Matewu 26:26 - Bhibhiliya Nya Guage

²⁶ Vbakari nya gilalelo, Jesu a di dzega gibaba, na gi kategiside, a di gi kabanisa, a gi ningela ga vapizane vaye, khuye: “Dzegani mu hodza. Egi givili gyangu.”

Matewu 26:26 Iomraidhean Croise

Matewu 14:19

Hwane nya gu bani a rumide gidzemo gu khala vbavbatshi, avbo wu nga bani wu romo mwasi, a di dzega sibaba sile nya livbandre ni dzindzandzi dzimbili, a gu khusedza maho, a si kategisa; a di pilela sibaba a gu si ningela ga vapizane, avo va si kabanisela gidzemo.

Matewu 26:27

Khavbo avbo, a di dzega gikombe, na gi kategiside, a di gi ningela ga vapizane vaye, khuye: “Selani, mu tshiyelana mwatshavbo.

Marko 6:41

Na dzegide sibaba sile nya livbandre ni dzindzandzi dza dzimbili, a di khusa maho a khedza vbatshani Ndzadzini, a kategisa, a pila sibaba a si ningela ga vapizane vaye gasi gu kabanisela vathu. A di kabanisela gambe vatshavbo dzindzandzi dza dzimbili.

Luka 22:17

Na dzegide gikombe, a di bonga, khuye: “Dzegani, mu tshiyelana mwatshavbo.

Luka 24:30

Na khade vbamezatunu, a di dzega gibaba, a gi kategisa, a gi kabanisa, a va ninga.

Mithumo 2:46

Khu litshigu ni litshigu va di hengela monyo moyo, va hongola Nyumbani ga Nungungulu, va kabana gibaba, va hodza guhodza gwawe khu gutsaka ni gu nengela, myonyo yawe na yi tangade.

Mithumo 20:7

Khu litshigu nya Sabhadho hi di tshangana gasi gu hodza dangamwedo gilalelo. Pawulo a nga bani a gu dongisela gu khuga khu mindru gakone, a di ganela ga vakhodwa, a laphisa tshumayelo kala vbakari nya wutshigu.

1 Vakorinto 10:4

va gu sela gambe mati ya mamowo nya liphuvbo ma nga pfhurugago khu mugiwindrini nya Liphuvbo gi nga bani gi gu va bangaladza, giwindri gyogyo khu Kristo.