Matewu 23:38 - Bhibhiliya Nya Guage

³⁸ Khu kharato, ndranga yanu yi na tshala giwula,

Matewu 23:38 Iomraidhean Croise

1 Dzipfhumu 9:7

Eni nyi na fuvisa va na Israyeli ga litigo nyi va ningidego; ni nyumba yeyi nyi yi phasedego lina langu, nyi va dzudzuga hwindzo gwangu; Israyeli a na khala gihegiso ni givalo vbakari nya mayigo yatshavbo.

Dzindzimo 69:24

Va na fenengedzwe khu likhulo lago, va na vbohedwe khu likhulo lago nya guvbise.

Dzindzimo 69:25

Lizumboni gwawe gu na khale giwula, gambe gu nga manegi ni moyo nya guvbanye mitshatshani gwawe.

Isaya 5:9

Pfhumu Nungungulu nya Tshivba Yatshavbo, ganede dzindzeveni gwangu nyi mupwa, khuye: “Khu lisine, dzindranga dzatshavbo dzi na vbindrugedza dzi khala giwula, ni mudzinyumbani nya dzikhongolo nya gumbure, gu na tshala nyambana muthu.

Jeremiya 22:5

Aholu, mwa gumba yingisa magana yaya, Eni Pfhumu Nungungulu, nyi ngu sambanya khu lina langu gukheni, ndranga yeyi yi na vbindrugedza yi khala marumbi.

Dhaniyeli 9:26

Khu hwane nya livbandre na limwedo magumi dzisemana, Gihathwa gya Pfhumu, gi na songwa, kha gu na manega uye nya gu mu emele. Lidhoropa ni nyumba nya miphaso, si na khungumudwa khu dzinyimbi dza mufumeli a na gutago. Mahegiso gwaye gu na gira nga ndrambi yi resago nyimbi ni gu sasela nya gupfhungumule kala mahegiso; si vegisidwe kharato.

Sofoniya 3:6

Nyi mbembiside mayigo, nyi thesela vbavbatshi makhokhola yawe, nyi vbindrugedzide dzindzila dzawe dzi khala giwula. Avbo nya gu, ni muthu a si vbindri khumo; madhoropa yawe ma khungumuledwe, kala a si manegi ni muthu a vbanyago umo.

Zakariya 11:6

Khu guralo, Eni kha nyi na nga tsetselela gambe vathu va tigoni momu, a ngu ganela Pfhumu Nungungulu. Wonani nya gukhenu, nyi na ningela vathu, moyo ni moyo mandzani ga muthu kwawe ni mandzani ga mufumeli wawe; avo va na sasela litigo, aholu eni kha nyi na vbulugisa muthu mandzani gwawe.”

Matewu 24:2

Aholu a di va hakha, khuye: “Mu ngu si wona satshavbo sesi? Khu lisine nyi ngu mi embeleni nya gukheni kha gi na tshala giwindri vbatshani nya giwindri gikwawe satshavbo si na pfhungumudwa.”

Marko 13:14

“Aholu, mwa gu wonani manyala nya guthise na ma emisidwe avba gu si yeligo oyu a hevbulago a na si pime gwadi, avo va guromo Judheya va na thavele sigomoni.

Luka 13:35

Olu ndranga yanu yi na khala marumbi. Khu lisine nyi ngu mi embelani gukheni: Kha mu na nyi wona gambe, kala li vboha litshigu mu no, khenu: A na rungudzwe uye atago khu lina la Pfhumu!

Luka 21:20

“Aholu mwa gu wona Jerusalema na gu randredwe khu dzinyimbi, dzitini nya gukhenu gu vbohide gumbemba gwaye.

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Luka 21:6

“Li nguta litshigu si na pfhungumudwago satshavbo sesi mu si wonago, nyamba tshala ni giwindri gimwegyo vbatshani nya giwindri gikwawe.”