Matewu 25:46 - Bhibhiliya Nya Guage

⁴⁶ Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”

Matewu 25:46 Iomraidhean Croise

Dhaniyeli 12:2

Vatshavbo va ladego umo nya kudzudzwane nya mafu va na wuga, vambe va na wugela guvbanyani nya gupindruge, vambe va wugela guya dzitshonini, gusanisekani nyamba vbela.

Matewu 13:43

Gasi va nya ndruda va na ngangamela kha nga lidambo, mufumoni wa Babe wawe. Uye a gu ni dzindzeve a na yingise.

Matewu 19:16

A di yedwa khu lidzaha limwedo li nga ya mu wudzisa, khilo: “Muhevbudzi nya wadi, ginani nya gyadi nyi fanedego gu gira gasi gu mana guvbanya nya gupindruge?”

Matewu 19:29

Gasi watshavbo wule a nga digago ndranga, vandruye, nya vama ni vanyamayi, babe, mayi, mwangadzi, sanana ni sipeto khu kotani nya lina langu, a na si mana na si engedzedwe lizana dzinyondro, bwelo khavbo a mana guvbanya nya gupindruge.

Matewu 25:41

“Khavbo avbo, a na embela va nyambade gwaye, khuye: ‘Khugani mahoni gwangu, enu mu vadwego, indrani niloni nya gupindruge wu dongisedwego Sathane ni dzingilozi dzaye.

Matewu 25:45

A na va hakha, khuye: ‘Khu lisine, nyi ngu mi embelani gukheni: Dzinyondro dzatshavbo mu nga bani mu si giri isoso ga moyo nya vandriyangu nya gusolege, kheni mu nga bani mu si nyi theli kota.’

Luka 16:26

Gu diga nya isoso, vbakari gwathu ni enu womo nondrwa nya guthise nya khongolo kamwe ngudzu, nya gu ambari na hi dzinide guta iyo gwanu, kha hi dzi kodzi, kha nga enu nenu mu si dzi kodzigo, guta eno gwathu.

Johane 17:2

kholu u mu ningide tshivba nya gufumele sivangwa satshavbo, gasi a ninge guvbanya nya gupindruge vatshavbo vale u nga mu ningago.

Johane 3:36

Uye a khodwago ga Mwanaye a na ni guvbanya nya gupindruge. Gasi uye a si mu yingisigo kha na mana guvbanya, gambe a na tsayiswa khu likhulo la Nungungulu.

Johane 4:14

gasi oyu a selago mati nyi na mu ningago gima kha napwa gambe lidora, ma na mu gira gifefe nya mati nya guvbanye nya gupindruge.”

Johane 5:24

“Khu lisine, nyi ngu mi embelani, kheni: Oyu apwago magana yangu, a gu khodwa ga wule a nga nyi rumelago, a na mana guvbanya nya gupindruge. Khu kharato kha na mbemba, kholu dugide khu gufani, a gu bela guvbanyani.

Johane 5:29

Ava na bani va na giride mithumo ya yadi, va na wuga vaya guvbanyani, gasi vale va na gu bani va giride guvivba va na wuga vaya gumbembani.

Johane 6:27

Mu nga thumelini guhodza, gule gu dzi kodzago guvbela, aholu thumelani gule gu ningago guvbanya nya gupindruge, ugo mu na ningwago khu Mwamana wa Muthu; kholu khuye oyu a nga ningwago gifungo khuye mune Babe Nungungulu.”

Johane 6:40

Gugola ga Babe wangu khogu: Muthu watshavbo a wonago Mwamana, a gu khodwa gwaye, a na mana guvbanya nya gupindruge; gasi eni nyi na mu wusa litshigu nya mahegiso.”

Mithumo 13:46

Aholu, Pawulo ni Bharinabha va di ganela khu gutiya, khavo: A diri fanelo gu hegula khenu gu embedwa mahungu ya Nungungulu. Aholu, kha nga mu ma bombago, ni olu mu dzi lamulago mwabune gukhenu kha mu fanedwi khu guvbanya nya gupindruge, khu kharalo, ethu hi na thendregedza hi ya ma ningela ga va nya mayigo.

Mithumo 13:48

Va nya mayigo, na va pwide magana yaya, va di nengela, va gu rungudza mahungu ya Pfhumu; vatshavbo va nga bani va emisedwe gu hakha guvbanya nya gupindruge, va di khodwa.

Mithumo 24:15

Nyi na ni gutumba ga Nungungulu nga avo navo va gu nago nya gukhethu gomo guwuga ga vale va fudego, va nya gululama ni va nya sighoho.

Varoma 5:21

Kha nga olu gighoho gi yeyedzidego tshivba yaye khu gu resa gufa, kharati nuwo wuhigo wa Nungungulu wu ngu yeyedza tshivba yaye khu gu hi ninga gululama gu hi yisago guvbanyani nya gupindruge, khu Pfhumu yathu Jesu Kristo.

Varoma 6:23

Handro nya gighoho khu gufa, aholu, giningwa hi gi manago ga Nungungulu khu guvbanya nya gupindruge, gumogo ni Jesu Kristo, Pfhumu yathu.

Vagalatiya 6:8

Kholu oyu a yalago gudogorela nya tumbunugo nya wuthu, khu nayo nya tumbunugo a na vbwera guhina. Gasi oyu a yalago mithumo ya Liphuvbo la Nungungulu, a na vbwera guvbanya nya gupindruge.

2 Vatesalonika 1:9

Avo va na mbembiswa va yiswa hwindzo, nyamba wona ni gupwa tshivba ni wudhumo wa Pfhumu.

1 Johane 2:25

Egi khu gitumbiso a nga hi tumbisago nya gukhuye a na hi ninga guvbanya nya gupindruge.

Judha 1:21

Dzi vegeni lihaladzoni la Nungungulu, na mu gu lirela gukhenu, Pfhumu yathu Jesu Kristo, khu wuhindzi waye a mi ninge guvbanya nya gupindruge.

Gutuledwa 20:10

Sathane a nga va pengisago, a di rinywa tsivani nya nilo ni solufa, avba gu nga bani guromo girengo ni muprofeti nya malipha; avbo va na mana gutshaniseka nya gukhongolo wutshigu ni mihani kala gupindruga.

Gutuledwa 20:15

Tsivani momo va di rinywa vatshavbo vathu va nga bani va sa lowa malina yawe omu nya libhuku nya womi.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”