Matewu 26:58 - Bhibhiliya Nya Guage

⁵⁸ Pedro a di mu landrisela khu hwindzo kala gu vboha ndrangani ga Muphasi nya Khongolo. Na vbohide, a di ya khala avbo si nga bani si khade sithumi, na gufela gu wona mavbelelo nya satshavbo sile.

Matewu 26:58 Iomraidhean Croise

Matewu 26:3

Khavbo avbo, vakhongolo nya vaphasi nya mhamba ni madhota va di gira tshangano ndrangani ga Khayifasi, a nga bani ari uye khongolo nya vaphasi vatshavbo.

Matewu 5:25

“Wa gu hongola ni nala wago pfhumutunu, zama gu mu khongotela na mu ngari ndzilani; a ngaya gu ningela ga mulamuli, mulamuli a gu ningela ga vanyakasane, vanyakasane vaya gu khothela pasoni.

Luka 22:54

Khu vbale, va di dzega Jesu va gu hongola naye ndrangani ga khongolo nya muphasi nya mhamba. Pedro a di gu landra khu hwindzo.

Johane 18:25

Gikhati gyogyo, Simoni Pedro, a di khade vbagikhotunu a wora nilo va mu wudzisa, khavo: “Khandruwe nuwe moyo nya vapizane vaye, gani?” A di danga, khuye: “Khandreni.”

Johane 19:6

Me ni gu mu wona, vathangeli nya vaphasi nya mhamba ni dzindruna va di gulumela, khavo: “A na khokhothedwe! A na khokhothedwe!” Pilato a di engedza gambe, khuye: “Mu dzegeni muya mu khokhothela enu vamune, kholu eni kha nyi mani gihoso gwaye.”

Johane 7:32

Vafarisi va dipwa gu ganedzisana nya gidzemo khu kotani ya Jesu; vakhongolo nya vaphasi nya mhamba ni Vafarisi va di rumela dzindruna gasi guya mu mola.

Johane 7:45

Dzindruna dzi di bwelela ga vakhongolo nya vaphasi nya mhamba ni Vafarisi; khavbo avbo, dzi diya wudziswa pwani: “Khu ginani mu ngamba wuya naye?”

Mithumo 5:22

Aholu, dzindruna na dzi hongode, dzi di ya va hamuga pasoni, dzi wuya dzi ta bika khidzo:

Mithumo 5:26

A di hongola muthangeli nya Nyumba ya Nungungulu ni dzindruna dzaye vaya va dzega nyamba va gurumedza khu tshivba, kholu va di gu thava gu pfarwa khu siwindri khu vathu.