Matewu 24:42 - Bhibhiliya Nya Guage

⁴² Khu kharato, khalani na mu dongide, kholu kha mu li ti litshigu yi tago Pfhumu yanu.

Matewu 24:42 Iomraidhean Croise

Matewu 24:36

“Gasi litshigu ni gikhati, mwalo a si tigo, ambari dzingilozi dza Ndzadzini, ambari Mwamana; vbavbandze ga Babe basi.

Matewu 24:43

Khalani na mu dziti nya gukhenu: Nari pwani mune ndranga a ngu giti gikhati yi na gu tago khigyo mbafa vbakari nya wutshigu a na gu ghadha, gasi a si phangedwi nyumba yaye.

Matewu 24:44

Khu kharato, enu nenu khalani na mu dongide, kholu Mwamana wa Muthu anata gikhati mu na gumba gi lindrela.

Matewu 25:10

Na va hongode vaya renga mafura, a di tshala vboha mwane. Vale va nga bani va dongide va di bela naye nyumbani nya buzo nya dzegano, li gu segwa lidimba.

Matewu 25:13

Khu kharato, khalani na mu dongide, kholu kha mu liti litshigu ni gikhati a natago khigyo Mwamana wa Muthu.

Luka 21:34

“Dzi woneleni, mu nga pfhali khu limidzo ni gu leva, gambe mu nga pfhadzwi khu sigaradzo nya guvbanye! Mu ngata manwa khu litshigu lolo na mu pfhade,

Luka 21:36

Khu kharato, khalani na mu dongide, na mu gu lombelela gikhati gyatshavbo, gasi mu mane tshivba nya guvbuluge ga satshavbo si na gu dugelelago, mu kodza guta manwa khu Mwamana wa Muthu na mu nga tsaramide.”

Varoma 13:11

Hongoleni hi gire kharato ngudzungudzu olu hi gitigo, gikhati muni egi hi vbanyago ga igyo. Hi ngu dziti gukhethu khigyo egi gikhati nya gukhendzuge khu ligovbeni. Kholu guvbanyiswa gwathu gomo vbafuvbi ngudzu guvbindra gikhati hi nga hakhago khigyo gukhodwa.

1 Vakorinto 16:13

Khendzugani mu tiya gukhodwani, mu gira nga vama, mu dzi ninga tshivba.

1 Vatesalonika 5:6

Khu kharalo, hi nga khali na hi lade nga vambe, hongoleni hi khedzisele, hi vbanye khu gu dzi phara.

1 Pedro 4:7

Mahegiso nya silo satshavbo gomo vbafuvbi. Gu vbwetega mu gengela, mu dzi wonela, gasi mu kodze gu lombelela.

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.

Gutuledwa 16:15

(Khalani na mu dzi dongisede kholu nyi na vboha kha nga mbafa; kategide wule a lirelago na vegiside dzingandzu dzaye gasi a si gimbili wumbwiri, dzitshoni dzaye dzi gu wonwa khu vathu).