Matewu 5:37 - Bhibhiliya Nya Guage

³⁷ Guganela gwanu gu na khale ina nya gutiye, a gu bani ari ina; ahihi nya gutiye, a gu bani ari ahihi. Kholu iso si hambanago nesi sa gu vangwa khu liphuvbo nya guvivbe.

Matewu 5:37 Iomraidhean Croise

Matewu 13:19

Muthu a gupwa mahungu nya Mufumo a si ma pimi ma gu thula ginani, a nata Sathane ata fugula iso si nga bani na si yadwe monyoni gwaye. Egi khu gipimaniso nya mbewu nya guthegele bambe nya ndzila.

Matewu 13:38

Lithembwe khu litigo; mbewu nya yadi khu sanana nya Mufumo; nyasavare khu sanana sa Sathane;

Matewu 15:19

Khu monyoni ma ngu duga mahingigedzo nya guvivbe, wughevenga, wubhayi, wuphuphulu, wuvafa, gusingedza ni magana yatshavbo nya guhembulule Nungungulu.

Matewu 5:36

ambari khu hungo wago wunene, kholu khu dzi kodzi gu vbindrugedza ndzudzu wago, moyo basi, wu aga mwendro wu sivbala.

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

Johane 17:15

Kha nyi lombi gukheni u va dusa tigoni, aholu kheni va vbulugise guvivbani.

Johane 8:44

Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

Vaefeso 4:25

Khu kharato, nyenyani malipha; muthu ni muthu a na ganele lisine ga muthu kwawe, kholu ethu hatshavbo hi sivbango nya givili gimwegyo.

Vaefeso 6:16

Pharani ngudzungudzu gukhodwa mu gu gira gitshangu nya guvhike matshari yatshavbo nya nilo wa Sathane.

Vakolosi 3:9

Mu nga liphelani khu gyanu. Enu mu tshude muthu wa gale ni mavbanyelo yaye,

Vakolosi 4:6

Mabhuloni gwanu ganelani mahungu nya gusalalegise, mu gu kodza gu ninga phindrulo nya guenele muthu ni muthu.

2 Vatesalonika 3:3

Gasi, Pfhumu khwadi. Uye a na mi ningani tshivba, a mi vbulugisani muguvivbani.

Jakobe 5:12

Aholu, ga satshavbo, enu vandriyangu, mu nga sambanyi khu ndzadzini, ambari khu mafu, ambari khu gimbe gilo. Ganelani basi, khenu: “Ina,” a gu bani ari ina; khenu “Ahihi,” a gu bani ari ahihi, gasi mu si ningwi nandru.

1 Johane 2:13

Enu vababe, nyi ngu mi lovelani kholu enu mu ngu mutini oyu a guromo gukhugela guhegulani. Enu madzaha, nyi ngu mi lovelani, kholu mu pade Sathane. Eni nyi ngu mi lovela vanavangu, kholu mu mutide Babe.

1 Johane 3:12

Hi nga giri kha nga Kayimi a nga bani a gu lumba Sathane a songa ndriyaye. A di mu songa khu kotani nya ginani? Kholu mithumo a nga bani a gira Kayimi yi di vivbide, gasi eyi ya ndriyaye yi diri yadi.

1 Johane 5:18

Hi ngu dziti gukhethu sanana sa Nungungulu kha si nga gu simama gughoha kholu Mwamana wa Nungungulu a ngu si vhikela. Sathane kha dzi kodzi gu si kuha.