Matewu 24:31 - Bhibhiliya Nya Guage

³¹ A na rumela dzingilozi dza Nungungulu gu womba pundru nya gudzume ngudzu, gasi gu tombanisa sihathwa sa maphuvbo yatshavbo ya mana, gukhugela mahegiso kala mahegiso nya mafu.

Matewu 24:31 Iomraidhean Croise

Dzindzimo 22:27

Vathu va mafuni gwatshavbo va na muti Pfhumu Nungungulu va vbindrugedza avbo gwaye; mbeli gwaye mayigo yatshavbo ma na mu khozela.

Dzindzimo 67:7

Nungungulu a na hi kategise, mafuni gwatshavbo va na gu ninge githawo.

Dzindzimo 81:3

Wombani pundru nya buzo nya gumege nya ngima ni gudandra gwaye, a gu litshigu nya buzo wathu.

Ekisodha 19:16

Khu litshigu nya wuraru, ni mambagugya, gu di dzuma mabara ni gulasa, vbatshani nya gigomo gu fenengedzwa khu lipfhi nya gusivbale, ni gudzuma nya gukhongolo nya pundru. Vathu vatshavbo va nga bani va romo lizumboni va di ndrendremela.

Isaya 11:12

A na khusedza ngavbya vbakari nya mayigo, a tombanisa avo va nga vbagedwago va Israyeli, a wuyisela avo va nga phalalegago va Judha, gukhugela dzikhonani dzatshavbo dza dzina nya litigo.

Isaya 13:5

Va guta khu mayigoni ya hwindzo nya mahegiso nya lidambo. Khu Pfhumu Nungungulu ni matshari nya likhulo laye, a tago guta sasela litigo latshavbo.

Isaya 27:13

Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Isaya 42:10

Embani ga Pfhumu Nungungulu ndzimo nya yiphya, mu mu dhumisa gukhugela mahegiso nya mafu, enu mu gimbilago vbatshani nya linene ni satshavbo si guromo umo, enu sidwa gumogo ni vavbanyi vaye.

Isaya 43:6

Nyi na ganela ga mayigo ya Wuronga, kheni: Va tshudzise; ga mayigo ya Marandzi, kheni: U nga va himbedzeli! Nyi resele sanana sangu nya madzaha si guromo mayigoni ya hwindzo; ni sanana sangu nya vanyamahegyane si guromo mahegiso nya litigo,

Isaya 45:22

Wuyani avbo gwangu, mu na ta vbanyiswa enu mwatshavbo mutago khu mahegiso nya litigo; kholu eni kheni Nungungulu, mwalo mumbe.

Isaya 49:18

Khusedza maho u khedza malangani gwatshavbo; vatshavbo ava va tshanganidego, va gu wuya avbo gwago; khu lisine, nyi ngu sambanya khu guvbanya gwangu, a ngu ganela Pfhumu Nungungulu, gukheni, vathu vava vatshavbo, u nata dzi mburisa khavo kha nga guambala, u hunga khavo wulungu thamoni gukhwatshi u nyamayi nya khundzwa.

Isaya 60:4

Khusa maho u khedzisa maphuvbo yatshavbo; vathu vatshavbo vava va ngu tombana vata avbo gwago; sanana sago si nata khu hwindzo, esi nya sagadzyana si na wuya na si wugaredwe mawogoni.

Dhaniyeli 7:2

Dhaniyeli a di ganela, khuye: Na nyi lade ligovbeni, nyi di lora nyi wona dziphuvbo dzina dza ndzadzini na dzi gu dwana ni linene.

Zakariya 14:5

Enu mu na tutuma mu thava khu releloni vbakari nya sigomo sangu, kholu kova wu na relela kala Azeli, mu na thavani kharati kha nga idzo mu tutumidego khidzo gikhati nya girevareva gi manegidego matshiguni ya Uziya, mufumeli wa Judha; khavbo avbo, a na vboha Pfhumu Nungungulu wangu na randredwe khu sihathwa satshavbo.

Zakariya 2:6

Pfhumu Nungungulu wari, khuye: Dzi woneleni! Dzi woneleni! Olu thavani khu tigoni ga Wuronga, kholu eni nyi mi phalalegiside ga dzikhona dza dzina nya litigo, a ngu ganela Pfhumu Nungungulu.

Zakariya 6:5

Ngilozi yi di nyi hakha, khiyo: “Aya khu maphuvbo ya mana ya Ndzadzini, ma dugago khavbo ma nga bani ma emide mbeli ga Pfhumu ya mafuni gwatshavbo.

Zakariya 9:10

Nyi na pfhungumula dzikareta nya nyimbi dza Efrayimi ni dzikavalu dza Jerusalema; wulaho nya nyimbi wu nata fanyeledzedwa. Uye a na huwelela gurula ga mayigo; mufumo waye wu na khugela yiphwa kala yimbe yiphwa; wu na khugela tsongoni wa Ewufrate kala mahegiso nya mafu.

Zakariya 9:14

Pfhumu Nungungulu a na dzi wonegisa ga vathu vaye, sighalala saye si na duga na si gu khedziga kha nga gulasa; Mune, Pfhumu Nungungulu a na womba pundru, a gimbila khu vbakari nya gipupwane nya gute khu Marandzi.

Matewu 13:41

Mwamana wa Muthu a na rumela dzingilozi dzaye dzi dusela Mufumoni gwaye satshavbo sikhunguvanyiso ni ava va girago guvivba,

Matewu 24:22

Nari pwani kha nga rodzisa matshigu yoyo, mwalo a nga vbweta gu vbanyiswa. Aholu, khu kotani nya sihathwa saye, a na ma rodzisa.

Matewu 24:24

kholu va na dugelela Vakristo ni vaprofeti nya malipha, va na gu girago siliwugiso nya sikhongolo, gule nya gu, samba gwadi, ambari sihathwa si na pengiswa niso.

Matewu 24:32

“Hevbulani khu gipimaniso nya nguyu: Wa gu thela matamo nya matenvura ni nyenvu, mu ngu dziti nya gukhenu yi ngu vboha nango nya maronga.

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Marko 13:27

A na rumela dzingilozi dzaye gasi guta tombanisa sihathwa sa maphuvbo yatshavbo ya mana, gukhugela mahegiso nya litigo kala mahegiso nya ndzadzi.

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Johane 11:52

Nasiri gufela litigo nya Vajudha basi, aholu gufela gambe gutshanganisa sanana sa Nungungulu si phalalegidego.

Varoma 10:18

Olu nyi ngu wudzisa: Ina avo kha va mapwa mahungu yaya, gani? Khu lisine va ma pwide. Gambe iyo Milowo nya Guage yabune yi ngu ganela, khiyo: “Lito la vativisi li pwade tigoni gwatshavbo, ni magana yawe ma vbohide kala mahegiso nya mafu.”

1 Vakorinto 15:52

isoso si na girega khu gikhati gimwegyo basi, khu gukhwavbila nya maho, gikhati wu na wombago pundru nya mahegiso. Wa gu pwala pundru, ava va fudego va na wuga va vbanya nyamba fa gambe, gasi ethu, hi na vbindrugedza giemo.

Vaefeso 1:10

gukhuye si girege gutadzisegani nya matshigu: Gutshanganisa silo satshavbo si guromo Ndzadzini ni esi si guromo mafuni, a emisa Kristo kha nga hungo ni muthangeli.

Dhewuteronome 30:4

Ambari vathu vago va vbagedwego va gu manegela mahegiso nya mafu, gukhugela iyoyo, Pfhumu Nungungulu wago, a na gu tombanisa a gu wuyisa.

Dhewuteronome 4:32

Khu guralo, olu wudzisa ga gikhati gi vbindridego, gile gi gu thangedego, gukhugela litshigu Nungungulu a vangidego muthu mafuni, gukhugela mahegiso nya ndzadzi kala mambe mahegiso, ina gu di nga manega gilo nya gufanane mwendro muthu a nga pwago gilo nya nga egi, gani?

1 Vatesalonika 4:16

Iyo Pfhumu wurumba, gikhati gu na pwalago lito nya ngilozi nya yikhongolo ni pundru wa Nungungulu, yi na tshiga khu Ndzadzini, vale va fudego ga Kristo, va na guhegula khavo gu wuga.

2 Vatesalonika 2:1

Khu mahungu nya guwuye ga Pfhumu yathu Jesu Kristo, a ta tshangana ni ethu,

Vahebheru 12:19

ni gudzuma nya pundru, ni gupwala lito nya magana. Gikhati vathu va pwidego lito, va di lomba gukhavo li si ganeli gambe gimbe gilo.

Gutuledwa 1:20

Sihalo nya livbandre na dzimbili dzinyeledzi u nga dzi wonago na nyi pharide khu nyamudye, nuwo nya livbandre na dzimbili dzikandriya nya ndralama, tshamuselo wakone khoyu: Livbandre na dzimbili dzinyeledzi dza gu tshamusela dzingilozi dza Nungungulu nya livbandre na mavili mabandla. Gasi, livbandre na dzimbili dzikandriya dza gu tshamusela livbandre na mavili mabandla.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 7:1

Khavbo avbo, nyi di wona dzingilozi dzina dza Nungungulu na dzi emide mudzikhonani dza dzina nya mafu, na dzi pharide maphuvbo ya mana nya litigo, gasi phuvbo yi si furugedzi tigoni, ni matini ya phwani ambari misimboni.

Gutuledwa 8:2

Khavbo avbo, nyi di wona dzingilozi dzile nya livbandre na dzimbili dzi guromo mbeli ga Nungungulu, na dzi gu ningwa livbandre na mivili mipundru.