Matewu 27:1 - Bhibhiliya Nya Guage

¹ Na gugide, vaphasi vatshavbo nya vakhongolo ni madhota va di gira tshangano nya guvbwete lipindru nya gusonge Jesu.

Matewu 27:1 Iomraidhean Croise

Dzindzimo 2:2

Vafumeli nya litigo va wugide, manganagana ma ngu gira gikungo ma wugela Pfhumu Nungungulu ni gihathwa gyaye, khavo:

Dzindzimo 31:13

Nya gupwa milembo nya vathu nya vangi; nyi tala khu hwanga. Avo va gu tshangana va nyi lemba, va gu luga mano nya gu nyi songe.

Dzindzimo 71:10

Kholu valala vangu va gu ganela guvivba khu eni; vale va vbwetago gu nyi songa va gu tshangana va luga gikungo,

Mikeya 2:1

Libango, ga vale va na gu bani va lade malawuni gwawe, va luga makungo nya wuvivbi, gikhati gugyago va tadzisa esi va hungidego, kholu somo tshivbani nya mandza yawe.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Marko 15:1

Na gu ngari dzimindru, vakhongolo nya vaphasi nya mhamba va di gira tshangano ni madhota ni vahevbudzi nya Nayo, ni Huwo yatshavbo, va hunga Jesu va hongola naye ga Pilato.

Luka 13:1

Khu gikhati gyogyo, va di vboha vathu nya gukari va ngata tivisa Jesu, khu mahungu ya Pilato a nga rumela gu songa Vagalileya a nga va manago na va gu paya sirengo nya miphaso, wu patwa kharato novba wawe nuwo nya sirengo nya mhamba.

Luka 22:66

Na gugide, wu di girwa tshangano nya madhota, vakhongolo nya vaphasi nya mhamba, ni vahevbudzi nya Nayo. Va di dzega Jesu vaya naye phathani gwawe.

Johane 18:28

Khavbo avbo, va di dzega Jesu khu ndrangani ga Khayifasi va gu hongola naye ga mufumeli. Gu di ngari dzimindru dzikhongolo. Avo kha va nga bela nyumbani nya gulamuledwe mahungu, gasi va si dzi loledzisi, vafela gu hodza Phasika.

Mithumo 5:21

Na va pwide silo sesi, va di bela Nyumbani ga Nungungulu ni marandragugya va phela gu hevbudza. Na vbohide Muphasi nya khongolo ni ava a nga bani ari navo, va di ramba madhota ni manganagana yatshavbo ya na Israyeli, va gu rumela guya dzega Vapostoli pasoni, gasi guta va lamula.

Valamuli 16:2

Gu di pwala ndruma ga vavbanyi va Gaza gupwani nya Samisoni vbohide tigoni gwawe. Wutshigu watshavbo va di vega dzighadhi, va di mu randrela khu vbanyangwatunu nya lidhoropa. Wutshigu watshavbo va di mu ghadha nyamba gira ligwaha, na va gukhavo: “Hi na mu khevisela kala gugya, gasi hi mu songa.”

1 Samuweli 19:11

Aholu Sawule a di rumela vathu guya ghadha ndrangani ga Dhavhidhe, gasi a mu songa vbadzimindrutunu; aholu Dhavhidhe, a di embedwa khu mwangadzi waye Mikali, khuye: “Wa gumba thava wutshigu wowu gasi guvbulugisa womi wago, mindru u nafa.”