Matewu 5:17 - Bhibhiliya Nya Guage

¹⁷ Mu nga pimisi nya gukhenu nyi tede guta tshipisa Nayo, mwendro sihevbudzo sa vaprofeti: Kha nya tela guta fuvisa; aholu, nyi tede guta tadzisa.

Matewu 5:17 Iomraidhean Croise

Isaya 42:21

Pfhumu Nungungulu a di gu nengela khuye, khu lihaladzo nya gululame gwaye, a mu khusedzide khu nayo, a mu ninga wudhumo.

Matewu 3:15

Aholu Jesu a di mu hakha, khuye: “Si dige isoso. Gu vbwetega hi landrise, kharati, fanelo nya gululame gwatshavbo.” Khavbo avbo, Johane a di dzumela.

Matewu 7:12

Khu kharato, iso mu vbwetago gukhenu vathu va mi girele, va gireleni nenu, kholu khidzo kharati wu hevbudzago Nayo ni sihevbudzo sa vaprofeti.

Luka 16:17

Gu ngu vbevbuga ngudzu gu mwalalega ndzadzi ni mafu, guvbindra gu futega tseneno wudugwana vbanayotunu.

Johane 8:5

Mosi, a hi hevbudzide Nayo gukhuye vanyamayi nya nga oyu va ngu yela gu pfarwa khu siwindri. U ngu khuwe ginani?”

Mithumo 18:13

vaya, khavo: “Muthu yoyu a gu kutsedzela vathu gukhozela Nungungulu khu magirelo nya guhambane ni nayo.”

Mithumo 21:28

na va gu gulumela, khavo: “Va na Israyeli, nga deluni mu ta hi phasa! Mwama yoyu khuye a gimbilago a hevbudza vathu mayigoni gwatshavbo, a va kutsedzela gu wugela libandla la na Israyeli, Nayo ni Nyumba ya Nungungulu. Gu diga nya isoso, olu dzude ni vathu va si gu Vajudha ata bela navo Nyumbani ya Nungungulu, a nyenyezisa wulanga wowu nya guage!”

Mithumo 6:13

Va di mu singedza malipha, khavo: “Oyu mwama kha garali khu gu hembulula Nyumba ya Nungungulu ni Nayo.

Varoma 10:4

Kristo tshipiside Nayo wa Mosi gasi gu tshanganisa wulongoni gwa Nungungulu vathu vatshavbo va khodwago gwaye.

Varoma 3:31

Khavbo avbo, ina sa gu wonega gupwani hi ngu tshipisa Nayo khu gukhodwa, gani? Ahihi. Aholu ha gu tiyisa Nayo.

Varoma 8:4

Nungungulu giride esi gasi gululama nya Nayo gu tadzisega avbo gwathu, ethu hi si fumedwigo gambe khu gudogorela nya tumbunugo nya wuthu, aholu hi fumedwago khu Liphuvbo nya Guage.