Matewu 25:35 - Bhibhiliya Nya Guage

³⁵ Kholu nyi diri ni ndzala, mu nyi ninga guhodza; ni lidora, mu nyi ninga mati nya gusele; nyi diri muendri, mu nyi hakhide;

Matewu 25:35 Iomraidhean Croise

1 Dzipfhumu 17:11

Na nga gu hongola aya rega mati, muprofeti a di mu rana a mu embela, khuye: “Gira wuhindzi u nyi resela gambe ni gipandre nya gibaba khu mandzani gwago.”

Joba 31:32

Vaendri va di si lali makondroni; kholu lidimba langu li di tulegide gikhati gyatshavbo gasi gu va hakha.

Mavingu 14:21

Uye a vengago muthu kwawe a gu gira gighoho, gasi wule a pwelago gisiro sisiwana, a na mana makategwa.

Mavingu 14:31

Uye a tshanisago gisiwana, a gu vala Muvangi waye, aholu uye a sayisago gwadi gisiwana a gu zundza Nungungulu.

Mavingu 19:17

Uye a phasago gisiwana a gu fiyarisa Pfhumu Nungungulu, Uye a na mu bweledzela wuwadi waye.

Mavingu 22:9

Muthu nya wuhindzi, a na mana makategwa, kholu iso a gu naso, a gu hodza gumogo ni gisiwana.

Mavingu 25:21

Nala wago a gupwa ndzala, mu ninge guhodza a hodze, a gupwa lidora, mu ninge mati a sele.

Ezekiyeli 18:16

gi si tshanisi muthu, gi bweledza iso gi fiyaridego, gi si giri wuvafa, aholu gi ninga guhodza vandzale ni gu ninga guambala vale va gu ni wuhagadzo.

Ezekiyeli 18:7

Kha tshanisi muthu, gambe a gu bweledza iso a dzegidego khu gu fiyari, khabi savane, gambe a gu ninga guhodza vandzale, a ninga guambala vale va gu ni wuhagadzo.

Dhaniyeli 4:27

mufumeli a di ganela, khuye: “Khandrilo eli lidhoropa nya likhongolo la Bhabhiloni nyi li vbahidego khu tshivba yangu gu khala tsindza nya gu dhumiswe wugulu wangu gani?”

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Matewu 25:40

Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’

Matewu 26:11

Sisiwana mu na bani muri naso gikhati gyatshavbo; gasi eni kha nyi na pindruga nanu.

Marko 14:7

Kholu sisiwana mu naso gikhati gyatshavbo. Mu na si phasa mwa gu dzina. Gasi eni, kha nyi na khala nanu kala gupindruga.

Luka 11:41

Phelani khu gu ningela sisiwana iso mu gu naso, khavbo satshavbo si na mi dugela gwadi.

Johane 13:29

kholu, kha nga olu Judha a nga bani ari muphari nya gikhwama nya dzitsapawu, vambe va di pimisa nya gukhavo Jesu a di mu ruma guya renga iso si nga bani si vbwetega vbabuzotunu, ni gukhavo mwendro a di mu ruma guya ninga zomola sisiwana.

Mithumo 10:31

a nga ta nyi embela, khuye: ‘Korineliyo, nombelo wago wu pwidwe, ni wuhindzi wago wu wonidwe khu Nungungulu.

Mithumo 11:29

Vapizane va di pwanana gu rumela silo nya guphasedzele vandruye va nga bani va gu khala Judheya, muthu ni muthu a di ninga kha nga gu manela gwaye.

Mithumo 16:15

Hwane nya gu bani a bhapatisidwe uye ni ndranga yaye yatshavbo, a di hi lomba, khuye: “Mwa gu wona gukhenu eni nyi muthu a khodwego ga Pfhumu, belani nyumbani gwangu mu khale.” A di hi gurumedza gu bela.

Mithumo 4:32

Talo nya vathu va nga khodwago va di gu vbanya khu monyo moyo ni hefemulo moyo. Mwalo muthu a nga bani a gu thula gilo gyaye khuye egi khyangu, aholu va di hengela silo satshavbo.

Varoma 12:13

Kabanani esi mu gu naso ni vandruye vale va gu mwalo gilo; hakhani gwadi vaendri.

Varoma 12:20

A engedza gambe, khuye: “Nala wago a gupwa ndzala mu ninge guhodza, a gupwa lidora mu ninge mati a sele. Wa gu gira kharato u na wungedzela magala nya nilo hungoni gwaye.”

Varoma 16:23

A ngu mi losedzela nuye Gayo, a nyi hakhidego ni gu hakha libandla latshavbo ndrangani gwaye.

Vaefeso 4:28

Oyu a nga bani a guba, a ngabi gambe, a na thume afela guvbanya khu mihandro nya lithonga laye, ni gu mana esi nya guphasedzele khiso sisiwana.

1 Thimoti 5:10

Gu vbwetega a tidwa nga nyamayi moyo a giridego mithumo nya gululame, a hevbudzidego gwadi sanana saye, a kodzago gu hakha sisiwana, a dzi vegidego vbavbatshi thumoni nya vakhodwa, a phasedzedego sisiwana sigaradzoni gwawe, a thumidego mithumo yatshavbo nya yadi.

Filemoni 1:7

Nyi nengede ngudzu nyi salala khu kotani nya lihaladzo lago, kholu myonyo nya sihathwa yi rude khu kotani yago, wandruye.

Vahebheru 13:16

Mu nga digi gu gira ndruda ni gu phasanani khu gyanu kholu khiyo mhamba yi tsakisago Nungungulu.

Vahebheru 6:10

Nungungulu khwadi, kha divaledwi khu thumo mu wu giridego enu, ni lihaladzo mu li yeyedzidego, ni giphaso mu giridego ni olu mu nga gu girago ga vandriyanu nya vakristo.

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.