Matewu 26:55 - Bhibhiliya Nya Guage

⁵⁵ Khavbo avbo, a di thendregedza a khedza gikwata gile nya vathu, khuye: “Mu di donga matshari ni sighomba gasi guta nyi mola, gukhwatshi nyi mbafa! Matshigu yatshavbo nyi diromo Nyumbani gwa Nungungulu aholu mwalo a nga nyi mola!

Matewu 26:55 Iomraidhean Croise

Matewu 21:23

Avbo Jesu a nga vboha Nyumbani ga Nungungulu, nari vbakari nya guhevbudze a dita randredwa khu vakhongolo nya vaphasi nya mhamba ni madhota vaya, khavo: “Wa gu yi mana hayi tshivba nya gugire esi? Khu mani a nga gu ninga tshivba yoyo?”

Matewu 26:47

Na nga guganela, a di bela moyo nya vale nya likhumi na vavili, nari ni libutho nya likhongolo nya vathu, va nga rumedwago khu vakhongolo nya vaphasi ni madhota, na vari ni matshari ni sighomba.

Marko 10:1

Jesu na khugide khu vbale, a diya tigoni ga Judheya, tshatugo nya tsongo wa Joridhani. Na randredwe nyaluphye khu vathu, a di va hevbudza kha nga giolovedzo gyaye.

Marko 12:35

Jesu a di simama gu hevbudza Nyumbani ga Nungungulu, a di wudzisa, khuye: “Khu ginani vahevbudzi nya Nayo va gukhavo Kristo gyanana gya Dhavhidhe?

Luka 19:47

Jesu a di gu hevbudza matshigu yatshavbo Nyumbani ga Nungungulu. Aholu vakhongolo nya vaphasi nya mhamba ni vahevbudzi nya Nayo ni madhota, va di gu zama ndzila nya gu mu songe;

Luka 20:1

Matshigu yale, Jesu na romo Nyumbani ga Nungungulu a hevbudza vathu ni gu tivisa Mahungu nya Yadi, a di yedwa khu vakhongolo nya vaphasi nya mhamba ni vahevbudzi nya Nayo ni madhota.

Luka 4:20

Khavbo avbo, a di peta libhuku, a li ningela ga githumi gya nyumbani nya nombelo, a gu khala vbavbatshi. Vathu vatshavbo va nga bani varomo nyumbani nya nombelo va di khusa maho va khedza uye.

Johane 7:14

Aholu vbakari nya buzo, Jesu a di hongola Nyumbani ya Nungungulu aya hevbudza.

Johane 7:28

Gasi Jesu, gikhati gyogyo, a di gu hevbudza Nyumbani ya Nungungulu, a di khusa lito, khuye: “Ina, mu ngu nyitini gumogo ni guti umo nyitago khumo! Aholu kha nyata khu gudzina gwangu; uye a nga nyi rumelago, mu si mutigo enu khuye a gu ni lisine.

Johane 8:2

Ni dzimindru dzikhongolo a di manega gambe Nyumbani ya Nungungulu. Vathu vatshavbo va di mu yela. Khavbo avbo, a di khala vbavbatshi a va hevbudza.

Johane 8:20

Jesu a di ganela magana yaya vbamezatunu nya miningelo, na gu hevbudza Nyumbani ya Nungungulu. Aholu, mwalo a nga mu molago, kholu gikhati gyaye gi di si gu vbohi.