Matewu 3:11 - Bhibhiliya Nya Guage

¹¹ Eni nya gu mi bhapatisa khu mati, gasi mu vbindrugedze; aholu uye a tago khu hwane gwangu a na ni tshivba gu nyi vbindre; eni nyi mwalo fanelo nya gutshule silato saye. Uye a na mi bhapatisa khu Liphuvbo nya Guage ni nilo.

Matewu 3:11 Iomraidhean Croise

Isaya 4:4

Gikhati Pfhumu a na handzago manyala ya vanyamahegyane va Siyoni ni gu handza novba wu guromo vbakari ga Jerusalema, khu Liphuvbo nya gululame ni Liphuvbo nya agise.

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Matewu 3:6

vaya bhapatiswa khuye tsongoni wa Joridhani, na va gu dawulela sighoho sawe.

Marko 1:4

Khidzo kharati, Johane Mubhapatisi a di manega giwulani a huwelela gubhapatiswa nya gu dzi sodzise gasi gu ditshedzwa sighoho.

Luka 1:17

Igyo gi na rumedwa mbeli nya liendro la Pfhumu khu liphuvbo nya tshivba nya nga ya muprofeti Eliya, gasi a rudzise myonyo ya vavelegi ni sanana sawe, ni gu hevbudza guyingisa sanana nyamba yingisa. Gi na dongisela kharati vathu, gasi va hakha Pfhumu khu ndruda.”

Luka 3:16

Johane a di va embela vatshavbo, khuye: “Khu lisine, eni nya gu mi bhapatisani khu mati, aholu a nguta uye a gu ni tshivba gu nyi vbindra, oyu eni nyi gu mwalo fanelo nya gunoge nyi mu tshula dzingodzi nya silato saye; uye a nata mi bhapatisani khu Liphuvbo nya Guage ni nilo.

Luka 3:3

Johane a di gimbila gimbila tsongoni wa Joridhani na gu hevbudza vathu khuye gu vbwetega gu hakha gubhapatisa nya gu dzi sodzise, gasi gu tsetseledwa sighoho,

Johane 1:15

Johane a di mu fakazela, a gu ganela, khuye: “Khuye oyu nyi nga mu thula, kheni: Uye atago khu hwane gwangu a nyi thangede, kholu a di romo na nyi si velegwi.”

Johane 1:30

Khuye nyi nga mu thula, kheni: “Hwane gwangu a nata uye a nyi thangedego, kholu a di romo eni na nyi si gu velegwi.

Mithumo 1:5

Kholu, Johane bhapatiside khu mati, aholu enu, ndrani nya matshigu madugwana, mu na bhapatiswa khu Liphuvbo nya Guage.”

Mithumo 19:4

Khavbo avbo, Pawulo a di ganela, khuye: “Johane a di bhapatisa khu gubhapatisa nya gu dzisodzise ni gu dzi laya, a embela vathu gu khodwa ga oyu a na tago khu hwane gwaye, a gu Jesu.”

Mithumo 8:36

Na va gimbide va di mana wulanga nya mati, Muetiyopi a di embela Filipi, khuye: “Mati aya. Ginani gi nyi himbedzago gubhapatiswa?”

Mithumo 8:38

Khavbo avbo, a di emisa kareta va gu tshiga va vavili va bela matini, Filipi a bhapatisa Muetiyopi.

1 Vakorinto 12:13

Ethu hatshavbo: Vajudha ni ava va si gu Vajudha, dzikhumbi ni va nya gutshulega, hi bhapatisidwe khu Liphuvbo la limwedo, gasi hi khala givili gimwegyo basi. Ethu hatshavbo hi hakhide Liphuvbo la limwedo.

Vaefeso 3:8

Eni, mahegisela nya sihathwa satshavbo sa Nungungulu, nyi ningidwe wuhigo nya gutivise ga ava va si gu Vajudha gutala nya wufumu wa Kristo;

Tito 3:5

Uye a hi vbanyiside khu kotani nya lihaladzo laye basi, nasiri khu kotani nya mithumo yathu nya yadi. Nungungulu a hi agiside khu tshivba nya Liphuvbo nya Guage; a hi velegide nyaluphye a gu hi ninga guvbanya nya guphya.

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”