Matewu 24:9 - Bhibhiliya Nya Guage

⁹ Khavbo avbo, va na mi yisa gusaniswani, va na mi songa; mu na zondrwa khu mayigo yatshavbo, khu kotani nya lina langu.

Matewu 24:9 Iomraidhean Croise

Mavingu 29:27

Muthu nya gululame a ngu vengana ni muthu nya guvivbedwe khu monyo, ni uye nuye nya guvivbedwe khu monyo, a ngu vengana ni uye nya gululame.

Dhaniyeli 11:33

Vbakari gwawe, vale vatigo, va na hevbudza nya vangi, aholu khu gikhati nya gukari, va na sasedwa khu matshari ni nilo, va yiswa wugumbitunu, ni gu wandredwa silo sawe.

Matewu 22:6

Gasi vambe va di wugela sithumi sile, va si songa.

Matewu 23:34

Khu kharato, nyi ngu mi rumelani vaprofeti, va nya guti ni vahevbudzi. Vambe mu na va songa, vambe mu va khokhothela; gasi vambe mu na va kwamula umo nya dzinyumba nya milombelo ni gu va tutumisani madhoropani gwanu gwatshavbo,

Luka 11:49

Khidzo kharati Guti ga Nungungulu gu nga khugo: ‘Nyi na va rumela vaprofeti ni vapostoli. Vambe va na va songa, vambe va na va sanisa.’

Luka 21:12

“Aholu, guphela, si si gu wonegi satshavbo sesi, va na mi molani va mi sanisa, va mi yisa dzinyumbani nya nombelo ni gu mi khothelani mapasoni; mu na yiswa ga vafumeli khu kotani nya lina langu;

Johane 15:18

“Litigo la gu mi zondra, dzitini gukhenu li phede kheni li nyi zondra.

Johane 15:21

Va na mi gira satshavbo sesi, khu kotani nya lina langu, kholu kha va muti wule a nyi rumedego.

Johane 16:2

Vajudha va na mi tutumisani umo nya dzinyumba nya nombelo. Gi ngu vboha gikhati nya gu vatshavbo vale va na mi songago va na pimisa gukhavo va gu rungudza ni gu thumela Nungungulu.

Mithumo 28:22

Aholu ethu hi di gola gu gupwa na wu gu ganela khu likana lago esi u pimisago, kholu hi ngu dziti gukhethu, gikhodwagi gyanu nya gu pambuge, gi ngu ganedzwa ni gu wugedwa malangani gwatshavbo.”

Mithumo 7:59

Na gu pfarwa khu siwindri Sitefane a di lombelela, khuye: “Pfhumu Jesu hakha hefemulo wangu!”

1 Pedro 4:16

Aholu, muthu a gu saniswa khu gupwani mukristo, a nga khali dzitshoni, a na bonge Nungungulu khu lina lolo nya Wukristo.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.

Gutuledwa 2:13

Nyi ngu miti mithumo yago ni avbo u vbanyago, khavbo gi guromo gikhalo nya wufumu wa Sathane. Ambari guralo, u ngu pala sigaradzo satshavbo, u namarela, khu gutiya, linani gwangu. Khwa nyenya gukhodwa ga eni. Ambari ga matshigu yale a nga songwago khayo mufakazi wangu nya gutumbege Antipa a nga bani a gu vbanya vbakari gwanu, avbo a vbanyago nuye Sathane.

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.