Matewu 27:54 - Bhibhiliya Nya Guage

⁵⁴ Muthangeli nya gikwata nya lizana masotshwa, gumogo navo a nga bani a gu ghadha navo Jesu, na va wonide girevareva gile, gumogo niso si nga bani si dugelela, va di tala khu hwanga, va ganela, khavo: “Khu lisine oyu a diri Gyanana gya Nungungulu!”

Matewu 27:54 Iomraidhean Croise

Matewu 26:63

Aholu Jesu a di hodza gikhukhu a degula. Khavbo avbo, Muphasi nya Khongolo a di mu embela, khuye: “Nyi ngu gu ruma khu lina la Nungungulu a vbanyago: Nga nyi embela: Ina kamwe uwe khuwe Kristo, Mwamana wa Nungungulu, gani?”

Matewu 27:36

Va di khala vbale va mu ghadha.

Matewu 27:40

“Ah! Nga tshiga, na! Uwe u dzi kodzago gu khungumula Nyumba ya Nungungulu, u yi vbahedza khu matshigu mararu! Nga dzi vbanyisa, u tshiga khu vbagihambanotunu vbovbo, wa gu bani uri gyanana gya Nungungulu!”

Matewu 27:43

Tumbide Nungungulu; a na vbulugiswe khuye a gu bani a mu gola, kholu ganede, khuye: ‘Eni nyi gyanana gya Nungungulu!’ ”

Matewu 27:51

Khavbo avbo, mwendra nya makhuvi nya Nyumba ya Nungungulu wu di pferuga khu vbakari gukhugela vbatshani kala vbavbatshi; gi di manega girevareva, si gu pandrega siwindri;

Matewu 4:3

Khavbo avbo, mulingi a di ta, khuye: “Wa gu bani uri Mwamana wa Nungungulu, ruma siwindri sesi si vbindrugedze si khala guhodza.”

Matewu 8:5

Na gu bela Khafarinawume, a di tedwa khu muthangeli moyo nya gikwata nya lizana masotshwa, a ngata mu lombago, khuye:

Marko 15:39

Ndruna nya tsawa nya lizana masotshwa yi nga bani yi romo vbafuvbi, na yi wone mafelo yaye, yi di, khiyo: “Khu lisine, oyu mwama a diri Mwamana wa Nungungulu!”

Luka 22:70

Vatshavbo va di mu wudzisa, khavo: “Sa gu yeyedza gupwani uwe u Mwamana wa Nungungulu, gani?” A di va hakha, khuye: “Mu ngu ganela, khenu kheni.”

Johane 19:7

Vajudha va di mu hakha, khavo: “Ethu hi na ni nayo. Khu guruma nya nayo yoyu, a ngu yela gufa, kholu a dzi giride Mwamana wa Nungungulu!”

Mithumo 10:1

Sezareya a di gu vbanya mwama moyo nya gupwani khu Korineliyo, a diri muthangeli nya gikwata nya lizana masotshwa, ma nga bani ma gu ranwa pwani “Vaitaliya.”

Mithumo 2:37

Na va pwide magana yaya va di garadzega myonyoni gwawe, va wudzisa Pedro ni vambe vapostoli, khavo: “Vandruye, ginani hi fanelago gu gira?”

Mithumo 21:32

Nyamba hwela a di tshanganisa masotshwa ni vathangeli nya dzinyimbi va vbiredza gu hongola avbo gi nga bani gi tombanide gidzemo. Na va wone muthangeli ni masotshwa yaye, va di hegisa gu veta Pawulo.

Mithumo 23:17

Pawulo a di rana moyo nya muthangeli nya nyimbi a mu embela, khuye: “Dzega gikhwathana gegi, indra nagyo ga ndruna, momo mahungu gi vbwetago guya mu embela.”

Mithumo 23:23

Na ranide vathangeli vavili nya nyimbi a di va embela, khuye: “Dongiselani vbakari nya wutshigu, mazana mavili masotshwa, livbandre na mavili magumi va nya dzikavalu ni mazana mavili va nya matshari, mu hongola Sezareya.

Mithumo 27:1

Gikhati va nga vbweta gu hi khiledza hi hongola Italiya, va di ningela Pawulo ni simbe sibotshwa ga muthangeli nya gikwata nya lizana masotshwa, nya gupwani khu Juliyo, nya gikwata gi ranwago “Tsawa wa Sezari”

Mithumo 27:43

Aholu muthangeli, a nga bani ari ni makungo nya guvbanyise Pawulo, gima kha va dzumedzisa. A di ruma gukhuye vatshavbo va nga bani va gu kodza gu hambela va phela khavo gu ndragela matini, va zama gu vboha funguni khu mayaka gasi gu dzi vbanyisa.

Varoma 1:4

Khu tshivba nya Liphuvbo nya Guage, Jesu Kristo Pfhumu yathu wonegisidwe gupwani Mwamana wa Nungungulu nya Tshivba Yatshavbo, khu guwuga gwaye khu ga vafudego

Gutuledwa 11:13

Gikhati gyogyo, gu di dugelela girevareva nya gikhongolo. Gipandre nya likhumi nya lidhoropa gi di pfhungumudwa. Livbandre na mavili magumi mazana (7.000) nya vathu va fude khu girevareva gyogyo. Ava va nga vbulugago va di tala khu rerema va gu dhumisa Nungungulu wa ndzadzini.