10 Na va hongode vaya renga mafura, a di tshala vboha mwane. Vale va nga bani va dongide va di bela naye nyumbani nya buzo nya dzegano, li gu segwa lidimba.
Matune ni ngadzi nya lifumbu ni lifumbu si di bela taroni kha nga idzo Nungungulu a nga rumago khidzo Nowa. Khu guhegisa a di bela Nowa, Pfhumu Nungungulu a sega lidimba khu hwane gwaye.
Khalani na mu dziti nya gukhenu: Nari pwani mune ndranga a ngu giti gikhati yi na gu tago khigyo mbafa vbakari nya wutshigu a na gu ghadha, gasi a si phangedwi nyumba yaye.
“Khandri watshavbo wule a gukhuye: Pfhumu, Pfhumu, a na belago Mufumoni wa Ndzadzini. Aholu a na bela basi uye a girago gugola ga Babe wangu a guromo Ndzadzini.
A gu kala mune ndranga a khuga a sega lidimba, mu na khalani vbavbandze, mu khokhotha lidimba, na mu gukhenu: ‘Hi tulele, pfhumu!’ Aholu uye a na mi hakhani, khuye: ‘Kha nyi mi tini; mwa guta khu hayi?’
Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.
Khu guralo, dzi hungeni siwunu sanu, mu nga sengwi khu gilo; vegani gutumba gwanu gwatshavbo ga giningwa mu na gi hakhago litshigu Jesu Kristo a na gu dzi wonegisago.
Mu ngu mu wona, a guta khu mapfhini; vatshavbo va na mu wona, ambari vale va nga mu songago, mafumbu yatshavbo ya mafuni ma na dzi laya khu kotani gwaye. I tiyiso: Amen.