Matewu 27:50 - Bhibhiliya Nya Guage

⁵⁰ Na wombide gimima, a difa.

Matewu 27:50 Iomraidhean Croise

Dhaniyeli 9:26

Khu hwane nya livbandre na limwedo magumi dzisemana, Gihathwa gya Pfhumu, gi na songwa, kha gu na manega uye nya gu mu emele. Lidhoropa ni nyumba nya miphaso, si na khungumudwa khu dzinyimbi dza mufumeli a na gutago. Mahegiso gwaye gu na gira nga ndrambi yi resago nyimbi ni gu sasela nya gupfhungumule kala mahegiso; si vegisidwe kharato.

Matewu 20:28

Kholu Mwamana wa Muthu nuye kha tela guta thumedwa, aholu guta thumela ni gu ningela womi waye gasi gu dzegisa va nya gutala.”

Matewu 27:49

Aholu vambe va di khavo: “Mu digeni, ha guvbweta gu wona mwendro Eliya a nata mu vbanyisa!”

Marko 15:37

Khavbo avbo, Jesu, a di womba huwa nya yikhongolo, a gufa.

Luka 23:46

Jesu a di khusedza lito khu tshivba ni tshivba, khuye: “Baba, mandzani gwago nyi ngu ningela hefemulo wangu.” Na ganede esi, a difa.

Johane 10:11

“Eni nyi muhavisi nya wadi. Muhavisi nya wadi a ngu ningela womi khu gufela dzinvuta dzaye.

Johane 10:15

Kha nga olu Babe a nyitigo, eni neni nyi ngu muti Babe wangu; gambe nyi ngu ningela womi khu gufela dzinvuta dzangu.

Johane 19:29

Gi diromo vbale gikanvwana nya gutale khu ginageri. Va di tshomega wuluva vbatshavatunu, va wu nega umo nya ginageri, va mu lisa.

Johane 19:30

Jesu, na munyide ginageri, a di khuye: “Satshavbo si tadzisegide.” Khavbo avbo, a di nogisa thamo, a gufa.

Vahebheru 2:14

Sanana a si thulago khu vathu nya givili ni novba. Jesu a dzi giride idzosaye ni avo afela gu pala, khu gufa gwaye, Sathane a nga bani ari ni tshivba nya gusonge.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.

Vahebheru 9:14

A gu bani ari guralo, nga pimisani edzi novba wa Kristo wu gu wukhongolo khidzo! Uye, khu tshivba nya Liphuvbo nya gupindruge, a dzi ningede ga Nungungulu kha nga mhamba yi vbeledego. Novba waye wa gu hi handza khu ndrani, wu dusa mithumo yathu nya gufe. Gasi hi kodza gu thumela Nungungulu a vbanyago.