Matewu 26:56 - Bhibhiliya Nya Guage

⁵⁶ Aholu satshavbo sesi sa gu girega, gasi gu tadzisega Milowo ya vaprofeti.” Khavbo avbo, vapizane vatshavbo va di mu tshiya enga, va gu thava.

Matewu 26:56 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Gililo 4:20

Gihathwa gya Pfhumu Nungungulu uye a gu muvbanyisi wathu, modwe a thegela mavbalani gwawe; uye hi nga bani hi ganela gwaye khethu: “Hi na sihala mutsani nya dzimbapi dzaye, vbakari ga va nya mayigo.” Sini

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Dhaniyeli 9:26

Khu hwane nya livbandre na limwedo magumi dzisemana, Gihathwa gya Pfhumu, gi na songwa, kha gu na manega uye nya gu mu emele. Lidhoropa ni nyumba nya miphaso, si na khungumudwa khu dzinyimbi dza mufumeli a na gutago. Mahegiso gwaye gu na gira nga ndrambi yi resago nyimbi ni gu sasela nya gupfhungumule kala mahegiso; si vegisidwe kharato.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Matewu 21:42

Jesu a di va wudzisa, khuye: “Ina mu si hevbulini milowo, yi gu, khiyo: ‘Giwindri gi nga nyenywago khu vavbahi khigyo gi khadego hungo nya gutshanganise, Silo sesi si giridwe khu Pfhumu; siliwugiso mahoni gwathu.’

Matewu 26:24

Khu lisine Mwamana wa Muthu, a na hongola, kha nga idzo yi ganelago khidzo Milowo, aholu libango khya wule a na gu mu ningelago. Dari tshukwana ga muthu yoyo, na sa velegwa!”

Matewu 26:31

Khavbo avbo, Jesu a di va embela, khuye: “Wutshigu wa muhuno mwatshavbo, mu na phalalega mu nyi diga nyenga kholu gu lovidwe, pwani: ‘Nyi na bayisa muhavisi, nyi kodza gu phalalegisa dzinvuta.’

Matewu 26:54

Yi di vbweta gu tadzisega kharini Milowo yi gu khiyo satshavbo gu vbwetega si girege kharati?”

Johane 16:32

Dzitini nya gukhenu gi ngu vboha gikhati, khigyo egi kamwe, mu na guta phalalegiswago, muthu ni muthu a hongola gaya gwaye, mu nyi tshiya nyenga. Aholu khandreni nyenga, kholu Babe a na ni eni.

Mithumo 1:16

“Vandruye, gu di vbwetega gutadzisega umo nya Milowo, satshavbo iso si nga ganedwa khu Liphuvbo nya Guage, khu likana la Dhavhidhe, khu mahungu ya Judha a nga thangelago ava va nga hunga Jesu.

Mithumo 2:23

Mwama yoyu ningedwe khu gu dzina ni sihalo wa Nungungulu, gasi enu mu di mu ningela a khokhothedwa vbagihambanotunu khu mandza nya vathu nyambana nayo, mu mu songa.

2 Thimoti 4:16

Gulamudwani gwangu nya guphele mwalo na moyo a nga nyi emela, vatshavbo va di nyi diga. Nungungulu a na va tsetselele.