Matewu 26:29 - Bhibhiliya Nya Guage

²⁹ Nyi ngu mi embelani, kheni: Gukhugela olu, kha nyi na sela gambe wadwa nya dziuvha kala litshigu nyi na wu selago nanu nyaluphye mufumoni wa Babe wangu.”

Matewu 26:29 Iomraidhean Croise

Dzindzimo 104:15

Mafu ma ngu ninga vbinyu yi tsakisago myonyoni nya vathu, mafura ma nyelugisago dzikhovbe, ni guhodza gu wusedzago tshivba.

Dzindzimo 4:7

U thede gutsaka nya gungi monyoni gwangu guvbindra avo va gu nago; va fumago sivbila ni vbinyu.

Dzindzimo 40:3

Vegide kanani gwangu ndzimo nya yiphya, ndzimo nya gurungudze Nungungulu wathu; nya vangi va na si wona silo soso, va na thava ni gu tumba Pfhumu Nungungulu.

Gizimba 5:1

Mwama —Nyi bede thembweni gwangu, ndriyangu ni khundzwa yangu, nyi havela misimbo nya mafura yangu nya gunungele, nyi hodza gipapu gyangu nya wulombe, nyi sela vbinyu gumogo ni mahwe yangu. Dzipari dzangu, selani mu kodwa enu dzipari dzangu.

Isaya 25:6

Gigomoni momu, Pfhumu Nungungulu nya Tshivba Yatshavbo, a na dongisela buzo nya khongolo ga vathu vatshavbo va tigoni, buzo nya nyama nya gunone, ni vbinyu nya gutshambe gwadi, guhodza nya mafura nya guphudwe gwadi, vbinyu nya guvave nya gutshambe gwadi.

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Sofoniya 3:17

Pfhumu Nungungulu wago, womo vbakari gwago, kha nga muvbanyisi nya tshivba; Uye a ngu nengela khu gutsaka khu kotani gwago, khu lihaladzo laye, a na gu wusedza u khala muphya, khu kotani yago, uye a na hana ni guwomba mikulungwane nya litsako.

Zakariya 9:17

Kholu wudhumo wawe wu na bani wuri wukhongolo ngudzu! Ni gumbura gwawe gu na bani guri gukhongolo ngudzu! Tirigu ni wuuvha nya dosi si na dandrisa madzaha ni dzimbiri.

Matewu 13:43

Gasi va nya ndruda va na ngangamela kha nga lidambo, mufumoni wa Babe wawe. Uye a gu ni dzindzeve a na yingise.

Matewu 16:28

Khu lisine nyi ngu mi embelani nya gukheni: Vomo hi gu navo avba va na gumba linga lufu, kala va gu wona Mwamana wa Muthu na guta ni mufumo waye.”

Matewu 18:20

Kholu avbo va manegago vavili mwendro vararu na va tshanganide, khu lina langu, eni nyi na bani nyi romo vbakari gwawe.”

Matewu 25:34

Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu.

Matewu 26:28

Kholu owu novba wangu, novba nya gidzumeledzwano giphya wu na vbaladzedwago va nya gutala, gasi gutsetseledwa sighoho.

Matewu 26:30

Na va embidelede nombelo nya ndzimo, va di duga va gu hongola gigomoni nya Miolivha.

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Marko 14:25

Khu lisine nyi ngu mi embelani gukheni gima kha nyi na nga sela gambe nanu wadwa nya dziuvha, kala litshigu lile nyi na gu wu selago nyaluphye Mufumoni wa Ndzadzini.”

Luka 12:32

Jesu a di engedza, khuye: “Mu nga thavi, tshambi dugwana, kholu Babe wanu dzinide gu mi ninga mufumo waye.

Luka 15:32

Aholu hi na ni fanelo nya gugire buzo, hi tsaka, kholu ndriyago a di fude, olu a ngu vbanya; a di dzimede, olu manegide.’ ”

Johane 15:11

“Nya gu mi embela esi, gasi litsako langu li khale gwanu, ni gunengela gwanu gu tadzisege.

Johane 16:22

Gunene, olu mu na ni wusiwana, aholu eni nyi nata mi wonani nyaluphye; gikhati gyogyo myonyo yanu yi na tala khu gunengela. Mwalo a na mi dzegelago gunengela gwanu.

Johane 17:13

Olu nyi nguta iyo gwago; aholu nyi ngu ganela esi na nyi nga romo mafuni, gasi avo va mane navo gutsaka nya guvbelele nyi gu nago.

Mithumo 10:41

Nasiri ga vathu vatshavbo, aholu ga dzifakazi dzile Nungungulu a nga bani a dzi hathide khu gale, a gu ethu hi nga hodzago ni gu sela naye, hwane nya gu bani a wugide khu ga vafudego.

Vahebheru 12:2

Hi na simame gu khusa maho hi khedzisa Jesu, kholu, khuye guphela ni guhegisa nya gukhodwa gwathu. Uye gima kha vbela tshivba khu gu rwala gihambano. Aholu, khu gutsaka a nga tumbiswago, kha thela kota khu dzitshoni nya gufe vbagihambanotunu. Ni olu, khade khu nyamudye nya gikhalo nya wufumu wa Nungungulu.

Gutuledwa 14:3

Va di gu embelela ndzimo nya yiphya mbeli nya gikhalo nya wufumu, mahoni nya sivangwa sa sina nya guvbanye ni manganagana. Mwalo mumbe a kodzago gu yi hevbula ndzimo yile, vbavbandze nya vale nya lizana ni magumana na mana magumi mazana (144.000) nya vathu va nga dzegiswago vbakari nya litigo.

Gutuledwa 7:17

Kholu Nvutana yi guromo vbagikhalotunu nya wufumu khiyo yi va havisago, yi va yisa namboni nya mati nya womi. Nungungulu a na va bavbula marongo yawe yatshavbo.”