Matewu 26:41 - Bhibhiliya Nya Guage

⁴¹ Lirelani na mu gu lombelela, gasi mu si thegeli gusengwani. Hefemulo tade khu tshivba, aholu givili gi mwalo tshivba.”

Matewu 26:41 Iomraidhean Croise

Dzindzimo 119:1

Va kategide vale va gimbilago khu ndzila nya gululame, avo va landrisago milayo ya Pfhumu Nungungulu.

Dzindzimo 119:115

Leyani hwindzo gwangu enu va nya guvivba, gasi nyi sayisa sileletelo sa Nungungulu wangu.

Dzindzimo 119:117

Nyi phase gasi nyi mana guvbanya, nyi na vegisa sileletelo sago gikhati gyatshavbo.

Dzindzimo 119:32

Nyi na dzi garadza khu gu landra ndzila nya milayo yago, kholu yi ngu tadza khu gunengela. He

Matewu 24:42

Khu kharato, khalani na mu dongide, kholu kha mu li ti litshigu yi tago Pfhumu yanu.

Matewu 25:13

Khu kharato, khalani na mu dongide, kholu kha mu liti litshigu ni gikhati a natago khigyo Mwamana wa Muthu.

Matewu 26:38

Khavbo avbo, a di va embela, khuye: “Hefemulo wangu wu tade khu gusaniseka nya lufu; khalani avba gasi gu nyi bangaladza.”

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

Marko 14:38

Lirelani na mu gu lombelela gasi mu si thegi gusengwani. Hefemulo wu tade khu tshivba, aholu givili gi mwalo tshivba.”

Luka 11:4

Hi tsetselele sihoso sathu, kha nga ethu hi tsetselago avo va hi hoselago. U nga hi digi hi thega mu gusengwani.’ ”

Luka 21:36

Khu kharato, khalani na mu dongide, na mu gu lombelela gikhati gyatshavbo, gasi mu mane tshivba nya guvbuluge ga satshavbo si na gu dugelelago, mu kodza guta manwa khu Mwamana wa Muthu na mu nga tsaramide.”

Luka 22:40

Na va vbohide, a di va embela, khuye: “Lombelelani, gasi mu si beli gusengwani.”

Luka 22:46

A di va wudzisa, khuye: “Khu ginani mu lalago? Wugani, mu lombelela, gasi mu si beli gusengwani.”

Luka 8:13

Mbewu yi nga thegela siwindrini, khu vale nya gu, na va pwide Mahungu ya Nungungulu va gu ma hakha khu gunengela. Kha nga ulo va gu mwalo mikhamba, va gu khodwa gikhati gidugwana; aholu sa gu vboha silingo, va gu ma diga.

Varoma 8:3

Nungungulu kodzide gu gira iso Nayo wu nga si tandrega khu gu vbungudwa tshivba khu tumbunugo nya wuthu. Uye konide gighoho ndrani nya tumbunugo nya muthu, khu gu hi rumela Mwanaye, a dzudego khu tumbunugo nya idzosaye ni tumbunugo nya muthu nya gighohi. Kharato Nungungulu pade gighoho.

1 Vakorinto 10:13

Sigaradzo mu si wonago khiso si pimedwego gu padwa khu muthu. Kholu Nungungulu tumbegide, kha na nga dzumedzisa gukhuye mu mane silingo nya guvbindre tshivba yanu. A gu mi rumela gilingo, a na mi tulela gambe dzindzila nya gu gi pale.

1 Vakorinto 16:13

Khendzugani mu tiya gukhodwani, mu gira nga vama, mu dzi ninga tshivba.

1 Vakorinto 9:27

Eni nya gu dwana ni givili gyangu, nyi gi khozisa, gasi nyi si mani givalo nya gugimbile nyi tshumayela vakhwathu, eni mune nyi nyenywa khu Nungungulu.

Vagalatiya 5:24

Ava va gu va Kristo Jesu va khokhothede vbagihambanotunu tumbunugo nya wuthu wawe ni gudogorela gwawe gwatshavbo.

Vaefeso 6:18

Lombelelani gikhati gyatshavbo nyamba garala khu tshivba nya Liphuvbo nya Guage; mu lindrela khu gutimisela ni gutumbega. Lombelelani vakhodwa vatshavbo nya libandla la Nungungulu.

1 Pedro 4:7

Mahegiso nya silo satshavbo gomo vbafuvbi. Gu vbwetega mu gengela, mu dzi wonela, gasi mu kodze gu lombelela.

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.

2 Pedro 2:9

Pfhumu a ngu mati mano nya guvbulugise khayo ava va khodwago gwaye, a ngu kodza gambe gu vega tsayisoni ava nya guvivbedwe khu myonyo, kala litshigu nya gulamudwe.

Gutuledwa 16:15

(Khalani na mu dzi dongisede kholu nyi na vboha kha nga mbafa; kategide wule a lirelago na vegiside dzingandzu dzaye gasi a si gimbili wumbwiri, dzitshoni dzaye dzi gu wonwa khu vathu).

Gutuledwa 3:10

Kha nga ulo u nga landrisago magana nya gutimisele gwangu, eni neni nyi na gu vhikela gikhati litigo latshavbo li na lingwago gasi gu wona khu mani a tiyidego mafuni.