Matewu 5:28 - Bhibhiliya Nya Guage

²⁸ Gasi eni nyi ngu mi embelani, kheni: Watshavbo uye a khedzago nyamayi, khu gu mu dogorela, bhayide naye monyoni gwaye.

Matewu 5:28 Iomraidhean Croise

Genesi 34:2

Avbo Sikemi, mwamana wa Hamori, Muhevhi a nga bani ari mwamangulu nya litigo lile, a nga wonago Dhina, a di mu pfinya a gu lala naye khu tshivba.

2 Samuweli 11:2

Khu limbe litshigu ni silambo, Dhavhidhe a di wuga khu vbadawutunu gwaye, a gimbilagimbila vbatshani nya langwe nya nyumba yaye nya wufumu; khavbo avbo, nari khu vbalangwetunu, a di wona nyamayi na gu hamba; nyamayi yoyu a di mburide ngudzu.

Joba 31:1

Nyi giride gidzumeledzwano ni maho yangu, gukheni nyi nga tshuki nyi dogorela gyagadzyana nya mbiri.

Joba 31:9

Monyo wangu wa gu bani wu dogorede ngadza vane; ni gu bani nyi holelede nyumbani ga muakelane wangu,

Dzindzimo 119:96

Nyi wonide nya gukheni silo satshavbo si na ni mahegiso; aholu sileletelo sago si mwalo mahegiso. Mem

Ekisodha 20:17

U nga dogoreli nyumba ya muthu kwanu. U nga dogoreli mwangadzi wa muthu kwanu; mwendro githumi gyaye nya mwama mwendro nya nyamayi, ambari mombe yaye, mwendro buru yaye, mwendro gimbe gilo gi mu lumbago, u nga gi dogoreli.

Mavingu 6:25

Monyo wago wu nga dzumeli gu modwa khu gu dogorela wumburi waye ambari gundrindrwa khu gurunya nya maho yaye.

Ezekiyeli 23:16

“Avbo uye a va wonidego, a di va dogorela ngudzu, a rumela myango yaye yiya Kalidhiya.”

Levhi 18:20

U nga lali ni mwangadzi wa muakelane wago, u nga dzi nyenyezisa.

Matewu 15:19

Khu monyoni ma ngu duga mahingigedzo nya guvivbe, wughevenga, wubhayi, wuphuphulu, wuvafa, gusingedza ni magana yatshavbo nya guhembulule Nungungulu.

Matewu 5:22

Gasi eni nyi ngu mi embelani, kheni: Uye a zangarelago ndriyaye a na thethiswa; uye a ranago muthu kwawe khuye mbeveve fanede gu lamudwa khu madhota. Uye a ranago muthu kwawe khuye gipumbu a na rinywa phalani nya nilo.

Matewu 5:39

Gasi eni nyi ngu mi embelani gukheni: Mu nga dzi vhikeli ga valala vanu. Wa gu vetwa pama gihaya gya nyamudye, ningedzela gambe gya nyambade.

Varoma 7:14

Kholu hi ngu dziti gukhethu Nayo khwa liphuvbo, aholu eni nyi gu muthu nyambana tshivba, nyi rengisidwe nga khumbi ga gighoho.

Dhewuteronome 22:22

Mwama nya gukari a gu manwa na lade ni mwangadzi wa mumbe mwama, vatshavbo va na songwa, mwama a ladego ni nyamayi, ni nyamayi a ladego ni mwama; khu guralo, u na vbedza wuvivbi tigoni ga Israyeli.

2 Pedro 2:14

Kha va khedzi nyamayi nyamba mu dogorela, kha va garali khu gu gira sighoho. Va gu kanganyisa vathu nyamba tiya. Mapimo yawe khya gu alakanya gu mana dzitsapawu. Avovo va vadwe khu Nungungulu.

1 Johane 2:16

Satshavbo si guromo mafuni: Gudogorela nya givili, ni gudogorela nya maho, ni gu dzi gugumugisa khu kotani nya silo nya mafu, satshavbo sesi kha siti khu ga Babe, aholu, sa guta khu mafuni momu.