Matewu 4:17 - Bhibhiliya Nya Guage

¹⁷ Khavbo avbo, Jesu a di phela gu hevbudza, na gu ganela, khuye: “Vbindrugedzani mavbanyelo, kholu Mufumo wa Ndzadzini womo vbafuvbi.”

Matewu 4:17 Iomraidhean Croise

Matewu 10:7

Gimbilani na mu gu huwelela, khenu: ‘Wufumu wa Ndzadzini womo vbafuvbi.’

Matewu 11:12

Gukhugela matshiguni ya Johane Mubhapatisi kala muhuno, Mufumo wa Ndzadzini wu ngu dwanedwa khu tshivba ni tshivba. Avo va gu ni tshivba va guya gu khu gu wu wandra.

Matewu 13:11

A di va hakha, khuye: “Kholu enu, mu ningidwe guti misihalo nya Mufumo wa Ndzadzini, gasi avo va mwalo giningwa gyogyo.

Matewu 13:24

Jesu a di va ninga gimbe gipimaniso, khuye: “Mufumo wa Ndzadzini wu ngu fanana ni muthu a nga yalago mbewu nya yadi thembweni gwaye.

Matewu 13:47

“Mufumo wa Ndzadzini wu ngu fanana gambe ni dzikhoga dzi theswago matini dzi mola mafumbu yatshavbo nya dzindzandzi.

Matewu 13:9

Uye a gu ni dzindzeve nya guyingise, a napwe!”

Matewu 25:1

“Mufumo wa Ndzadzini wu ngu fanana ni likhumi sagadzyana si nga dzegago dzikandriya dzawe si gu hongola guya khinga mwane.

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Matewu 6:10

Mufumo wago wu nate; Gudzina gwago gu na girege mafuni kha nga Ndzadzini.

Matewu 9:13

Indrani mu ya vbweta guti tshamuselo nya mahungu yaya: ‘Eni nya gu hatha wuhindzi guvbindra mhamba.’ Kholu kha nya tela guta rana va nya ndruda, aholu, sighohi.”

Luka 15:10

Nyi ngu mi embelani, kheni: Kharati nugo, gomo gunengela vbakari nya dzingilozi dza Nungungulu khu kotani nya gighohi gimwegyo basi gi vbindrugedzago mavbanyelo.”

Luka 15:7

Nyi ngu mi embelani, kheni: Gu na manega gunengela nya gukhongolo Ndzadzini khu kotani nya gighohi gimwegyo basi, gi dzi layago guvbindra avo nya livbandre na mana magumi ni livbandre na vana vathu nya ndruda va si vbwetigo gu dzi laya.”

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Luka 3:23

Gikhati a nga phela thumo waye, Jesu a diri ni gipimo nya magumararu myaga. Adiri gyanana gya Josefe kha nga idzo va nga bani va gu pimisa khidzo va nya litigo. Josefe a diri gyanana gya Heli,

Luka 5:32

Eni kha nya tela guta rana avo va nya gululama aholu, nyi tede guta rana sighohi gasi si dzi laye si wuya ndzilani nya lisine.”

Luka 9:2

A di va ruma gu gimbila va tivisa Mufumo wa Nungungulu ni gu hawulugisa vadwali.

Mithumo 11:18

Na va pwide magana yaya va di rula myonyoni gwawe va gu rungudza Nungungulu, khavo: “Khu kharato, gu yeyedza gupwani Nungungulu ningide navo va nya mayigo wuhigo nya gu dzi laye va vbindrugedza mavbanyelo, gasi va mane guvbanya.”

Mithumo 17:30

Wonani, Nungungulu kha theli kota khu gikhati vathu va nga vbanya gidemani, a ngu tivisa olu ga vathu vatshavbo va malangani yatshavbo gu vbindrugedza mavbanyelo.

Mithumo 2:38

Pedro a di va hakha, khuye: “Dzi layeni, moyo ni moyo a bhapatiswa Linani ga Jesu gasi a tsetseledwa sighoho. Khavbovbo mu na hakha giningwa nya Liphuvbo nya Guage.

Mithumo 20:21

Ga Vajudha ni ga va nya mayigo nyi hevbudzide nyamba kanakana kheni gu vbwetega gu vbindrugedza mavbanyelo, va wuya ga Nungungulu ni gu khodwa ga Jesu, Pfhumu yathu.

Mithumo 26:20

Guphela nyi di tshumayela dhoropani ga Dhamasiko, nyi bela Jerusalema ni litigo latshavbo la Judheya nyi vbindrela mayigoni ya vbavbandze. Ga vatshavbo nyi tivisa gukheni gu vbwetega gu vbindrugedza mavbanyelo, va diga sighoho sawe, va wuya ga Nungungulu, va yeyedze gu vbindrugedza gwawe khu mithumo ya yadi.

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;

Vahebheru 6:1

Khu guralo, hongoleni hi dandre hiya mbeli gasi guya manela sihevbulo nya guvbelele, hi gu tshiya hwane dzindrima nya guhegule nya sihevbulo nya wukristo. Ethu kha hi na nga sasamedzela gambe nyaluphye matshina nya sihevbulo sesi, a gu aya: Fanelo nya gudige mithumo nyamba phasa gilo, ni gu khodwa ga Nungungulu;