Matewu 25:5 - Bhibhiliya Nya Guage

⁵ Kha nga ulo mwane a nga hwelago gu vboha, sagadzyana si di phela gu wotela, si gu lala.

Matewu 25:5 Iomraidhean Croise

Gizimba 3:1

Mwangadzi —Wutshigu watshavbo na nyi lade dawuni gwangu, nyi di vbweta wule a godwago khu monyo wangu, nyi mu vbwetide, aholu kha nya mu mana.

Gizimba 5:2

Nyamayana —Eni nyi di gu lala, aholu monyo wangu wu di wona. Nyi dipwa gukhokhota ga lito la gigodwa gyangu, khuye: Nyi tulele lidimba, ndriyangu, gigodwa gyangu, gituvana gyangu, u vbeledego guaga, kholu hungo wangu wu tade khu thondrwane, ni ndzudzu wangu wu naganisidwe khu madododo nya wutshigu

Gizimba 5:3

Mwangadzi —Nyi tshude guambala gwangu; nyi bwelo khavbo nyi gu ambala gambe, gani? Nyi hambide migondro, nyi na bwelo nyi mi thela gambe ndzilo, gani?

Habhakuka 2:3

Kholu giwoniso gi na vbedza gikhati nya gukari, gya gu ganela khu matshigu nya guhegise, gima kha gi na lipha; ambari gya gu hwela, gi lindrele, kholu gi nata, kha gi na hwela.

Matewu 24:48

Aholu, githumi gile gya gu bani giri ni monyo nya guvivbe, gi pimisa monyoni gwaye, kharati: ‘Pfhumu yangu yi ngu hwela,’

Matewu 25:19

“Na ma vbindride matshigu nya gulaphe, yi di wuya pfhumu ya sithumi sile yita vbweta guti ginani va nga tshala va gira khu dzitsapawu dzile.

Matewu 25:4

gasi esi nya gugengele si di dzega dzikandriya ni sigasi nya mafura.

Matewu 25:6

Ni vbakari nya wutshigu si di wuswa khu lito li nga gulumelago, khilo: ‘A ngu vboha mwane, mu khingeni!’

Matewu 26:40

Na wide avbo va nga bani varomo vapizane, a dita va mana na va lade, a di embela Pedro, khuye: “Kha mwa dzi kodza gu khala na mu khendzugide wora mweyo basi, gasi gu nyi bangaladza?

Matewu 26:43

Na wide avbo va nga bani varomo vapizane, a di ta va mana gambe na va lade, kholu va di tade khu ligovbe.

Luka 1:21

Gasi vathu vatshavbo va di gu lindrela Zakariya, gumogo ni gu liwuga khu guhwela gwaye gu duga khu makhuvini nya Nyumba ya Nungungulu.

Luka 12:45

Aholu githumi gile gya gu pimisa, kharati: ‘Pfhumu yangu a ngu hwela gu vboha’, gi gu phela gu vetelela sithumi, gi hodza, gi sela, gi leva,

Luka 18:8

Nyi ngu mi embelani, khu lisine, kheni: A na dzegela gu si lamula. Ina gikhati a na wuyago Mwamana wa Muthu, a nata mana gukhodwa tigoni, gani?”

Luka 20:9

Khavbo avbo, Jesu a di phela gu ganela vbakari nya vathu, a gu va ninga gipimaniso gegi, khuye: “Muthu nya gukari a di lima lithembwe nya miuvha, a li tshiyedza valimi, a gu endra nya guya vbedza matshigu nya gulaphe, vbavbandze nya mayigo.

Varoma 13:11

Hongoleni hi gire kharato ngudzungudzu olu hi gitigo, gikhati muni egi hi vbanyago ga igyo. Hi ngu dziti gukhethu khigyo egi gikhati nya gukhendzuge khu ligovbeni. Kholu guvbanyiswa gwathu gomo vbafuvbi ngudzu guvbindra gikhati hi nga hakhago khigyo gukhodwa.

Vaefeso 5:14

kholu silo satshavbo sa gu khala guwonegelani, sa gu wenengedzwa. Khidzo gu ganedwago pwani: “Khendzuga uwe u ladego, wuga khu ga vafudego, Kristo a na gu wenengedza.”

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.

Gutuledwa 2:25

Aholu, vegisani eyi milayo mu gu nayo kala nyi gu wuya.