Matewu 27:4 - Bhibhiliya Nya Guage

⁴ “Nyi ghohide khu gu ningela muthu nyambana nandru.” Aholu avo va di khavo: “Wa guvbweta gukhuwe hi rini? Ahati uwe mune.”

Matewu 27:4 Iomraidhean Croise

1 Dzipfhumu 21:27

Avbo Akabi, a ngapwago magana yaya, a di pferula ngandzu yaye a ambala saku a hala; a di lala vbasakutunu a vbisega ni guvbela tshivba.

2 Dzipfhumu 24:4

gumogo gambe khu kotani nya novba a wu vbaladzidego nyambana nandru, a tadza Jerusalema gwatshavbo khu novba nyambana nandru; khu guralo, Pfhumu Nungungulu, kha dzumela gu mu tsetselela.

Joba 13:4

Kholu enu mu valugi nya malipha, enu mwatshavbo mu dzinyanga nyamba phasa gilo!

Joba 16:2

“Gale na nyi pwide magana nya nga aya mu nyi embelago; aholu enu mwatshavbo kha muri vatangadzisi va gilo.

Dzindzimo 94:21

Avo va gu luga gikungo nya guwugele muthu nya gululame va kona wule a gu mwalo nandru.

Ekisodha 12:31

Khu guralo, na gu ngari wutshigu, Faro a di rana Mosi ni Aroni a va embela, khuye: “Vbiredzani mu duga vbakari nya vathu vangu, enu ni sanana sa Israyeli; Indrani mu ya khozela Pfhumu Nungungulu kha nga gu lomba gwanu.

Ekisodha 9:27

Khavbo avbo, Faro a di ruma gu ya rana Mosi ni Aroni, a ta va embela, khuye: “Olu nyi ghohide; Pfhumu Nungungulu lulamide; aholu eni ni vathu vangu hi sighohi.

Mavingu 12:8

Muthu a gu zundzwa khu kotani nya guti gwaye, aholu muthu nya guvivbedwe khu monyo, va na hembuludwa.

Jeremiya 26:15

Gambe dzitini gwadi nya gukhenu, mwa gu nyi songa, mu na bani mu vbaladzide novba wu gu mwalo nandru vbatshani gwanu, vbatshani nya lidhoropa leli ni vbatshani nya vavbanyi vaye; kholu Pfhumu Nungungulu a nyi rumede guta mi pwadzelani dzindzeveni gwanu yatshavbo magana yaya.

Jona 1:14

Avo va di lila ga Pfhumu Nungungulu, khavo: “Pfhumu Nungungulu, hi ngu gu lomba! U nga hi digi hifa khu gu dusa hefemulo wa mwama yoyu, hi nga thegedwi khu libango khu kotani nya gusonge muthu nyambana nandru, uwe Pfhumu Nungungulu u giride iso u nga bani u si vbweta.”

Matewu 27:19

Na khade phathani, a lamula, pfhumugadzi yaye yi di mu rumela lito, khiyo: “U nga dzi bedzi mahunguni ya muthu yoyo a lulamidego, kholu vbasilambo nyi sanisekide ngudzu khu dzindroro; khu kotani gwaye.”

Matewu 27:54

Muthangeli nya gikwata nya lizana masotshwa, gumogo navo a nga bani a gu ghadha navo Jesu, na va wonide girevareva gile, gumogo niso si nga bani si dugelela, va di tala khu hwanga, va ganela, khavo: “Khu lisine oyu a diri Gyanana gya Nungungulu!”

Luka 23:22

Pilato a di va wudzisa nya wuraru, khuye: “Gighoho muni a gu nagyo? Gi mwalo nyi gi manidego gwaye gi lombago gu a songwe. Khu kharato, nyi na mu tsayisa, nyi mu diga a hongola.”

Luka 23:41

Nari nya nga ethu, ha gu tshanisekela gilo nya gu giti kholu ha gu hakha tsayiso nya mithumo yathu. Gasi uye gi mwalo gighoho a giridego.”

Luka 23:47

Muthangeli nya lizana masotshwa a nga bani a romo vbale, na wonide iso si nga bani si dugelela, a di dhumisa Nungungulu, khuye: “Khu lisine oyu a diri muthu nya gululame!”

Johane 19:7

Vajudha va di mu hakha, khavo: “Ethu hi na ni nayo. Khu guruma nya nayo yoyu, a ngu yela gufa, kholu a dzi giride Mwamana wa Nungungulu!”

Mithumo 13:28

Ambari va nga hamuga nandru nya gu mu songe va di lomba ga Pilato a mu songa.

Varoma 3:19

Ethu hi ngu dziti nya gukhethu satshavbo esi si rumwago khu Nayo sa gu lumba basi avo va fumedwago khu nayo yoyo, gasi gu degudza magana yatshavbo, ni gu litigo latshavbo li dzipwe liri ni nandru mbeli gwa Nungungulu.

1 Thimoti 4:2

Va na landrisela ava va hevbudzago malipha khavo lisine, ava mapimo yawe ma fudego.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.

1 Pedro 1:19

Aholu, enu mu dzegisidwe khu Novba nya lisima wa Kristo, a gu uye Nvutana nyamba hasa, nyambana mavalavala.

1 Johane 3:12

Hi nga giri kha nga Kayimi a nga bani a gu lumba Sathane a songa ndriyaye. A di mu songa khu kotani nya ginani? Kholu mithumo a nga bani a gira Kayimi yi di vivbide, gasi eyi ya ndriyaye yi diri yadi.

Gutuledwa 11:10

Vathu va tigoni va na nengedziswa khu gufa nya dzifakazi dzedzi dza dzimbili. Va na ghiya bwelo khavbo va rumelana siningwa nya malosedzela, kholu vaprofeti vava va vavili va di gu va pwisisa wuvi.

1 Samuweli 15:24

Khavbo avbo, Sawule a di embela Samuweli, khuye: “Nyi ghohide kholu nyi nga ndragago nayo wa Pfhumu Nungungulu, ni magana yago; Kholu nyi di thava masotshwa nyi yingisa magana yawe.

1 Samuweli 15:30

Sawule a di hakha, khuye: “Nyi ghohide; nyi ngu lomba u nyi zundza, vbakari nya vasingalagadzi nya vathu vangu ni mbeli ga va na Israyeli; bwelela gumogo ni eni, gasi hi ya khozela Pfhumu Nungungulu wago.”

1 Samuweli 19:5

Kha nga thava gufa, a di sasela Vafilisitiya, Pfhumu Nungungulu a tshudzisa va na Israyeli vatshavbo; uwe kamwe u si wone bwelo khavbo u nengela khiso; olu khu ginani u vbwetago gu ghoha khu gu vbaladza novba nyambana nandru, khu gu songa Dhavhidhe vbavbandze nya gighoho.