Matewu 4:23 - Bhibhiliya Nya Guage

²³ Jesu a di gimbila tigoni gwatshavbo ga Galileya, na gu hevbudza mudzinyumbani nya nombelo, gumogo ni gu tivisa Mahungu nya Yadi nya mufumo, na gu hawulugisa vathu dzingumbe dzawe dzatshavbo, ni madwali.

Matewu 4:23 Iomraidhean Croise

Dzindzimo 103:3

Khuye a gu tsetselelago siwono sago satshavbo; ni gu gu hawulugisa madwali yago yatshavbo.

Dzindzimo 74:8

Khu myonyoni gwawe va di ganela, khavo: “Hongoleni hi va fuvise khu gumogo basi.” Va di vbisa malanga yatshavbo nya gukhozele umo Nungungulu tigoni gwathu.

Matewu 11:5

Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Matewu 12:9

Na khugide khu vbale a di ya bela nyumbani nya nombelo,

Matewu 13:19

Muthu a gupwa mahungu nya Mufumo a si ma pimi ma gu thula ginani, a nata Sathane ata fugula iso si nga bani na si yadwe monyoni gwaye. Egi khu gipimaniso nya mbewu nya guthegele bambe nya ndzila.

Matewu 13:54

Na vbohide tigoni gwawe, a di va hevbudza nyumbani nya nombelo. Vatshavbo va di tala khu guliwuga, va gu wudzisana, khavo: “A gu gu mana hayi guti gogu ni tshivba nya gugire siliwugiso?

Matewu 14:14

Na gu tshiga khu ngalavani, Jesu a di wona gidzemo nya gingi. A di pwa gisiro, a gu hawulugisa vadwali vawe.

Matewu 24:14

Mahungu nya Yadi yaya nya Mufumo wa Nungungulu ma na huweledwa tigoni gwatshavbo gasi gu ninga wufakazi mayigoni gwatshavbo. Khu hwane nya ugo khavbo gu no tago guhegisa.

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Matewu 9:35

Jesu a di gu gimbila gimbila ni madhoropa ni mitalala, na gu hevbudza dzinyumbani gwawe nya nombelo ni gutshumayela Ivhangeli nya mufumo, gumogo ni gu hawulugisa madwali yatshavbo ni dzingumbe dzinyumbani gwawe nya nombelo ni gutshumayela.

Marko 1:14

Hwane nya gu na modwe Johane, Jesu adita Galileya gasi guta hevbudza Mahungu nya Yadi ya Nungungulu, khuye:

Marko 1:21

Va di bela dhoropani ga Kafarinawume. Na li vbohide litshigu nya Sabhadho, Jesu a di bela nyumbani nya nombelo a phela gu hevbudza.

Marko 1:39

A di gimbila tigoni gwatshavbo ga Galileya, na gu hevbudza Ivhangeli dzinyumbani gwawe nya nombelo, ni gu tutumisa maphuvbo nya guvivbe.

Marko 3:10

Kha nga olu a nga bani a gu hawulugisa nya vangi dzingumbe dzawe nya dzingi, vathu vatshavbo va nga bani vari ni madwali va di hidzimela gwaye vafela gu mu kuha.

Marko 6:2

Na li vbohide litshigu nya Sabhadho, adiya bela nyumbani nya nombelo a phela gu hevbudza; nya vangi, na va mu pwide, va di liwuga, va wudzisana, khavo: “A gu siti ni mani satshavbo sesi? Guti gwatshavbo gogu a gu mane hayi? A ha siliwugiso si girwago khu mandza yaye, sa guta khu hayi?

Marko 6:6

A di liwuga khu gumba khodwa ga vathu vale. Ambari ulo a di gimbilagimbila mu dzindrangani dza vbafuvbi a gu hevbudza.

Luka 10:9

hawulugisani vadwali mu na va manago, na mu gu embela vathu vatshavbo, khenu: ‘Mufumo wa Nungungulu womo vbafuvbi gwanu.’

Luka 13:10

Jesu a di bani a gu hevbudza khu litshigu nya Sabhadho nyumbani nya nombelo.

Luka 16:16

Nayo ni sihevbudzo nya vaprofeti si thumide kala matshiguni ya Johane. Gukhugela avbo gu ngu hevbudwa Mahungu nya Yadi nya Mufumo wa Nungungulu. Muthu ni muthu a gu zama gu bela khu tshivba.

Luka 20:1

Matshigu yale, Jesu na romo Nyumbani ga Nungungulu a hevbudza vathu ni gu tivisa Mahungu nya Yadi, a di yedwa khu vakhongolo nya vaphasi nya mhamba ni vahevbudzi nya Nayo ni madhota.

Luka 4:14

Na kutsidwe khu tshivba nya Liphuvbo, Jesu a di wuya Galileya. Ndruma yaye yi di pwala tigoni mule gwatshavbo.

Luka 5:17

Tshigu mwedo, Jesu, a di gu hevbudza, vbakari nya vathu va nga bani va mu yingisa. Va diromo navo vafarisi ni vahevbudzi nya Nayo va nga tago khu Galileya, khu Judheya ni Jerusalema. A di gu hawulugisa madwali khu tshivba ya Pfhumu.

Luka 6:17

Jesu a di relela navo a gu ema panini, avbo a nga mananago ni vapizane nya vangi ni gidzemo nya gingi nya vathu va nga bani va dugela Judheya gwatshavbo, ni Jerusalema, ni bambe nya yiphwa ya Tiro ni Sidhoni,

Luka 6:6

Khu yimbe Sabhadho a di bela nyumbani nya nombelo, a gu phela gu hevbudza. A diromo vbale muthu a nga bani a limade libogo.

Luka 7:21

Gikhati gyogyo furi Jesu a di hawulugisa vathu nya vangi madwali ni gu vbanyisa ava va nga bani va gu saniswa khu maphuvbo nya guvivbe, gumogo ni gu tula maho sikhumu.

Luka 7:22

Jesu a di va hakha, khuye: “Indrani muya tivisa Johane iso mu si pwago ni gu si wona: Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Luka 8:1

Khavbo avbo, hwane nya esi, a di gimbila khu madhoropani ni dzindrangani, a gimbila a hevbudza Mahungu yadi nya Mufumo wa Nungungulu, nari ni vapostoli vaye nya likhumi na vavili,

Luka 9:11

Gidzemo na gi tugude, gi di mu landra. Jesu a di gi hakha, a gu gi hevbudza mahungu nya Mufumo wa Nungungulu, gumogo ni gu hawulugisa vadwali.

Luka 9:60

Jesu a di mu embela, khuye: “Va dige vafi va dzingane khu gyawe. Gasi uwe indra u gimbila u tivisa Mufumo wa Nungungulu.”

Johane 18:20

Jesu a di mu hakha, khuye: “Nyi ganede tigoni nyamba siha gilo; nyi hevbudzide gikhati gyatshavbo ndrani nya Nyumba nya nombelo ni Nyumbani ya Nungungulu, umo va tshanganelago umo Vajudha vatshavbo, gimwalo nyi nga ganelago khu gisihaledza.

Johane 6:59

Esi ganede Jesu na gu hevbudza nyumbani nya nombelo ya Kafarinawume.

Johane 7:1

Khavbo avbo, Jesu a di gimbilagimbila tigoni ga Galileya. A disi goli gu gimbila tigoni ga Judheya, kholu vakhongolo nya Vajudha va di guvbweta gu mu songa.

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

Mithumo 18:4

Khu Sabhadho ni Sabhadho va di hongola nyumbani nya nombelo nya Vajudha. A di dzi garadza khu gu vbweta gukhuye Vajudha ni Vagreki va khodwe.

Mithumo 20:25

“Olu nyi ngu dziti gukheni mwalo na moyo nya enu nyi gimbidego vbakari gwanu nyi tivisa Mufumo wa Nungungulu, a na gu nyi wonago gambe.

Mithumo 28:31

A di tivisa Mufumo wa Nungungulu na tshulegile, a hevbudza mahungu ma ganelago khu Pfhumu Jesu Kristo, nyamba himbedzedwa khu muthu.

Varoma 10:15

A na hongodzisa guwani muthu nya guya va tivisa, a gumba rumedwa? Kha nga gu ganedwago umo nya Milowo nya Guage, gupwani: “Gu ngu tshamba ngudzu gu wona gu vboha ga vale va hi reselago Mahungu nya Yadi.”