Matewu 25:31 - Bhibhiliya Nya Guage

³¹ “Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Matewu 25:31 Iomraidhean Croise

Dzindzimo 9:7

Aholu, Pfhumu Nungungulu, a ngu fuma kala gupindruga, khade vbagikhalotunu gwaye nya gulamule mahungu.

Zakariya 14:5

Enu mu na tutuma mu thava khu releloni vbakari nya sigomo sangu, kholu kova wu na relela kala Azeli, mu na thavani kharati kha nga idzo mu tutumidego khidzo gikhati nya girevareva gi manegidego matshiguni ya Uziya, mufumeli wa Judha; khavbo avbo, a na vboha Pfhumu Nungungulu wangu na randredwe khu sihathwa satshavbo.

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Matewu 19:28

Jesu a di va hakha, khuye: “Khu lisine nyi ngu mi embelani: Mufumoni wa Nungungulu, gikhati Mwamana wa Muthu a na khalago vbagikhalotunu gwaye nya gutale khu gidhumo, enu mu na nyi landrela, mu na khalani vbasikhalotunu, gasi gu lamulani mahundzu yatshavbo nya likhumi na mavili ya Israyeli.

Matewu 25:6

Ni vbakari nya wutshigu si di wuswa khu lito li nga gulumelago, khilo: ‘A ngu vboha mwane, mu khingeni!’

Matewu 26:64

Jesu a di mu hakha, khuye: “U ganede. Ambari ulo nyi ngu mi embelani: Tshigu mwedo mu na wona Mwamana wa Muthu na khade nyamudye ga Nungungulu nya tshivba tyatshavbo, na guta khu mapfhini ya Ndzadzini.”

Marko 14:62

Jesu a di khuye: “Kheni. Mu na wona Mwamana wa Muthu na khade nyamudye ga Nungungulu nya Tshivba Yatshavbo, na gu tshiga khu Ndzadzini vbakari nya mapfhi.”

Marko 8:38

Kholu oyu a khalago dzitshoni khu eni ni magana yangu vbakari nya melego yoyu nya vathu nya sibhayi ni sighohi, Mwamana wa Muthu a na mu khalela nuye dzitshoni litshigu a na wuyago na tade khu wudhumo wa Babe waye, vbakari nya dzingilozi nya guage.”

Luka 22:69

Aholu Mwamana wa Muthu, gukhugela olu, a na khala nyamudye ga Nungungulu.”

Luka 9:26

Kholu, uye a na khalago dzitshoni khu kotani yangu mwendro khu kotani nya mahungu yangu, Mwamana wa Muthu a na mu khalela nuye dzitshoni litshigu a na tago na tade khu gidhumo gyaye ni gya Babe, nigyo nya sihathwa nya guage ni dzingilozi!

Johane 1:51

A di tadzisa, khuye: “Khu lisine, nyi ngu mi embelani, kheni: Mu na wona Ndzadzini na gu tudwe; dzingilozi dza Nungungulu na dzi gu lita ni gutshiga ga Mwamana wa Muthu.”

Mithumo 1:11

“Vama va Galileya, khu ginani mu pfhalago khu gu khedza Ndzadzini? Uye Jesu wa moyo mu mu wonego na gu gwela Ndzadzini, a na wuya gambe kharati nga edzi mu mu wonego na gu gwela khidzo Ndzadzini.”

1 Vatesalonika 3:13

Khu guralo, myonyo yanu yi na bani yiri gululamani nya gwadi, khavbo mu na gu kodzago guya emani mbeli ga Nungungulu, Babe wathu, na mu agide, muri mwalo nandru, gikhati Pfhumu yathu Jesu Kristo a na gu wuyago ni sihathwa saye satshavbo.

1 Vatesalonika 4:16

Iyo Pfhumu wurumba, gikhati gu na pwalago lito nya ngilozi nya yikhongolo ni pundru wa Nungungulu, yi na tshiga khu Ndzadzini, vale va fudego ga Kristo, va na guhegula khavo gu wuga.

Vahebheru 1:8

Aholu, na gu thula Mwamana, a di khuye: “Uwe u Nungungulu, mufumo wago wu na simama kala gupindruga. U ngu fumela litigo lago khu gululama.

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.

Judha 1:14

Khu kotani yawe, Enoki nuye, gitugulwana nya livbandre na sivili ga Adhamu, profetide khu kotani yawe, khuye: “Wonani, Pfhumu a nguta gumogo ni mabutho nya mazanazana nya sihathwa saye, gasi,

Gutuledwa 1:7

Mu ngu mu wona, a guta khu mapfhini; vatshavbo va na mu wona, ambari vale va nga mu songago, mafumbu yatshavbo ya mafuni ma na dzi laya khu kotani gwaye. I tiyiso: Amen.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.

Gutuledwa 3:21

“Wule a na palago nyi na mu dzumedzisa gu khala naye vbagikhalotunu gwangu nya wufumu kha nga eni neni nyi nga palago nyi khadego vbagikhalotunu nya wufumu wa Babe wangu.

1 Samuweli 2:10

Valala va Nungungulu va na pandreledwa; vbatshani gwawe, gu na pandra mabara khu ndzadzini. Pfhumu Nungungulu a na lamula mahegiso nya litigo; Uye a na ninga tshivba mufumeli waye, a na khusedza tshivba ya gihathwa gyaye.”