Matewu 26:18 - Bhibhiliya Nya Guage

¹⁸ A di va hakha, khuye: “Indrani dhoropani, ndrangani ga muthu nya gukari muya mu tivisa, khenu: Muhevbudzi wari, khuye: Gikhati gyangu gi vbohide. Nya guvbweta gu hodza Phasika ndrangani gwago ni vapizane vangu.”

Matewu 26:18 Iomraidhean Croise

Matewu 21:3

Uye a mu angulago, mu embeleni, khenu: Khu Pfhumu a dzi vbwetago; a na dzi resa nyamba hwela.”

Matewu 23:10

Mu nga dzumelini gu ranwa pwani muthangeli, kholu muthangeli vbakari gwanu moyo basi, khu Kristo.

Matewu 23:8

Gasi enu mu nga dzumelini gu ranwa Muhevbudzi khu muthu, kholu muhevbudzi wanu moyo basi; enu mwatshavbo mu vandruye.

Matewu 26:19

Vapizane va di gira kha nga idzo Jesu a nga va leletela khidzo. Va di ya dongisela Phasika.

Matewu 26:2

“Kha nga mu dzitigo, gu tshade matshigu mavili gasi gu hodzwa Phasika. Mwamana wa Muthu a na ningedwa gasi a khokhothedwa.”

Matewu 26:49

A di mu yela khu guvbiredza, aya mu losa, khu besu, khuye: “Sewe, Muhevbudzi!” A mu bhejari.

Marko 5:35

Na nga guganela wu dita mwango khu ndrangani ga muthangeli nya nyumba nya nombelo guta mu tivisa, khavo: “Nyamahegyane wago fude. Khu ginani u nga gu garadzago Muhevbudzi?”

Luka 22:53

Matshigu yatshavbo nyi diri nanu Nyumbani ga Nungungulu, kha mwa nyi mola! Gasi egi khigyo gikhati gyanu, a gu mufumo nya gidema.”

Johane 11:28

Na ganede esi, a diya rana ndriyaye Mariya khu phuvbo, a mu embela, khuye: “Vbohide, Muhevbudzi, a ngu gu rana.”

Johane 12:23

Uye a di va hakha, khuye: “Gi vbohide gikhati nya gudhumiswe Mwamana wa Muthu.

Johane 13:1

Wu si gu vbohi buzo nya Phasika, Jesu na gu dziti gukhuye gi vbohide gikhati gyaye nya guvbindre mafuni momu a bwelela ga Babe waye, uye, a nga golago vathu vaye va nga bani va romo tigoni, a di va gola khu monyo waye watshavbo.

Johane 17:1

Jesu, na ganede magana yaya, a di khusedza maho a khedza Ndzadzini, khuye: “Baba, khigyo egi gikhati, dhumisa Mwanago, gasi a nuye a gu dhumisa,

Johane 20:16

Jesu a di mu rana, khuye: “Mariya!” Uye a di thendregedza a hakha khu Gihebheru, khuye: “Raboni!” Gutshamusago pwani: “Muhevbudzi.”

Johane 7:30

Khavbo avbo, va di vbweta gu mu mola, aholu mwalo a nga mu khuhago, kholu gikhati gyaye gi di si gu vbohi.

Johane 7:6

Khavbo avbo, Jesu a di khuye: “Gikhati gyangu gi si gu vbohi, aholu ga enu gikhati gyatshavbo khyadi.

Johane 7:8

Indrani enu buzotunu. Eni kha nyiyi, kholu gikhati gyangu gi si gu vbohi.”