Matewu 27:51 - Bhibhiliya Nya Guage

⁵¹ Khavbo avbo, mwendra nya makhuvi nya Nyumba ya Nungungulu wu di pferuga khu vbakari gukhugela vbatshani kala vbavbatshi; gi di manega girevareva, si gu pandrega siwindri;

Matewu 27:51 Iomraidhean Croise

2 Dzikoronika 3:14

A di gira gambe mwendra nya guvbevbuge nya livala nya nga la damboni, ni giwunguwungu, mwendra nya gukwalale, ni mwendra nya wumburi nya seda, a mburisa makhuvi yoyo khu gu lova dzikerubhimi vbatshani gakone.

Dzindzimo 18:15

Khavbo avbo, gu di wonega gueta nya yiphwa, gu fuguga matshina nya litigo khu kotani nya gudzume gwago Pfhumu Nungungulu, ni phuvbo yi nga furugedza khu dzithonvuni gwago.

Dzindzimo 18:7

Litigo li di thuruga li ndrendremela, matshina nya sigomo ma di kutsungwa khu kotani nya likhulo laye.

Ekisodha 40:21

Va di rwala ngasa va gu yi bedza wulangani nya guage, va vbayega myendra nya makhuvi, gasi gu bhiya Ngasa nya Gidzumeledzwano kha nga idzo Pfhumu Nungungulu a nga mu leletelago khidzo Mosi.

Isaya 25:7

Pfhumu Nungungulu a na pferula gigomoni momu mwendra nya gilendra, wu fenengedzago vathu nya mayigo yatshavbo ni mwendra wu fenengedzago mafumbo yatshavbo nya mayigo.

Levhi 16:2

Pfhumu Nungungulu a di embela Mosi, khuye: “Tivisa ndriyago Aroni gukhuwe, kha dzi kodzi gubela nya mubele wulangani nya guage, ndrani nya mwendra nya makhuvi, mbeli nya gikhalo nya ditshedzo gi guromo vbatshani nya Ngasa nya Gidzumeledzwano, gasi a sifi, kholu Eni nyi na wonega lipfhini vbatshani nya gikhalo nya ditshedzo.”

Levhi 21:23

Aholu a nga tsemakanyi mwendra nya makhuvi, gambe a nga hidzimeli vbagiluvelotunu, gasi a si nyenyezisi wulanga wangu nya guage khu guhasa gwaye, kholu Eni kheni Pfhumu Nungungulu nyi va agisago.”

Habhakuka 3:10

Sigomo si di gu wona, si ndrendremela, mati ma di goga ma relela khu gigaha gu pwala lito laye guetani; a khusedza mavimbi yaye.

Habhakuka 3:13

U dugide gasi gu ya vbanyisa vathu vago, guya vbanyisa uye u nga mu todza khu mafura, u pfhungumula nyumba ya muthu nya guvivbedwe khu monyo, u khungumula nyumba kala ni giseketelo gyaye.

Mitengo 4:5

Gikhati li khugago lizumbo, a nata Aroni ni sanana saye va ta dusa myendra nya makhuvi va fenengedza khiyo Ngasa nya Wufakazi;

Matewu 27:54

Muthangeli nya gikwata nya lizana masotshwa, gumogo navo a nga bani a gu ghadha navo Jesu, na va wonide girevareva gile, gumogo niso si nga bani si dugelela, va di tala khu hwanga, va ganela, khavo: “Khu lisine oyu a diri Gyanana gya Nungungulu!”

Matewu 28:2

Avbovbo, khu githugedza, gu di manega girevareva, kholu ngilozi ya Pfhumu, yi di tshiga khu Ndzadzini yita liginya giwindri, yi khala khu vbatshani gakone.

Marko 15:38

Mwendra nya makhuvi nya Nyumba ya Nungungulu wu di pferuga khu vbakari ni vbakari, gukhugela vbatshani kala vbavbatshi.

Luka 23:45

Mwendra nya makhuvi nya Nyumba ya Nungungulu wu di pferuga khu vbakari.

Luka 23:47

Muthangeli nya lizana masotshwa a nga bani a romo vbale, na wonide iso si nga bani si dugelela, a di dhumisa Nungungulu, khuye: “Khu lisine oyu a diri muthu nya gululame!”

Vahebheru 6:19

Gutumba gogu hi nago kha nga giwindri nya gutiye ni gulemela, nya gurikise guvbanya gwathu gu bela kala ndzadzini, vbagikhalotunu nya wufumu wa Nungungulu.

Vahebheru 9:3

Aholu makhuvini nya wuvili, wu diromo wulanga nya miphaso wu ranwago pwani “Wulanga nya Guage Ngudzu.”

Gutuledwa 11:13

Gikhati gyogyo, gu di dugelela girevareva nya gikhongolo. Gipandre nya likhumi nya lidhoropa gi di pfhungumudwa. Livbandre na mavili magumi mazana (7.000) nya vathu va fude khu girevareva gyogyo. Ava va nga vbulugago va di tala khu rerema va gu dhumisa Nungungulu wa ndzadzini.

Gutuledwa 11:19

Khavbo avbo, Nyumba ya Nungungulu a guromo ndzadzini yi di tudwa, yi gu wonega Ngasa nya Gidzumeledzwano ndrani nya Nyumba ya Nungungulu, khu gikhati gyogyo, gu di lasa, gu pwala malito ni gu pandra mabara, gu duga girevareva, ni maralala.