Matewu 27:19 - Bhibhiliya Nya Guage

¹⁹ Na khade phathani, a lamula, pfhumugadzi yaye yi di mu rumela lito, khiyo: “U nga dzi bedzi mahunguni ya muthu yoyo a lulamidego, kholu vbasilambo nyi sanisekide ngudzu khu dzindroro; khu kotani gwaye.”

Matewu 27:19 Iomraidhean Croise

Genesi 31:11

Ngilozi ya Pfhumu Nungungulu yi di nyi tivisa khu ndroroni, khiyo: “Jakobe!” Eni nyi di thana, kheni: “Nyi womo avba.”

Genesi 31:24

Aholu ni wutshigu Nungungulu a di endrela Laboni khu ndroroni a mu embela, khuye: “Dzi wonele, u nga wudzisi gilo Jakobe, ne khu gwadi ne khu guvivba.”

Genesi 31:29

Eni nyi na ni tshivba nya gu mi gireleni guvivba khu mandza yangu; aholu Nungungulu wa babe wago a ganede gwangu wutshigu wowu, khuye: “U nga wudzisi ga Jakobe, gani khu gwadi, gani khu guvivba.

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Mitengo 12:6

A va embela, khuye: “Olu yingisani magana yangu; vbakari gwanu a gu bani na romo muprofeti, Eni Pfhumu Nungungulu, nyi na dzi wonegisa gwaye khu giwoniso, nyi ganela naye khu ndroro.

Matewu 1:20

Na nga gu vinga mano yakone, a di tumbulugedwa khu ngilozi ya Pfhumu khu ndroroni, yita, khiyo: “Josefe, mwamana wa Dhavhidhe, u nga kanakani gu hakha Mariya, mwangadzi wago, kholu mimba a gu nayo khya Liphuvbo nya Guage.

Matewu 2:19

Khavbo avbo, na fude Herodhi, ngilozi ya Pfhumu yi di tumbulugela Josefe khu ndroroni, tigoni ga Egipito, khiyo:

Matewu 2:22

Aholu, na pwide nya gupwani khu Arkelawo a nga tshikedzago wulanga wa babe waye kha nga mufumeli wa Judheya, a di khala hwanga gu hongola Judheya. Na layidwe khu Nungungulu khu ndroro, a di hongola tigoni ga Galileya.

Matewu 27:18

A di gu dziti nya gukhuye va di mu ningela khu kotani nya lidiwo.

Matewu 27:24

Pilato, na wonide khuye kha gu phasi gilo gu ganedzisana navo, bwelo khavbo, na wonide khuye ligwaha li diya na li engedzelana, a di ranisa mati, a gu hamba mandza mahoni nya gidzemo gyatshavbo, na gukhuye: “Nyi mwalo nandru vbalufutunu nya muthu yoyu nya ndruda! Ahati enu vamune.”

Matewu 27:4

“Nyi ghohide khu gu ningela muthu nyambana nandru.” Aholu avo va di khavo: “Wa guvbweta gukhuwe hi rini? Ahati uwe mune.”

Luka 23:41

Nari nya nga ethu, ha gu tshanisekela gilo nya gu giti kholu ha gu hakha tsayiso nya mithumo yathu. Gasi uye gi mwalo gighoho a giridego.”

Luka 23:47

Muthangeli nya lizana masotshwa a nga bani a romo vbale, na wonide iso si nga bani si dugelela, a di dhumisa Nungungulu, khuye: “Khu lisine oyu a diri muthu nya gululame!”

Johane 19:13

Na pwide magana yaya, Pilato a di dusa Jesu vbavbandze; gasi uye a di tshala nyumbani, a gu khala vbawulangatunu wu ranwago khu Gihebheru pwani “Gabata,” gutshamusago pwani giwindri.

Mithumo 12:21

Khu litshigu va nga bani va li vegiside, Herodhi a di ambala dzingandzu dzaye nya wufumu a gu khala vbagikhalotunu nya gulamule, a gu ganela vbakari gwawe.

Mithumo 18:12

Galiyo, nari mwamangulu wa Akaya, Vajudha va di pwanana va wugela Pawulo va mu yisa phathani,

Mithumo 18:16

A di va tutumisa phathani.

Mithumo 18:17

Khavbo avbo, vatshavbo va di wugela Sostene, muthangeli nya nyumba nya nombelo, va mu veta vbafuvbi ni phathani Aholu, Galiyo kha nga si thela kota.

Mithumo 25:10

Pawulo a di hakha, khuye: “Eni nyi womo phathani ga mufumeli wa Roma. Khavbo avba nyi gu na ni fanelo nya gulamuledwe avbo. Kha nya wusa nandru ga Vajudha kha nga u dzitigo gwadi.

Mithumo 25:17

Na va dzude eno, nyi di vindrugela gu khala phathani nya mahungu, nyi gu ranisa mwama yoyo.

Mithumo 25:6

Festo a di khala Jerusalema gipimo nya livbandre na mararu mwendro likhumi matshigu. Khavbo avbo, a di bwelela Sezareya. Khu mindru gakone a diya khala phathani vbagikhalotunu nya gulamule, a ranisa Pawulo.

1 Pedro 2:22

Uye gima kha gira giwono, gambe mwalo a mu pwidego na gu ganela guvivba khu kanani gwaye.

1 Johane 2:1

Vanavangu, nya gu mi lovelani esi, gasi mu si giri gighoho. Aholu muthu a gu ghoha, hi na ni muemeli mbeli ga Babe: Khu Jesu Kristo, a gu mwalo gihoso.