Matewu 5:23 - Bhibhiliya Nya Guage

²³ Khu kharato, wa guya gira ningelo wago vbagiluvelotunu, nuri vbakari, u dundruga gukhuwe u hosede ndriyago,

Matewu 5:23 Iomraidhean Croise

Genesi 41:9

Khavbo avbo, muthangeli nya vatheledzeli nya sikombe vbamezatunu a di ganela ga Faro, khuye: “Muhuno nyi ngu dundruga gihoso nyi giridego.

1 Dzipfhumu 2:44

Mufumeli a di engedza gambe ga Simeyi, khuye: “Uwe u ngu guti gwadi khu monyoni gwago guvivba gwatshavbo u giredego babe wangu Dhavhidhe. Khu guralo, Pfhumu Nungungulu a na bweledzela hungoni gwago guvivba gwago.

Gililo 3:20

Nya gu alakanya satshavbo sesi, hefemulo wangu wa gu vbela tshivba.

Ezekiyeli 16:63

Nyi na gira esi, gasi u alakanye ni gu khala dzitshoni, gima u si tuli gambe likana lago khu kotani nya dzitshoni dzago, gikhati nyi nga tsetselelana nago khu satshavbo u giridego; a ngu ganela Mune Pfhumu Nungungulu.”

Hoseya 6:6

Kholu eni nya gu tsakiswa khu lihaladzo, guvbindra dzimhamba dzanu, ni guti Nungungulu, guvbindra miphaso yanu nya guvbiswe.

Matewu 23:19

Sikhumunu! Khu gevbini gi gu gikhongolo guvbindra gikwawe? Khu ningelo, mwendro khu giluvelo, gi gu igyo gi agisago ningelo?

Matewu 5:24

diga ningelo wago vbagiluvelotunu, uya phela khu gukhongotelana ni ndriyago; khavbo u wuyago gwadi u ta gira ningelo wago.

Matewu 8:4

Aholu Jesu a di mu laya, khuye: “U nga embeli muthu; indra dzi leyedza ga muphasi nya mhamba, gufela gu a ningela, khu guagiswa gwago, iso si rumwago khu Mosi, gasi gu khala nari wufakazi vbakari gwawe.”

Marko 11:25

Mwa gu vbweta gu gira nombelo wanu, mwa gu bani na mu hoselane, phelani khu gu tsetselela ava va gu ni sihoso gwanu, gasi Babe wanu a guromo Ndzadzini a mi tsetselelani nenu sihoso sanu.

Luka 19:8

Zakewu a di khuga a ema a embela Pfhumu, khuye: “Pfhumu, nyi na kabanisela sisiwana gipandre nya thomba yangu, nya gu bani nyi kanganyiside muthuyo, nyi na mu livba nyondro dzina.”

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.