pfhumu Nungungulu wa Israyeli, ambari gu hambana ni sighoho sa Jerobhowamo, a nga ghohisa Israyeli.

Dzindzimo 112:9

A ngu kabana silo saye ni sisiwana; gululama gwaye gu ngu simama kala gupindruga, tshivba yaye yi na khusedzwa khu wudhumo.

Ezekiyeli 33:31

Avo va guta gwago kha nga giolovedzo gyawe, va gu khala mbeli gwago gasi gu yingisa magana yago, aholu kha va ma landrisi. Va gu ganela khu magana khavo va ngu nyi gola, narigu khu myonyoni gwawe va gu alakanyela bhindzu nyambana fanelo.

Dhaniyeli 4:27

mufumeli a di ganela, khuye: “Khandrilo eli lidhoropa nya likhongolo la Bhabhiloni nyi li vbahidego khu tshivba yangu gu khala tsindza nya gu dhumiswe wugulu wangu gani?”

Zakariya 13:4

Khu litshigu lolo, vaprofeti va na thedwa dzitshoni, moyo ni moyo nya avo khu giwoniso nya wuprofeti waye. Avo gima kha va na dzi kapega gambe khu gifenengelo nya mawoya, va fela gu pfhadza vathu.

Zakariya 7:5

“Nga wudzisa ga vathu vatshavbo va tigoni momu ni ga vaphasi nya mhamba, khuwe: Avbo mu nga lilani ni gu hala khu ngima nya livbandre ni oyu nya livbandre na mivili, ndrani nya myaga yeyi nya livbandre na mavili magumi, ina mu di hala khu kotani gwangu, gani?

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Matewu 16:6

Jesu a di va embela, khuye: “Gwadigwadi dzi woneleni ni mela nya Vafarisi nuwo nya Vasadhusi.”

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Matewu 23:5

Satshavbo va girago, va gufela gu wonwa khu vathu. Khu kharato va gu gudzisela mikeka nya milayo va hungago vbagiwombotunu ni mawogoni va laphisa matshakafula nya dzingandzu dzawe.

Matewu 25:40

Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’

Matewu 5:16

Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

Matewu 5:46

Kholu, mwa gu gola basi avo va mi golago, tshatshazelo muni mu na gu wu manago? Kha va ngu gira navo vakhuphisi, gani?

Matewu 5:48

Khu kharato, lulamani mulisineni kha nga Babe wanu wa Ndzadzini a lulamidego.

Matewu 6:16

“Mwa gu halani, mu nga hungi giswedzo, kha nga va nya matshandza, na va gufela gu wonwa khu vathu gupwani va ngu hala. Nyi ngu mi embelani lisine nya gukheni va hakhide tshatshazelo yawe.

Matewu 6:9

“Khu kharato, lombelelani, kharati: ‘Baba wathu u guromo Ndzadzini, lina lago li na rungudzwe.

Marko 8:15

Khavbo avbo, Jesu a di va embela, khuye: “Gwadigwadi ni mela nya Vafarisi, nuwo wa Herodhi!”

Luka 11:35

Khu kharato, dzi wonele, u nga dzegi mwenge u gu nawo u wu gira gidema.

Luka 12:1

Kha nga ulo ma nga bani ma romo mazana nya vathu va nga bani va gu gundrana khu gu tala, Jesu a di phela khu gu embela vapizane vaye, khuye: “Gwadigwadi ni mela nya Vafarisi, a gu malipha.

Luka 12:15

A di simama gu ganela, khuye: “Mu ngu pwani, dzi woneleni ni wudogodogo watshavbo, kholu guvbanya nya muthu kha gu valedwi khu thomba yaye, ambari na yi tade nya guwani.”

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Johane 12:43

Kholu va di gola ngudzu gu dhumiswa khu vathu guvbindra gu dhumiswa khu Nungungulu.

Johane 5:44

Mu na khodwa kharini enu mu girelanago lidiwo khu gyanu, mu si thembigo wuzundzo wutago basi khu ga Nungungulu?

Mithumo 3:12

Na wonide esi, Pedro a di ganela ga vathu, khuye: “Vathu va Israyeli, khu ginani mu liwuga khu gu wona silo sesi; khu ginani mu hi khedzisago nga khwatshi mwendro khu tshivba yathu, mwendro gukhodwa gwathu gu nga hawulugisa mwama yoyu a kodza gu gimbila?

Vagalatiya 6:12

Ava va vbwetago gu dzi khusedza khu tumbunugo nya wuthu, khavo va mi gurumedzago gu hana wugwera. Va gu gira isoso khu gu thava gu saniswa khu kotani nya gihambano gya Kristo.

Dhewuteronome 24:13

gupfolani nya lidambo u fanede gu mu bweledzela, gasi gulala a wu fenengela, gambe u mu lombelela makategwa, khu kotani nya isoso, u na bani u giride gululama mbeli ga Pfhumu Nungungulu wago.

Vahebheru 11:26

A di wona nari tshukwana gu nyenywa khu kotani ya Kristo guvbindra gu fuma dzithomba dzatshavbo dza Egipito. Maho yaye ma di khedza tshatshazelo wu nga gutago.

Vahebheru 2:1

Khu kharato, hi na thele kota ngudzu khu lisine hi li pwidego, gasi hi si ndreyi ga ilo.

Vahebheru 6:10

Nungungulu khwadi, kha divaledwi khu thumo mu wu giridego enu, ni lihaladzo mu li yeyedzidego, ni giphaso mu giridego ni olu mu nga gu girago ga vandriyanu nya vakristo.

2 Johane 1:8

Dzi woneleni, gasi mu si luzi thumo hi wu giridego, aholu hi hakha tshatshazelo nya guenele.