Matewu 26:24 - Bhibhiliya Nya Guage

²⁴ Khu lisine Mwamana wa Muthu, a na hongola, kha nga idzo yi ganelago khidzo Milowo, aholu libango khya wule a na gu mu ningelago. Dari tshukwana ga muthu yoyo, na sa velegwa!”

Matewu 26:24 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Dzindzimo 55:15

Va na pfinywe khu lufu, va relela phalani nya vafi va nga gu vbanya, kholu va gu fumbela guvivba myonyoni gwawe.

Dzindzimo 55:23

Aholu uwe Nungungulu u ngu va gira va relela phalani nya guete; avo vathu nya sighevenga ni wukanganyisi, kha va na vbohisa vbakari nya matshigu yawe nya guvbanye; aholu eni nya gu tumba uwe!

Dhaniyeli 9:26

Khu hwane nya livbandre na limwedo magumi dzisemana, Gihathwa gya Pfhumu, gi na songwa, kha gu na manega uye nya gu mu emele. Lidhoropa ni nyumba nya miphaso, si na khungumudwa khu dzinyimbi dza mufumeli a na gutago. Mahegiso gwaye gu na gira nga ndrambi yi resago nyimbi ni gu sasela nya gupfhungumule kala mahegiso; si vegisidwe kharato.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Matewu 18:7

Libango ga litigo khu kotani nya sikhunguvanyiso! Nyi ngu dziti nya gukheni iso si mwalo gu vhikedwa; aholu, libango li na ni wule a si vangago!

Matewu 26:31

Khavbo avbo, Jesu a di va embela, khuye: “Wutshigu wa muhuno mwatshavbo, mu na phalalega mu nyi diga nyenga kholu gu lovidwe, pwani: ‘Nyi na bayisa muhavisi, nyi kodza gu phalalegisa dzinvuta.’

Matewu 26:54

Yi di vbweta gu tadzisega kharini Milowo yi gu khiyo satshavbo gu vbwetega si girege kharati?”

Matewu 26:56

Aholu satshavbo sesi sa gu girega, gasi gu tadzisega Milowo ya vaprofeti.” Khavbo avbo, vapizane vatshavbo va di mu tshiya enga, va gu thava.

Marko 14:21

Khu lisine, Mwamana va Muthu a gu landra ndzila yaye kha nga edzi gu lovidwego khidzo khu mahungu yaye; aholu libango li na ni wule a na ningelago Mwamana va Muthu . Adiri tshukwana muthu yoyo na sa velegwa.”

Marko 9:12

Jesu a di va phindrula, khuye: “Khidzo. Eliya a na phela khuye ata gasi guta lulamisa silo satshavbo. Milowo gasi yari khiyo ginani khu Mwamana wa Muthu, khandri yari khiyo gu vbwetega a saniseka ngudzu ni gu nyenywa?

Luka 22:22

A gu nari Mwamana wa Muthu, a na landrisa esi si hungidwego khu Nungungulu. Aholu libango li na ni wule a na mu ningelago!”

Luka 24:46

a gu va embela, khuye: “Gu lovidwe pwani Kristo emedwe khu gusaniseka, aholu khu litshigu nya wuraru a na wuga khu ga vafudego;

Johane 17:12

Na nyi ngari navo mafuni nyi di gu va sayisa khu lina lago. Nyi sayiside vatshavbo u nga nyi ningago, mwalo ni moyo a nga dzimelago, vbavbandze ga wule gu nga vbwetega a dzimele, gasi gu tadzisega Milowo.

Johane 19:24

Va di pwanana khu gyawe, khavo: “Hi nga yi pferuli, aholu, hongoleni hi gire nyatumbatumbane, gasi gu wona yi na khala ya mani.” Yi tadzisega kharati Milowo, yi nga, khiyo: “Va kabanede guambala gwangu, va gira nyatumbatumbane khu ngandzu yangu.” Khidzo kharato ma nga gira masotshwa.

Johane 19:28

Na wonide nya gukhuye satshavbo si vbede, ni guvbweta gukhuye yi tadzisege Milowo, Jesu a di khuye: “Nyi ngupwa lidora.”

Mithumo 2:23

Mwama yoyu ningedwe khu gu dzina ni sihalo wa Nungungulu, gasi enu mu di mu ningela a khokhothedwa vbagihambanotunu khu mandza nya vathu nyambana nayo, mu mu songa.

Mithumo 28:23

Khavbo avbo, va di vega litshigu. Na li vbohide litshigu lolo, nya vangi va di hongola ndrangani a nga bani a gu vbanyela avbo Pawulo. Gukhugela ni dzimindru kala ni wutshigu, Pawulo a di ganela gwawe khu mahungu nya Mufumo wa Nungungulu. A di zama gukhuye va khodwe ga Jesu, a seketela wufakazi waye avba nya Nayo wa Mosi, ni omu nya milowo ya vaprofeti.

Mithumo 4:28

vafela gu gira esi u nga si dongisela khu gale khu tshivba ni guti gwago.

1 Vakorinto 15:3

Gilo nya guphele nyi di mi tivisa esi eni neni nyi nga hakhago: Kristo fude khu kota nya sighoho sathu kha nga edzi gu lovidwego khidzo omu nya Milowo nya Guage.